Ka Raphael
Ka Elias nanaginip po ang 10 taon gulang kong anak matapos ang Pastoral Visit ng Ka EVM sa aming lokal. Sa panaginip niya nasa kapilya kami ng madaling araw, mga 3am. Nakayapak siya. Nakita niya akong nakatayo sa isang dako ng kapilya at sinabi ko sa kanya na winawasak ito. Pagtingin niya ay may apat na helicopter na kung saan nakatali ang kapilya.
Iniangat ito ng mga helicopter at inihampas sa malaking pader hanggang sa ito ay mawasak. Wala ng magawa ang sinuman kundi umiyak ng umiyak. Pag-uwi nakita niya sa TV yung pagwasak sa kapilya. May kahulugan po kaya ito? Nanaginip po siya bago pa namin nalaman ang nangyayari ngayon sa Iglesia. Maraming salamat po.
—————————————–oo0O0oo—————————————–
Matapos ang Pastoral Visit ng Kapatid na Eduardo V. Manalo ay muling nagpatotoo sa anak mo ang siya ay makapanaginip. Gaya ng itinakda sa mga huling araw pagkakalooban ng Panginoong Diyos na magkaroon ng panaginip at pangitain ang bawat tao ang isa sa pinalad na maagang mapahintulutan ay ang iyong anak upang magamit siya sa kanyang kaukulan, ang makapagbigay ng mensahe.
Dito ay inilarawan na nakayapak siya o inalisan na ng karapatan. Samantalang ikaw naman ay kumakatawan sa mga patuloy na nakapaninindigan na nasa Pagsamba pa sa Panginoong Diyos. Idinetalye sa kanya ang madaling araw na sumasagisag sa umagang madilim. Ibig sabihin naging mapanglaw ang pag-asa ng lahat.
Dahil sa pagkilos ng apat na pwersa na binabanggit sa Biblia patungkol sa The Big Four sa Spiritual, na iba sa The Big Four sa kasaysayan na ipinauunawa sa atin sa mga pagte-texto sa panahon ng Pagsamba kapag pinatutungkulan ang panahon ng sumiklab ang World War I. Sila ay hindi kabilang sa IGLESIA NI CRISTO. Subalit ang binabanggit natin na The Big Four yung pinatutungkulan sa Banal na Kasulatan …
ZACARIAS 1: 18 At aking itinanaw ang aking mga mata, at aking nakita, at, narito, ang apat na sungay. 19 At aking sinabi sa anghel na nakikipagusap sa akin, Ano ang mga ito? At siya’y sumagot sa akin, Ito ang mga sungay sa nagpangalat sa Juda, sa Israel, at sa Jerusalem.
Ang apat na sungay ay kumakatawan sa kapangyarihan na tinataglay ng mga namiminuno sila ay kabilang sa mga tiwaling nasa Sanggunian. Ang mga pinuno na ito ay mataas na ang pagkilala sa kapangyarihan na nasa sa kanila. Sabi nga ng iba nagkapakpak lang napakatayog na ng lipad.
Kaya sila ang kumakatawan sa helicopter. Dahil sa kanila nagpangalat ang mga kapatid na nasa Jereusalem ( CENTRAL sa ating kapanahunan ngunit ang naroon ay mga kapatid nating mga IGLESIA NI CRISTO na kabilang sa Israel) Kaya sino ang apat na ito na pinatutungkulan sa Biblia? Ang mga ito ay wala ng galang sa ating Panginoong Diyos mga naghahari-harian na doon sa CENTRAL.
