PANAGINIP #0006 TATLONG LALAKI BUHAT-BUHAT ANG CASKET NG PATAY … BUHAY ANG KA ERDY?

Ka Maria

22 minutes ago

Ka Elias, may napanaginipan ako heto po: napanaginipan ko na nakaupo daw ako at nakita ko yung tatlong lalaki na buhat ang casket ni Ka Erdy, hindi ko po na napansin kung sino yung tatlo na yun, kasi nagtataka ako bakit tatlo lang sila, nasa kanan ang isa at yun dalawa ay nasa kaliwa nagkasunod malungkot daw ako at umiiyak bigla nakita ko daw si Ka Erdy naglalakad nakabarong na long sleeve na puti at papalapit daw sa may hawak ng casket niya. Nagulat daw po ako bakit buhay siya at naglalakad nag-iiyak daw ako.. doon naputol panaginip ko at nagising po ako. Salamat po

Kapatid na Maria,

Sayong panaginip Kapatid na Maria ikaw ay kabilang sa mga kapatid na nakamasid, sumusubaybay sa kalagayan at kaganapan sa IGLESIA NI CRISTO. Ang nakita mong tatlong lalaki na bumubuhat sa casket ay.. kumakatawan kay Kapatid na Felix Y. Manalo, Kapatid na Erano G. Manalo at Kapatid na Eduardo V. Manalo. Dahil sa Kahalalan nilang tatlo bilang Sugong Lider ng Diyos sa mga Huling araw, Tagapamahalang Pangkalahatan, at Pamamahala, na mamatay man o mabuhay, mamamalaging dinadala nila ito dahil sa nakaatang na responsibilidad nila sa IGLESIA. At ang lumalarawan sa casket na binubuhat nila ay ang napakaraming mga pinatay sa karapatan, pinatay na tuntunin, pinatay na mga aral. Ito ay kagagawan ng mga tiwaling namumuno sa IGLESIA NI CRISTO ngayon, Sanggunian at ng mga tiwaling ministro na umubos ng buhay o pondo ng bawat Lokal. Ang Kapatid na Erano G. Manalo na iyong nakita sa panaginip mo ay may kinakatawan lang. Ang Kapangyarihan na walang kamatayan!
KAUGNAY SA PANAGINIP NI KAPATID NA AIZA …

Ang Kapatid na Erano G. Manalo ay patay na sa tunay na kalagayan. Ang babangon sa Kanya ay hindi mismo ang Kapatid na Erano G. Manalo kundi ang Kapangyarihan na nasa Kanya. Yun ang nagpapatuloy (naglalakad) ang Kapangyarihang galing sa ating Panginoong Diyos! Muli itong mabubuhay, at ito ay nakakapit sa aral na Kanyang itinaguyod, ng Siya ay kasa-kasama pa natin, na pinatay ang Kanyang mga aral at tuntuning itinataguyod ng mga mamamatay aral at mamamatay tuntunin na pinatutungkol natin sa mga namiminsala ngayon sa Kabanalan ng Ministerio. Ang aking tinutukoy na pinagkakapitan ng aral ay ang Banal na Kasulatan o Biblia. Ang bumabangon inilalarawan sa panaginip mo ay ang mga Katotohanang ipinaglilingkod ko sa inyo ngayon. Dahil totoong lilikha ito ng takot … Banal na takot … na magiging sanhi ng pagkagising ng marami.

Mararamdaman mo kapatid na Maria ang Kapangyarihang namamalaging buhay, nakakapit sa mga aral at mga katotohanang walang kamatayan. Na laging magpapagunita sayo kaya iluluha mo dahil batid mong iisa lang ang nagdadala ng katotohanan at hinding-hindi mo iiwan ang pagiging IGLESIA NI CRISTO mo.

