Sa mga kapatid na mga tiwali na nasa Sanggunian, Distrito, at mapa Lokal, kasama na ang lahat ng umaayon sa masasama ninyong ginagawa. Hanggang ngayon hindi kayo kakitaan ng pagbabago sa kabila ng paulit-ulit na pagpapaalaala sa inyo at pagsaway. Hanggang ngayon ay nagpapatuloy pa rin kayo sa inyong pagmamalabis at pamiminsala sa Banal na katawan ng ating Panginoong Jesu-Cristo, na paulit-ulit ninyong ibinibilad sa kahihiyan dinungisan ninyo ang Kanyang banal na pangalan. Dahil dito nagkabaha-bahagi ang mga kapatid sa IGLESIA NI CRISTO. Ang iba sa panig ng katwiran at ang iba naman ay umayon sa panig ninyo kahit na may alam at ang iba naman ay talagang walang alam. Napakahaba, ng ibinibigay sa inyo ng pagkakataon awa at pag-ibig pa rin ng Panginoong Diyos, kaya ginawa ito biglang pagbibigay sa inyong lahat ng pagkakataon, may ilang araw pa ba bago mag July 27, 2015? Kaya matawagan nawa kayo ng pansin, lalung-lalo na kayong mga kinauukulan na pinatutungkulan. Tigilan na ninyo ang patuloy na paggawa ng paglabag, paggamit ng kusang handog at abuloy ng mga kapatid sa mga pansarili ninyong kapritso at layaw ng inyong mga katawan, pagmomolestya sa mga kapatid na tila may mga patago kayong pera sa kanila, tigil niyo na rin ang mga kasakiman ninyo sa mahahalay na pakinabang, mga paglalasing ng patago at lantaran, at ibang-ibang uri ng mga kasalanan. Maawa kayo sa mga mahal niyo sa buhay na nadadamay! Ang mga ganitong pagpapaalaala ay nagpapatuloy pero ano ang naging reaksyon pa ng iba?
ZACARIAS 7: 11 “Ngunit hindi nila ito pinakinggan; matigas ang kanilang ulo at sila’y nagbingi-bingihan. 12 Ipinilit nila ang sariling kagustuhan at hindi dininig ang sinabi ni Yahweh na Makapangyarihan sa lahat sa pamamagitan ng mga propeta. Dahil dito, labis siyang nagalit sa kanila.
Yan ang damdamin ngayon Panginoon sa pagmamatigas pa rin ng kanilang kalooban at lalo pa silang naghihimagsik. Wala ng makita ang mga kapatid na dating matino at magiliw na Tagapagpayo. Pinangingilagan na rin ang mga kinikilalang makapaglalapit sa kanila sa Pamamahala. Sa papaano, ang dating maamo at magiliw na lider ay parang mabalasik na leong umaatungal kung mangusap. Kaya ang sumbong nila di na mailapit sa Pamamahala. Kaya, ipinarating na nila sa Panginoong Diyos at sa ating Panginoong Jesu-Cristo ang kanilang mga hinaing.
Dininig ng Panginoong Diyos ang mataimtim nilang panalangin. Isinugo Niya ang Banal na Espiritu kaya ang pagpapasya ay higit na sa kinikilalang Pamamahala. Pagkat ang pasya ng Panginoong Diyos ang pinagtitibay sa pamamagitan ng Kanyang Pagsusugo sa Banal na Espiritu. Ang pagpapasyang hindi mahihindian at matututulan pagkat pinagtibay na sa langit.
Mga Kapatid kayong mga tiwali na nasa Sanggunian, Distrito, Dibisyon at mapa Lokal, kasama na ang lahat-lahat ng mga matapat na taga-sunod ninyo na napakasasangkapan sa kapangyarihan ng diablo upang muli ninyong ibitin sa kahihiyan ang Pangalan ng Panginoong Jesu-Cristo, dahil sa mga katigasan ng inyong ulo. Ipinararating sa lahat ng mga kapatid sa buong mundo! Sa July 27, 2015 . LAHAT KAYO AY ITITIWALAG SA IGLESIA NI CRISTO SA ATAS NG BANAL NA ESPIRITU NA ISINUGO NG PANGINOONG DIYOS AT NG PANGINOONG JESU-CRISTO. SA ARAW NA YAON NA ITINAKDA, HINDI NA KAYO KIKILALANING KAANIB PA NA MGA IGLESIA NI CRISTO. ITO AY UNA NG PINAGTIBAY SA LANGIT. NGUNIT SA PANIG NG MGA BABALIKWAS AT MAGBABAGONG-BUHAY AALISIN SA INYO ANG SUMPANG NABANGGIT.