Ang apat na ito na ay mataas na ang pagkakilala nila sa sarili? Ang Kapilya ay malinaw na sumasagisag sa IGLESIA at kanila itong inihampas sa matatag na pader na naitayo sa pamamagitan ng kapatid na Erano G. Manalo. Kaya nga, dahil sa kanilang malupit na pamamaraan at pagmamalabis sa kapangyarihan iginuho nila ang marangal at mataas na pagkakilala at paggalang ng marami sa IGLESIA NI CRISTO, na ito ang sumasagisag sa pader, na ngayon ay nawasak na ang pagkakilala ng marami dahil sa pinsalang gawa nilang apat na pangunahing naging dahilan at sanhi ng pagkakabaha-bahagi at pagkakahiwa-hiwalay sa panig nila (Jerusalem) sa panig ng mga naniniwala sa kanila (Israel) at sa panig ng pumupuna ng mga kamalian nila (Juda).
Hanggang sa tuluyan na nila itong mawawasak ang pag-asang maititindig pa ng apat na sungay, ngunit di na nila maibabangon pa ang giniba nila. Wala ng magagawa pa na halos ikahahapis ng maraming mga kapatid. At ng makabalik nga sa inyong tahanan, tumambad na sa kanya ang mga kaganapan sa pamamagitan ng social media na kumakatawan sa TV.
Maraming salamat! Pumanatag lang tayo sapagkat kailangang maganap ang lahat ng iyan para sa lalong higit nating inaasahan at pinakahini-hintay. Kaya nga sa takdang panahon may binabanggit sa Biblia na titindig at Siya ang magiging lunas ng lahat!
Maraming salamat Kapatid na Raphael at ibinahagi mo ang panaginip ng iyong anak. Yan ay malaking pagkilala mo sa ibinigay ng Panginoong Diyos sa kanya na kanyang gampanin o tungkulin ang makapagpahayag ng mensahe. Mapalad ka ikaw ay may anak na tanggap mo ang anumang ipinapahayag niya. Yan ang kanyang gampanin! Dapat maging katulad mo rin ang iba sa pagkilala at pang-unawa. At pinapayagan mong pakasangkapan sa Panginoong Diyos ang anak mo bilang mensahero. Kapatid na Raphael higit pa diyan ang maihahanay niya sayo. Dahil sa pakikipag-ugnay mo dito. Maraming salamat!
GAWA 2: 17 ‘Ito ang gagawin ko sa mga huling araw,’ sabi ng Diyos, ‘Ipagkakaloob ko ang aking Espiritu sa lahat ng tao; ipahahayag ng inyong mga anak na lalaki at babae ang aking mensahe. Ang inyong mga kabataang lalaki ay makakakita ng mga pangitain, at ang inyong matatandang lalaki ay magkakaroon ng mga panaginip. 18 Sa panahong iyon, ibubuhos ko rin ang aking Espiritu, sa aking mga alipin, maging lalaki at maging babae, at ipahahayag nila ang aking mensahe.
MAY PANAGINIP KA BA? MAY PANGITAIN KA BA? NAIS MO BANG IBAHAGI MABIGYAN KA NG PAGKAUNAWA KUNG SAAN AT KANINO ITO NAPATUTUNGKOL! ANG MAKAPAGHANAY KA NG PANAGINIP AY TUNGKULIN O GAMPANIN NG MAITUTURING SAPAGKAT GAYA NG IPINAUUNAWA SA TALATANG NABASA ANG MENSAHE AY MULA SA PANGINOONG DIYOS NATIN. MULI ITONG IPAGLILINGKOD NG WALANG ANUMANG KAPALIT KUNDI IBALIK LANG LAGI NATIN SA PANGINOONG DIYOS AT SA PANGINOONG JESU-CRISTO ANG KAPURIHAN SA MULING PAGGABAY AT PAGPATNUBAY SA ATIN NG BANAL NA ESPIRITU.