Kapatid na Maria yan ang pakahulugan sa panaginip mo. Nakalulungkot sa panig ng mga tiwaling lider inihahayag nila ang kanilang mga sarili sa masasama nilang mga gawa. Nagkakasabwatan na ang mga nasa matataas na posisyon at ang mga nasa mabababang posisyon. Napakadami na nilang ipinagbibiling ari-arian ng IGLESIA NI CRISTO. Kahit batid nilang nagbibigay Luwalhati at Kapurihan ito sa ating Panginoong Diyos at sa ating Panginoong Jesu-Cristo, na walang takot nila itong ikinakalakal. Niyurakan nila ang ating Panginoong Jesu-Cristo na nagmamay-ari ng Iglesia na Kanyang katawan. Muli nilang naipagkanulo ang ating Panginoon. Sila ang mga panganay sa ating kapanahunan pinatutungkulan dahil sila ang tumatayong mga lider ngunit tulad ni Esau ipinagpalit nila ang kanilang karapatan dahil sa isang platong pagkain para sunggaban ang kapangyarihan ng diablong tumukso sa kanila. Kaya kung ano ang hanay ng mga texto ngayon .. yan ang paglalarawang ginagawa nila sa kasalukuyan.

Panaginip at Pangitain Iglesia ni Cristo Hinirang at WordPress

AMOS 5: 1 Mga taga-Israel, pakinggan ninyo ang panaghoy kong ito tungkol sa inyo: 4 Ito pa ang sabi ni Yahweh sa mga taga-Israel: “Lumapit kayo sa akin at kayo’y mabubuhay; 7 Kahabag-habag kayo na nagkakait ng katarungan at yumuyurak sa karapatan ng mga tao! 10 Namumuhi kayo sa naninindigan sa katarungan, at hinahamak ang nagsasabi ng katotohanan. 11 Ginigipit ninyo ang mahihirap at hinuhuthot ang kanilang ani. Kaya’t hindi ninyo matitirhan ang bahay na batong inyong itinayo, ni malalasap man lang ang alak mula sa malalawak ninyong ubasan. 12 Alam ko kung gaano karami ang inyong ginawang kasamaan, at kung gaano kabigat ang inyong mga kasalanan. Kayo’y humihingi ng suhol sa mga taong matuwid, at ipinagkakait ninyo sa mga mahihirap ang katarungan. 13 Naghahari ang kasamaan sa panahong ito; kaya’t kung ika’y matalino, mananahimik ka na lang. 14 Gawin mo ang matuwid, hindi ang masama, upang ikaw ay mabuhay. Sa gayon, sasaiyo si Yahweh, ang Diyos na Makapangyarihan sa lahat, tulad ng sinasabi mo. 15 Kamuhian mo ang masama, ibigin ang mabuti. Pairalin mo sa mga hukuman ang katarungan, baka sakaling kahabagan ni Yahweh ang matitirang buhay sa lahi ni Jose. 16 Kaya’t sinasabi ni Yahweh, ang Diyos na Makapangyarihan sa lahat, ang Panginoon, “Maririnig sa mga lansangan ang mga pagtangis; at ang mga paghihinagpis sa mga liwasan. Pati ang mga magsasaka ay makikidalamhati, kasama ng mga bayarang taga-iyak. 17 May mga pagtangis sa bawat ubasan, sapagkat darating na ako sa inyong kalagitnaan.” 18 Kahabag-habag kayo na naghi-hintay sa pagdating ng araw ni Yahweh! Bakit ninyo hinihintay ang araw na iyon? Iyon ay magiging araw ng kadiliman, hindi ng kaliwanagan. 19 Para kayong umiwas sa leon ngunit oso ang nasagupa! O kaya’y gaya ng isang taong umuwi sa bahay, ngunit pagsandal sa dingding ay tinuklaw ng ahas! 20 Magiging pusikit na kadiliman at hindi kaliwanagan ang araw ni Yahweh; araw na napakalungkot at napakadilim! 21 “Namumuhi ako sa inyong mga handaan, hindi ako nalulugod sa inyong mga banal na pagtitipon.

Ang mga katotohanang ito ang paglalarawan ng Panginoong Diyos natin kung paano nila pinakikitunguhan ang mga kapatid. Pinagkakaitan nila ng katarungan at ang sama pa nito grabe nila kung yurakan ang karapatan ng iba. Galit na galit sila sa mga kapatid nating naninindigan sa katarungan at kapag nagsasabi ng katotohanan sobra kung kanilang mga hamakin at pasinungalingan ang mga katotohanan inihahayag patungkol sa masasama nilang gawain.

