Naghintay pa ng ilang araw, July 31, 2015 ng tanggapin ang pagpapasyang hindi ko mahihindian. Ngunit humiling pa ng labing-limang araw kung mapahihintulutan na magamot pa at mangagsisipagbago pa kayo at mga magsisipagbalikwas. Ngunit ikaw man kapatid na Eduardo V. Manalo ipinakiusap ko ng ika-27, ng Hulyo ay huwag mabilang, ngunit sumapit ang ilang araw isinama ka na sa pinasyahan at ipinahayag na mismo ng Panginoong Diyos at ng Panginoong Jesu-Cristo. Ang pasya ay itiwalag kayong lahat ipinagpaunang binasa ipinahayag kayong apat. Kailangan mangyari ito, kalooban ng Panginoong Diyos at di ng tao. Upang matupad ang Kanyang Salita laban sa inyong apat na naging sanhi ng pagkalat at pagkabaha-bahagi ng mga kapatid sa Iglesia ni Cristo.
Nawa ang pangyayaring ito ang maging dahilan ng inyong pagbalikwas, para makasama namin muli kayo. Wala kaming inuutusan na layuan kayo at hindi kayo kausapin. Sa halip kung maramdaman na ang ganap na pagsuko ninyo at buong kapakumbabaang inaamin ninyo ang mga pagkukulang ninyo, na ipinahahayag ninyo sa buong mundo. Kaming mga kapatid mo sa Espiritual na paglilingkod ay muling yayakap ng mahigpit sa inyo.
Ngunit mahal kong kapatid bago ang lahat, unawain mo muna ang hanay ng Banal na Kasulatan para sa inyo. Gaano man kasakit ang mga hanay na narito. Hayaan mong kumurot sa dibdib ninyo kung yan ang magpapayuko muli sa inyo sa harap ng Panginoong Diyos at ng ating Panginoong Jesu-Cristo.
Bakit nga ba nagkakaganito ang mga kapatid sa loob ng Iglesia ni Cristo? Katanungan na sinagot ng Banal na Kasulatan. Ito ay dahil sa pagkilos ng apat na pwersa na binabanggit sa Biblia patungkol sa The Big Four sa Spiritual …na iba sa The Big Four sa kasaysayan na ipinauunawa sa atin sa mga pagte-texto sa panahon ng Pagsamba kapag pinatutungkulan ang panahon ng sumiklab ang World War I. Sila ay hindi kabilang sa IGLESIA NI CRISTO. Subalit ang binabanggit natin na The Big Four kabilang sa Iglesia ni Cristo na sila ang tuwirang pinatutungkulan sa Banal na Kasulatan …
ZACARIAS 1: 18 At aking itinanaw ang aking mga mata, at aking nakita, at, narito, ang apat na sungay. 19 At aking sinabi sa anghel na nakikipagusap sa akin, Ano ang mga ito? At siya’y sumagot sa akin, Ito ang mga sungay sa nagpangalat sa Juda, sa Israel, at sa Jerusalem.
Ang apat na sungay sumasagisag sa apat na tao na may kapangyarihan na gawin ang kanilang anumang maibigang gawin. Ngunit pangunahin na sinusunod ang atas ng Pamamahala maliban na lang kung mismo ang Pamamahala ang nagbigay ng kapangyarihan sa sinumang nahirang niya na kumatawan sa anumang departamento na kaukulan niya na ayon sa ibinigay sa kanyang tungkulin na may pagsang-ayon ang buong Sanggunian. Sila ay nasa hanay ng Sanggunian ng Iglesia na nasa Central ang pinaka-sentrong tanggapan ito ang JERUSALEM kung saan naroon ang Pamamahala ng Iglesia ni Cristo noon. Ngunit ngayon ito ang CENTRAL na simbolikal na tawag sa Espiritual ay Jerusalem, narito ang pinaka-sentrong tanggapan ng mga Tagapangasiwa, Pastor, Manggagawa at sa mga matataas na naglilingkod sa CENTRAL .
