Kapatid na Elias,
Nanaginip po ako kagabi at nang magwakas ang panaginip ay sabay naman akong nagising (madaling araw kaya nai-post ko tuloy yung aking isang matagal nang napanaginipan).
Napanaginipan ko po na ako’y pumasok sa isang maliit na kapilya na yari lamang sa kahoy. Ang mga bangko ay yari din sa kahoy na may sandalan pero masyadong masikip ang mga pagitan at di gaanong maayos ang pagkaka- arrange. Sa may harapan ng kapilya ay may awang ang bubong kaya kita ang kalangitan. Lumuhod ako para manalangin pero sa halip na yumuko at ipikit ang mga mata ay tumingala ako sa langit. Nakita ko na ang langit ay maliwanag na maliwanag, ang mga ulap ay mapuputi. Mamaya nakita ko ang napakaraming mga maliliit at maiitim na ibon na sabay-sabay lumilipad mula sa silangan patungong kanluran. Medyo nagulumihanan ako sa aking nasaksihan, parang bad omen.
Sa isang senario po naman, parang nasa klase ako at nagtatanggapan ng Suguan. Nagulat ako nang magbigayan ng suguan sa mga pagsambang English sa mga malalayong lugar, dahil sa mismong araw ng klase ibinibigay ang mga suguan at noon din ay sasakay sa eroplano para makarating sa oras ng pagsamba. Ako ay isinugo sa isa ring malayong lugar pero di ko na matandaan kung nag-eroplano din ako. Pagdating ko roon ay maliit din ang kapilya at bukod sa madilim ang paligid dahil walang koryente ay basa pa, dahil sa masama ang panahon at umuulan. Kailangang hanapin ko pa ang Pangulong Diakono at dahil walang koryente, ang mga kapatid ay nasa kani-kanilang kuwarto. Magtuturo na ako ay wala pa ring mga tao sa loob. Dahil hindi ako sanay gumamit ng PG na inihanay ng Sanggunian, inilapag ko ito sa sahig at ginawa kong luhuran, at inutusan ko ang aking asawa na hanapin yung outtine at yun ang aking gagamitin.
Dito na po naputol ang aking panaginip at ayaw na akong dalawin ng antok.
Ang inyong kapatid,
Martin
—————————————————————————————–
Kapatid na Martin maraming salamat at matiyaga kang naghintay ng magiging kasagutan sa mga ipinadadala mo na mga hanay ng panaginip. Sa kasalukuyan ay isa na rito ang binibigyan ng kaukulang paliwanag bago natanggap ang huli mong hanay ng panaginip. May mga nauna pang hanay ng panaginip sa ibang kapatid na tinanggap ngunit napag-uukulan ngayon ng paliwanag itong mga napapanahon at magkakaugnay-ugnay din naman lahat sa panaginip din ng iba. Maraming salamat na rin sa inyong lahat hindi malilimot ang mga naibahagi ninyo sapagkat ito ay nakatala bilang bahagi ng inyong mga nagawa. Darating ang araw kikilanlin ang inyong mga naging partisipasyon na naibahagi sa Blog na ito. Sa ngayon kailangan ko ang malawak ninyong pang-unawa wala tayong kinatatakutan sa kanila sa hanay ng mga tiwaling Sanggunian… lamang sinusunod ang bilin sa akin na gagawin ko ang ibayong pag-iingat lalo na nga naririto ako sa loob ng Templo, upang ang kalayaan kong maghanay, magsulat at magpahayag ay maipaglingkod ko sa Blog na ito habang ang lahat ay isinasaayos na ng ating PANGINOONG DIYOS.
Muli sa patnubay pa rin ng Banal na Espiritung nagbibigay sa atin ng tama at angkop na mga tugon sa bawat katanungang tinatanggap ko, ipinaubaya ko na tayo ay magabayan muli. Sapagkat ang paglalagak ng pagtitiwala sa Panginoong Diyos, ang panghahawak sa Karunungan taglay ng Panginoong Jesu-Cristo, ay hindi tayo dadalhin sa anumang kamalian sa halip sa patnubay ng Banal na Espiritu, mailalapat ang katotohanan pa sa bawat katotohanang inilalahad.