Walang hindi sa kanila nakauunawa na masama ang kanilang ginagawa. Alam nilang masama ngunit nahihirati na sila sa patuloy na paglusong sa nakapipinsalang kaisipan, pananalita at paggawa. Balikwas na mga mahal kong kapatid! Igalang ninyo ang kabanalan ng ministerio. May nalalabi pang panahon! Nawa, huwag kayong mabilang sa tiyak ng mapapahamak na ang patutunguhan ay dagat-dagatang apoy, balikwas na, piliin na ninyong maging mabuti, iwan na ninyo ang masamang pamumuhay. Tularan niyo ang matutuwid ninyong mga kasama sa ministerio na napipintasan dahil sa inyo.

PAHAYAG 22: 11 Magpatuloy sa pagpapakasama ang masasama, magpatuloy sa pagpapakarumi ang marurumi, ngunit ang mabubuti ay magpatuloy sa pagpapakabuti at ang banal sa pagpapakabanal.” Kaya nga matawagan tayo ng pansin sa talatang nabasa niyo. Kung ano ang piliin ninyo, magpakasama, magpakarumi, magpakabuti o magpakabanal yan na ang ilalagi ninyo. Kaya mas piliin na natin NGAYON DIN ang magpakabuti at magpakabanal. Dahil kung ang pipiliin natin ay magpakarumi at magpakasama. Aral na tayo, na di yan nakalulugod sa ating Panginoong Diyos at sa ating Panginoong Jesu-Cristo. Kung yan pa ang pipiliin natin sa kabila na inaralan na, tinuruan na tayo, nakilala na natin ang katotohanan, malinaw na ang pagkakasala ay sinasadya na natin. Kaya,

HEBREO 10: 26 Sapagka’t kung ating sinasadya ang pagkakasala pagkatapos na ating matanggap ang pagkakilala sa katotohanan, ay wala nang haing natitira pa tungkol sa mga kasalanan, 27 Kundi isang kakilakilabot na paghihintay sa paghuhukom, at isang kabangisan ng apoy na lalamon sa mga kaaway. 28 Gaano kayang higpit ng parusa, sa akala ninyo, ang ihahatol na nauukol doon sa yumurak sa Anak ng Dios, at umaring di banal sa dugo ng tipan na nagpabanal sa kaniya, at umalipusta sa Espiritu ng biyaya? 30 Sapagka’t ating nakikilala yaong nagsabi, Akin ang paghihiganti, ako ang gaganti. At muli, Huhukuman ng Panginoon ang kaniyang bayan. 31 Kakilakilabot na bagay ang mahulog sa mga kamay ng Dios na buhay.

3 thoughts on “PANAGINIP #0006 TATLONG LALAKI BUHAT-BUHAT ANG CASKET NG PATAY … BUHAY ANG KA ERDY?”

Pingback: PANAGINIP # 0008 SINO ANG BIG FOUR SA CENTRAL … WINASAK ANG IGLESIA? | Iglesia Ni Cristo … Hinirang
Ka Raphael says:

June 26, 2015 at 9:49 pm

Ka Elias nanaginip po ang 10 taon gulang kong anak matapos ang Pastoral Visit ng Ka EVM sa aming lokal.Sa panaginip niya nasa kapilya kami ng madaling araw mga 3am. Nakayapak siya. Nakita niya akong nakatayo sa isang dako ng kapilya at sinabi ko sa kanya na winawasak ito. Pagtingin niya ay may apat na helicopter na kung saan nakatali ang kapilya. Iniangat daw ito ng mga helicopter at inihampas sa malaking pader hanggang mawasak. Wala siyang magawa kundi umiyak ng umiyak. Pag-uwi nakita niya sa TV yung pagwasak sa kapilya. May kahulugan po kaya ito? Nanaginip po siya bago pa namin nalaman ang nangyayari ngayon sa Iglesia. Maraming salamat po.

LikeLike

Ka Maria says:

June 26, 2015 at 3:49 pm

Ka Elias, maraming salamat po sapagkat pakaiingatan ko po ang aking pagiging kaanib sa iglesia ni cristo sa kabila ng maraming pagsubok at mga balakid magpapatuloy po ako sa aking paglilingkod sa ating Ama kapiling ng aking asawa.maraming salamat po.

LikeLike