Ang apat na ito ang pangunahing naging dahilan at sanhi ng pagkakabaha-bahagi at pagkakahiwa-hiwalay ng mga kapatid sa loob ng Iglesia ni Cristo. ANg iba ay sa panig nila na nasa Central (Jerusalem) sa panig ng mga naniniwala sa kanila (Israel) at sa panig ng pumupuna ng mga kamalian nila (Juda).
SA ARAW NA ITINAKDA, KAYO AY ITITIWALAG SA IGLESIA NI CRISTO SA ATAS NG BANAL NA ESPIRITU NA ISINUGO NG PANGINOONG DIYOS AT NG PANGINOONG JESU-CRISTO. Naganap ang lahat ng ito buwan ng July petsa 27, taong 2015, sa oras na ikalabindalawa ng katanghaliang-tapat.
Kaya huwag magtaka kung bakit gayun na lamang ang inyong mga pangangaral sa panahon na tumatayo kayo sa Banal na Tribuna. Sapagkat ang sugat na mahirap humilom ay nasa inyo ng katauhan; ang walang kapayapaan, puro kaligaligan, pawang takot at pangamba, tila di matahimik na konsensya yan ang kumakatkat mula ulo ninyo hanggang talampakan. Sugat sa Spiritual! Masakit ang mga katotohanang inyong naririnig sa lahat. Sapagkat tila binabakbak pa ang sugat ng inyong katauhan na halos namimilipit kayo sa sakit sa mga terminong sa inyo ay binabanggit.
Kaya ang pulpito o Banal na Tribuna ang ginagamit ninyo para ibuhos ninyo ang mga nagsisimpuyo ninyong damdamin sa galit sa mga di umano mga pinagmumulan ng paninira sa inyo. Dahil ang buong katotohanan ang ipinararatang ninyo sa mga personalidad na binabanggit ninyo sa kapulungan ng mga kapatid na Sumasamba, na paulit-ulit na inyong sinusumbatan na naging dahilan ng kaguluhan ay walang ibang gumagawa nito… kundi kayo. Pawang paghihimagsik at pananakot ang namumutawi sa inyong mga labi. Wala ng katutubong pag-ibig at pagmamalasakit sa mga kapatid.
Hirap na hirap na kayo sa pakikitungo, pati nga sa loob na ng Templo wala na ang tiwala. Sangkaterba ang bantay, guwardyado na kayo sa magkakabilang kanto ano ba ang ikinatatakot ninyo? Ito ang palatandaang may sakit na nga kayo na lalo pang lumulubha. Panay ang pagpatay ninyo sa karapatan. Ngunit hindi pinagtibay sa langit ang pagpapasyang pagtitiwalag na ginagawa ninyo sa karamihan. Ito ay pinagtibay at proseso lang ng tao. Nauna na kayong mga itiniwalag ng Banal na Espiritu. Hindi na kayo makaiiwas pa sa pag-uusig ng marami. Lalo pang dumarami at darami pa ng darami sapagkat lahat ay dilat na sa mga pangyayari at kitang-kita na rin nila ang buong katotohanan na tinakpan lang ninyo ng makukulay na salita at magagandang ulat ngunit punung-puno ng kasinungalingan ang ipinapahayag ninyo sa kapulungan ng mga kapatid. Ito ang pinaka-mahirap gamutin ang usigin kayo mismo ng inyong konsensya. Damang-dama ng mga Sumasamba at punado ang pamamaraan ninyo sa pagtuturo na tila may paghihimagsik. Paulit-ulit na pahayag ninyo patungkol sa paninira na nagbigay daan pa, para ang mga kapatid na dating sumunod sa inyo na pinagbawalan sa paggamit ng Facebook o anumang Social Media ngayon ay kasa-kasama na namin na mga nagsasaliksik na rin. Kaya habang tumatagal kung walang pagbabagong iiral, ang mga kapatid ay may pagpapasya ng gagawin.