Narinig ang daing ng mga kapatid nating dumaranas ng pang-aapi, pang-aabuso sa pagmamalabis ng mga nasa panig ng tumatayong lider sa Sanggunian. Iniunat na ng PANGINOONG DIYOS ang dalawa Niyang Kamay para ipagtanggol ang Kanyang mga tapat na hinirang na nagpapakatapat at matatag na naninindigan sa panig ng mabuti. Di na maglalaon darating na ang Tagapagtangol na itinakda at ang Mabuting Tagapagpayo … upang mapanumbalik ang lahat mula sa dating maluwalhati at maningning na kalagayan ng IGLESIA NI CRISTO.
Kaya nga mga kapatid humanda na ang lahat! Pakatatagan ninyo ang inyong kalooban patibayin ang inyong mga damdamin. Sapagkat bago kamtan ang pagpapalang laan (Biyayang Espiritual at pagpapalang Materyal) hindi tayo makaiiwas sa masalimuot pa na ating susuungan. Pagdadaanan natin itong lahat. Ngunit mga mahal na kapatid, kung kasama na natin ang Panginoong Diyos, umaagapay ang ating Panginoong Jesu-Cristo at naka-gabay ang Banal na Espiritu sino kaya ang laban sa atin?
Magagawa natin at kaya natin ito. Bawat sinimulan mayroon ding hangganan tulad ng ginawa nilang paglapastangan at pagpilipit sa katotohanan upang mabigyan daan at katwiran ang mga pagkahumaling nila sa paggawa ng kasalanan.
Kaya sa panig natin mga kapatid ko. Walang bibitiw sa paglilingkod. Hindi kailanman isinusuko ang Pagsamba at paglilingkod sa ating Panginoong Diyos at sa ating Panginoong Jesu-Cristo. Sapagkat maihahalintulad ito sa paglingon sa likuran na ikinapahamak ng asawa ni Lot.
Kaya nga tulad ng akin ng ipinagpauna kung kayo man ay ginigipit huwag nating lulubayan ang pananalangin sa lahat ng pagkakataon, upang hindi mapuputol ang ating kaugnayan sa ating Panginoong Diyos at sa ating Panginoong Jesu-Cristo anuman ang mangyari sa kalakaran ng Iglesia ni Cristo ngayon. Dahil ang madalas na pananalangin sa Kanila ang katumbas na rin ng araw-araw natin Pagsamba habang ang lahat ng kaganapan ay ipinahihintulot pa.
Pumanatag lang ang lahat! May pagpapasya ang Panginoong Diyos na hinihingi ang matapat na pagsunod ng lahat. Ito ay nakasulat sa Biblia kapag pinahintulot na, ihahanay na natin ito sa inyong lahat. Hindi tayo makaiiwas kung iniibig natin na paayos sa kaparaanang ituturo NIYA sa atin, na hinding-hindi naman sasansalain, upang di tayo mahalintulad sa mga unang lingkod, nagmamatigas at nagmarunong kaya sinapit nila ang kapahamakan sa kabila na nasa daan na sila ng kaligtasan.
KAPATID NA MARTIN NARITO ANG IBINIGAY NA PAKAHULUGAN SA IYONG PANAGINIP.
Namamalaging ang Kalangitan ay maliwanag na maliwanag na kumakatawan sa mga Aral at Salita ng ating Panginoong Diyos at Panginoong Jesu-Cristo. Hindi kailanman kukupas o lilipas sapagkat mamamalagi itong banal at dalisay. Kahit ang mga katotohanang ito ay pilipitin man ng mapaglinlang na kaisipan ng mga tiwaling Sanggunian. Wala sa kanilang magtatagumpay kahit may paghamon sa bibig nilang umusal at may pag-angkin na tila ibig palabasin mamamatay muna bago maangkin ang tagumpay? Ibig lang ipaunawa sa atin na kontrolado na nila ang lahat at lalo na kung saan sila naroroon, CENTRAL ang tinutukoy natin.