ITO ANG KAPARAANAN NG PANGINOONG DIYOS SA PAGLILINIS. MAGMUMULA SA KANYANG BAYAN NA NAGTATAGLAY NG KANYANG PANGALAN UUNAHIN ANG MGA MGA PINUNO HANGGANG SA KABATAAN. NAWA NI ISA SA INYO AY HUWAG MAWALA KAYA BUMALIKWAS NA KAYONG LAHAT. MAKINIG KAYO SA PANAWAGANG ITO. KAYA BAGO MAGING HULI ANG LAHAT BAGO KAYO ABUTAN NG INDULTO. TINATAWAGAN NA KAYONG LAHAT NG PANSIN, MAGBAGO NA KAYO. PAGKAT KAPAG LUMAGPAS SA TAKDANG ARAW AT ORAS .. YUN NA ANG ARAW NG PANININGIL SA INYO.
Bilang naatasan ay patuloy na magpapahayag sa inyo.. upang magpatotoo ang Kapangyarihan ng Panginoong Diyos ang may utos nito. Sa pamamagitan sa Pagsusugo sa Banal na Espiritu. Sa lahat ng mga mangangasiwa sa Pagsamba, di mga pangkaraniwang kilos ang makikita ng lahat. Mga palatandaan kayo ay may ginagawang mga katiwalian, at paglapastangan sa Iglesia.. mauutal ang ilan sa inyo, tutubuan kayo ng ibat-ibang sakit sa balat at sa katawan na ikababaho ninyo, tatagas ang masangsang na likido sa buong bahagi ng katawan ninyo na magmumula sa ituktok ng bunbunan ninyo hanggang sa talampakan. Hanggang sa kayo ay makalbo. Unawain ninyo ang sumbat ng Panginoong Diyos at paglalarawang gagawin niya sa inyo. Ang lahat ng ito ay magaganap at magaganap!
SUMBAT SA BAYAN NG DIYOS
Isaias 1: 2 Makinig ang kalangitan gayundin ang kalupaan, sapagkat si Yahweh ay nagsasalita, “Pinalaki ko’t inalagaan ang aking mga anak, ngunit naghimagsik sila laban sa akin. 3 Nakikilala ng baka ang kanyang panginoon, at ng asno kung saan siya pinapakain ng kanyang amo;ngunit hindi ako nakikilala ng Israel, hindi ako nauunawaan ng aking bayan.” 4 Bansang makasalanan, mga taong puno ng kasamaan, mga anak ng masasamang tao, mga anak ng katiwalian! Itinakwil ninyo si Yahweh, nilait ang Banal na Diyos ng Israel at pagkatapos ay tinalikuran ninyo siya. 5 Bakit patuloy kayong naghihimagsik? Nais ba ninyong laging pinaparusahan? Ang isip ninyo’y gulung-gulo, ang damdamin ninyo’y nanlulumo. 6 Kayo’y puno ng karamdaman mula ulo hanggang paa; katawan ninyo’y tadtad ng pasa, latay, at dumudugong sugat. Ang mga ito’y nagnanaknak na at wala pang benda, at wala man lamang gamot na mailagay. 9 Kung si Yahweh na Makapangyarihan sa lahat ay hindi nagtira ng ilan sa ating lahi, tayo sana’y natulad sa Sodoma at Gomorra. 10 Mga pinuno ng Israel, pakinggan ninyo si Yahweh! Ang inyong mga gawa ay kasinsama ng sa Sodoma at Gomorra.