Hashtags: Please copy and paste to all your messages to make sure that ACTIV will not be able to delete this message. #iglesianicristo #inc100 #inccentennial #centennial #inc4life #incootd #incfashion #icmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #mattpareja #antonioebangelista #silentnomore #iglesianicristosilentnomore
JUNE 28, 2015 9:17
IGLESIA NI CRISTO...HINIRANG 
Magandang Araw po ka. Elias, may nakita po ako sa aking pangitain kagabi April 17,2016 habang ako po ay nasa byahe, nakita ko ang aking ANAK sa Tubig na umaagos at sya’y inanod at ang laking gulat ko at lalong nagpakaba sakin ay ng Makita ko sa bandang unahan ng umaagos na tubig ay pabulusok ang agos ng tubig at malalim sa kababagsakan nito at humahalimbukay ang tubig at pagdaka’y naalimpungatan na ako at kinabahan pa ng lalo. Ano po ba ibig sabihin ng aking napaginipan at maari po bang malaman ang kahulugan nito?
Ang inyong kapatid sa panginoon “_”…..
————————————————————————————————-
Mahal kong kapatid,
Ang iyong panaginip kapatid ay simbolikal na pinatutungkulan ng anak ay sumasagisag kay kapatid na Eduardo V. Manalo … Nagpakalabis na siya sa pagtampisaw …patuloy na nagpapadala ayon sa kanyang maibigan at hindi na sa Kalooban ng PANGINOONG DIYOS.. Hindi niya namamalayan ang mga panganib sa unahan o sa hinaharap. Ang taas na ng kanyang pagkakilala sa sarili kaya hindi niya mamamalayan na bigla na lang siyang lalagapak sa dami ng kanyang kakaharaping mga problema at suliranin ang simbolikal na paliwanag sa humahalimbukay na tubig. Yan ang tugon sayong panaginip kapatid na Gregorio Pilar. – Elias Arkanghel 02072017
LikeLike
Reblogged this on Iglesia Ni Cristo Never Keep Silent.
LikeLike
Ka elias,
Na istroke po ang papa ko last december. May mga tumutubo na sugat sa mukha niya at ang napaginipan ko po ay related dun nakatayo daw po ako tapos nakita ko po ang aking mukha na may sugat-sugat kagaya ng mga sugat na tumubo sa papa ko. Tumingin po ako sa salamin at nakita ko po na tadtad nga po ng mga sugat yung mukha ko kagaya ng sugat ni papa at nagulat po ako at cnabe ko po na bakit ganun? Kahit hindi naman ako naghihilamos hindi naman nagkakaganun ang mukha ko tapos gulat na gulat po ako di ko po matandaan kung meron din sa katawan pero sigurado po ako na meron sa mukha. Yun lamang po at nagising na ako.
LikeLike
Ka Elias, maraming maraming salamat po sa inyong paliwanag sa panaginip ng aming anak.
Magkahalong kilabot po at galak ang aming nadama. Kilabot dahil po sa kahulugan ng panaginip lakip ang patotoo ng Banal na Espiritu at galak na may lakip pagpapasalamat dahil naging isa po siya na ginamit na kasangkapang daluyan ng mga pahiwatig ng ating Panginoong Diyos patungkol sa mga nakalulungkot ngayong kaganapan sa loob ng Banal na Iglesia.
Kasama po kayo sa aming mga panalangin. Nawa’y patuloy kayong kasihan ng Banal na Espiritu, ipagkaloob ang kapangyarihan at karunungan upang maipaliwanag pa sa amin ang mga kalooban ng Panginoong Diyos upang ihanda kami sa marami pang pagsubok na mangyayari sa darating pang mga araw. Samahan nawa kayong lagi ng Panginoong Jesus sa araw araw, patnubayan ng Kanyang dakilang kapangyarihan at walang hanggang pag-ibig. Higit sa lahat ay patuloy na lukuban kayo ng dakilang kapangyarihan ng Amang nasa langit, upang malubos niyo ang isang napakalaki at dakilang gampanin na ini-atang Niya sa inyong balikat alang alang po sa IGLESIA NI CRISTO.
Patnubayan po kayo ng Panginoong Diyos na Makapangyarihan sa lahat.
-Ka Raphael
LikeLike