Kaya nga para manatili ang kapangyarihan na nasa sa kanila, ay kailangan nilang mapalayo sa kanila, ang sinumang maibigan nilang palayuin o sa iba pang kaparaanan. Kailangan nilang ipatiwalag ang sinumang maibigan nilang maipatiwalag upang wala ng maging puwang na bahagi sa CENTRAL. Nang sa gayun, sila-sila ang manatiling mga naka-posisyon at kung sino ang ibig nilang iposisyon. Nakakaawa ang may ganitong mga pag-iisip. Sa Banal na Kasulatan ito bang mga nasa Jerusalem na Sentrong Tanggapan ng Pamamahala o CENTRAL sa kasalukuyan, ay may paunang paglalarawan upang ihayag kung anong pag-iisip sila ay mayroon ? EZEKIEL 11: 14 At ang salita ng Panginoon ay dumating sa akin, na sinasabi, 15 Anak ng tao, ang iyong mga kapatid, sa makatuwid baga’y ang iyong mga kapatid, na mga lalake sa iyong kamag-anakan, at ang buong sangbahayan ni Israel, silang lahat, siyang mga pinagsabihan ng mga nananahan sa Jerusalem. Magsilayo kayo sa Panginoon; sa amin ay ibinigay ang lupaing ito na pinakaari.
Gaya ng ipinauunawa may pag-aangkin nga talaga, katumbas ng salitang ikamamatay na muna bago makapagtagumpay ang kumakalaban sa kanila. Ngunit muli uulit-ulitin nating linawin hindi ang kahalalan nila ang kinakalaban natin kundi ang hayag na hayag na mga katiwalian, pang-aabuso sa paggamit ng kapangyarihan, pamiminsala at masasama nilang mga gawa. Yan ang dahilan kung bakit ganun na lang ang mga pagtitiwalag nila. Kung bakit ganun na lang din ang paghahangad nila na mawala na kayo sa CENTRAL. Lalo na sa panig ng mga naging tapat kay kapatid na Erano G. Manalo. Sapagkat ang katapatan niyo ang pupuna sa mga lantad na kamalian nila. Kaya nga para wala ng maging hadlang ginawa nila ang maibigan nilang gawin. Nagtahi-tahi silang mga kasinungalingan maisagawa lang nila ang maitim nilang balak na lumikha tuloy ng kaguluhan sa loob ng IGLESIA NI CRISTO.
Ang ulap na mapuputi ay kumakatawan naman sa mga mabubuting Hinirang na nasa loob ng Iglesia ni Cristo. Ngunit ang mga mabubuting Hinirang kinapitan ng pagsubok. Ito ang nagpadilim nagpapanglaw sa bawat hinirang kaya sa bigat na dala ay iniluha ito sa paglalarawan ng ulan. Napabayaan na ang mga Kapilya, may mga bahagi na sira at talagang kinakailangan ng kumpunihin wala na sa ayos, napabayaan ang ibang bahagi nito ay wasak. Sa kagagawan ng mga tiwaling Sanggunian na mga namamahalang patuloy sa pagliliwaliw dahil sa tinatamasang mga biyayang mula sa kusang handog at abuloy ng mga kapatid sa bawat Pagsamba sa pangkalahatan sa buong mundo. Ito ang inilalarawan ng bad omen o masamang senyales na pinakita sa panaginip mo. Sila ang mga namamahala sa Iglesia ngayon na mga pabaya, sa mga itim na ibon sila kumakatawan dahil sa maiitim na rin nilang budhi. Sama-sama sila paroot-parito magmumula dito sa Pilipinas patungong ibayong dagat. Pare-parehong mga matatayog ng lumipad taglay na ang kapalaluan. Ipinaubaya na lang nila sa mga ministro at kasamang napagbibilinan kung saan-saan isinusugo ang ang isat-isa habang sila ay nagliliwaliw. Wala na rin ang dating kaayusan sa Ministerio sa panahon ng klase nabago ang mga tuntunin pati Suguan ay doon na ibinabahagi. Ngunit sa daratnang Lokal ay inilalarawan sa panaginip mo na halos magkakatulad na ng kalalagayan sa unang senaryo sa panaginip mo. Mga Kapilyang may kasiraan, nababasa ng ulan, wala pang koryente, pati ang mga maytungkulin na dapat nasa pagbubulay-bulay at paghahanda na ay naroroon pa sa kani-kanilang kuwarto wala ng pagpapahalaga. Ngunit higit sa lahat na nakalulungkot, ang mga Sasamba ay wala pa sa loob ng Kapilya. Kaya nga darating din sa kaisipan ng mga ministro hindi na maganda ito. Kaya ang Gabay sa Pagtuturo na mula sa Sanggunian ay isasantabi ng tulad mong ministro at ang pinahanap mo sa maybahay mo, ang dati ng balangkas ang gagamitin mo. Nangangahulugan lang … marami sa mga ministrong tulad mo … ipahihintulot ng Panginoong Diyos na mabuksan din ang kanilang mga kaisipan upang maipaglingkod ang mga Katotohanan na nakasulat sa isang lihim na balangkas na may kaugnayan sa ating mga ginagawa. Ito ay sa panibagoong yugto na ng panahon na atin ng tatahakin.