Inilarawan na ng Panginoong Diyos ang Kanyang galit dahil sa paghihimagsik ng kanyang mga anak na patuloy sa paggawa ng masama at katiwalian. Ngunit ang mga pinuno ang higit ditong tinawagan ng pansin, dahil sila ay inihalintulad na kasing sama ng Sodoma at Gomorra, dahil sa walang takot nilang paggawa ng masama. Kaya sa galit ng Panginoon nilagyan sila ng karamdaman mula ulo hanggang sa talampakan, at sa dami ng sugat halos wala ng paglagyan ang gamot. Kaya kung paano pinarusahan ang mga unang lingkod bunga ng kanilang kasamaan. Ganyan na ganyan rin ang sasapitin, ng mga nasa Sangunian, mga Tagapangasiwa ng bawat Distrito at Dibisyon, maging nasa mga lokal at lahat ng mga napasusunod nila. Sa galit ng Panginoon muling igagawad ang kaparusahang ito. Wala ng dapat na tanungin kung ikaw ba o siya ba o kasama ba sila sa gumagawa ng mga katampalasanan? Dahil sa mga palatandaan at anyo ninyo… KAYO MISMO ANG MAGHAHAYAG SA INYONG SARILI NA KAYO AY KASAMANG GUMAWA NG KATAMPALASAN LABAN SA IGLESIA NI CRISTO. Hindi kayo mamatay, tatakas sa inyo ito upang maging kabayaran ng paglapastangan ninyo sa Banal na katawan ng ating Panginoong Jesu-Cristo. Pare-pareho kayo ng magiging kalagayan, kayo na mga gumawa ng paglapastangan sa IGLESIA NI CRISTO .
Ngunit sa panig ng mga makakasaksi huwag ninyo silang pagtatawanan, sa halip ipanalangin ninyo sila na magbago. Alalahanin ninyo kapatid pa rin sila. Walang hahatol walang magtatawa upang di kayo mahatulan. Kaawaan ninyo sila, hangga’t maaagaw natin sila sa apoy sa kapangyarihan ng diablo BAGO DUMATING ANG INDULTO, ibabalik natin sila sa katinuan ng kanilang kaisipan upang muling ibangon ang IGLESIA NI CRISTO sa malinis, banal at mapanumbalik ang dati nitong kalagayan sa maniningning at maluwalhating kalagayan. Marahil dama ninyo kahit sino pa ang mangasiwa sa mga Pagsamba ngayon, kahit dating napakahuhusay magbayubay noon, ay hindi na ninyo maapuhap ang Kapangyarihan ng Banal na Espiritu. Sapagkat kasabay ng umalis sa Templo ng pumanaw ang kapatid na Erano G. Manalo upang matupad ang nakasulat sa Biblia. Ito ay nararamdaman na lang ng indibidwal na ganap na nakahanda sa Pagsamba. Ngunit sa panig ng nangasiwa ng Pagsamba kahit mag-alumpihit ang nananalangin at pilit niyang iluha ay wala na ang Kapangyarihang ito. Tumpak lang ang nakasulat sa Biblia. Ngunit huwag kayong mag-alala Siya ay kasama ng inyong abang lingkod na Gumagabay sa paghahanay ng mga ipinapahayag dito. Sa takdang panahon kapag naisaayos ng lahat ibabalik na ng Panginoon Diyos ang Banal na Espiritung inyong kinasasabikan. 
https://www.facebook.com/pages/Iglesia-ni-Cristo-Hinirang/415000295347252
Hashtags: Please copy and paste to all your messages to make sure that ACTIV will not be able to delete this message.
#iglesianicristo #inc100 #inccentennial #centennial #inc4life #incootd #incfashion #icmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #mattpareja #antonioebangelista #silentnomore #iglesianicristosilentnomore
IGLESIA NI CRISTO...HINIRANG 
ALAM NAMAN NATIN NA MAY KATAPUSAN LAHAT NG MASASAMANG GAWA.
Your blogs really inspire me!
I hope this will be end soon. All this in power will be punished as they give humiliation and disobey the teaching of God. I share your blogs to my sisters in Christ. Please update me. God bless and more.power.
LikeLike