– Elias Arkanghel
Durugtungan pa sa mga susunod kaugnay sa panaginip …..
Hindi man ito ang inilalarawan sa iyong panaginip, ngunit mahahalintulad sa napabayaan na at pababayaan na talaga.
Kapatid na Elias,
Hindi pa po katagalan ng ibahagi ko sa inyo ang panaginip ng aking sampung taong gulang na anak na nanaginip tungkol sa pagwasak sa kapilya gamit ang apat na helicopter (Panaginip #08) at iyon ay binigyan ninyo ng kaukulang paliwanag. Kagabi po ay ako naman ang nanaginip at nais ko rin pong ibahagi upang malaman kung ito ay may kahulugan. Narito po.
Ang panaginip ko ay nanonood daw ako ng balita at parang nire-review ang isang pangyayaring naganap patungkol sa kapatid na Eduardo at Ka Angel. Sa balita ay ipinakita si Ka Eduardo na nagsasalita sa gitna ng maraming tao na parang nagbibigay ng press conference habang sa kanyang kamay ay may hawak siyang espada. Habang nagsasalita siya ay biglang lumabas kung saan ang Ka Angel at nagtangkang lumapit sa kanya na tila ba ay may gustong gusto siyang iparating sa kanyang nakatatandang kapatid. Nang makita ng Ka Eduardo ang Ka Angel ay nagmamadali siyang tumakbong palayo at iniwan ang press conference. Sa pagkakataong iyon ay hinabol na siya ng Ka Angel. Ang sumunod na nakita ko sa aking panaginip ay si Ka Eduardo na nakasakay na sa isang train na papaalis.. Sa likod ng train ay parang may hila hilang maliliit na container at doon ay lumndag papasok si Ka Angel at nagtago. Ang susunod na eksena ay mahuhulog daw sa bangin ang train at nakita ko si Ka Angel sa loob ng container na balisang balisa at hindi alam ang gagawin. Bigla sa harapan niya ay mayroon nakita ang Ka Angel na lubid at ito ay dali-dali na itinali niya sa kanyang paa na para bang iyon ang paraan upang mailigtas niya ang kanyang sarili sa tiyak na kapahamakan. Sa bahagi pong iyo ay ginising na ako ng aking kabiyak.
Muli ay maraming salamat po at pagpalain kayo ng Panginoong Diyos.
LikeLike
Ka Elias,
Sabi niyo po gaganti ang Dios sa mga sanggunian na dumudumi at nagbibigay kahihiyan sa banal na katawan ng ating Panginoong HesuCristo. Pati po ba ang mga tagasunod lang nila na hindi naman gumagawa ng ilegal ay makakasama sa sumpa? Tulad po ng mga Ministrong tagasunod lang nila? Kasama po ba kahit ang mga activ at ang mga tagapagtanggol nila sa net na ibinabandera ang fb accnt ng isang kapatid dahil natrace nila ang IP address?
Nakakatakot na po ang mga pangyayari at hindi na po normal ang ikinikilos nila at lantaran na ang ginagawa nila laban sa mga nagtatanggol sa Iglesia. Sana po mangyari na ang sinasabi ninyo para malinis na ang Iglesia 😦
LikeLike
Reblogged this on Iglesia Ni Cristo Never Keep Silent.
LikeLike