JEREMIAS 8 : 5 Bayan kong hinirang, bakit kayo lumalayo sa akin ngunit hindi naman nagbabalik? Bakit hindi ninyo maiwan ang inyong mga diyus-diyosan, at ayaw ninyong magbalik sa akin? 6 Naghintay ako at nakinig ngunit walang nagsalita ng katotohanan. Ni walang nagsisi sa kanyang kasalanan. Wala man lamang nagtanong, ‘Anong kasalanan ang nagawa ko?’ Bawat isa ay ginawa ang sariling maibigan, gaya ng kabayong patungo sa digmaan.
Paanong nagawa ng mga itinuring na hinirang, na lumayo pa sa ating Panginoong Diyos? Nasa talata na rin ng Biblia ang kasagutan? Dahil hindi nila maiwan ang mga diyus-diyosan! Sa paanong paraan at nagawa nilang sumamba sa diosdiosan?
EZEKIEL 14: 2 At ang salita ng Panginoon ay dumating sa akin na nagsasabi, 3 Anak ng tao, tinaglay ng mga lalaking ito ang kanilang mga diosdiosan sa kanilang puso, at inilagay ang katitisuran ng kanilang kasamaan sa harap ng kanilang mukha: dapat bagang sanggunian nila ako?
Yan ang dahilan kung bakit gayun na lamang ang inyong mga paghahanay sa tuwing kayo ay nasa tribuna. Kayo ang totoong tisod sa mga kasamaang pinaggagawa ninyo kapag humaharap kayo sa kapulungan, sapagkat ang nakikita ninyo ay ang inyong sariling mukha sa pagsasalarawan ng Banal na Kasulatan. Alalaumbaga hindi nakapagtataka sapagkat tinaglay niyo sa inyong puso ang diosdiosan.
Naghintay ang Panginoong Diyos sa inyo kung kayo ba ay magsisibalik mula ng ilayo ninyo ang inyong puso sa Kanya. Ngunit mahirap na ngang mangyari sapagkat binibigyan niyo na nga ng baluktot na pangangatwiran ang mga masasama ninyong mga pinaggagawa. Pilit ninyong sinasabi na ang itim ay puti, pilit ninyong ipinauunawa sa lahat na ang diablo ninyong gawain ay gawang sa Panginoong Diyos. Kung kayo ay magpapatuloy pa rin sa gayang mga kaisipan sa halip na magbago ay ano ang tawag sa inyo ngayon ng Panginoong Diyos?
ISAIAS 5 : 20 ” Kawawa kayo, mga baligtad ang isip! Ang mabuting gawa ay minamasama, at minamabuti naman iyong masama, ang kaliwanaga’y ginagawang kadiliman at ang kadilima’y itinuturing na kaliwanagan. Sa lasang mapait ang sabi’y matamis, sa lasang matamis ang sabi’y mapait.” (Magandang Balita Biblia)
Masakit ang katotohanang ito na kayo ay mapagsabihan na baligtad na ang pag-iisip. Ngunit kailangan ninyong malaman kapag baligtad sa karaniwang normal. Ano na ang tawag sa inyo ngayon? Hindi normal! May sakit na nga kayo!
11 Hindi nila pansin ang kahirapan ng aking bayan. Ang sabi nila, ‘Payapa ang lahat,’ gayong wala namang kapayapaan. 12 Ikinahiya ba nila ang kanilang masasamang gawa? Hindi! Hindi na sila marunong mahiya! Makapal na ang kanilang mukha. Kaya nga, babagsak sila tulad ng iba. Ito na ang kanilang magiging wakas kapag sila’y aking pinarusahan. Ito ang sabi ni Yahweh.
Kaya tatagan ninyo mga mahal kong kapatid. Ang pagpapasyang ito ay ipinahintulot ng Panginoong Diyos na maganap. Dito susubukin ang damdamin ninyo. Ngunit ipaubaya ninyo sa Panginoong Diyos ang lahat. Sapagkat bahagi ito ng Kanyang lihim na panukala. Kailangan maganap ang pangunahing pagtitiwalag sa apat hindi para tayo ay pangalatin at paghiwalay-hiwalayin.
Ang Pangitain Tungkol sa mga Sungay at sa Panday
ZACARIAS 2 : 1 Ako’y tumingin at may nakita akong apat na sungay. 2 Tinanong ko ang anghel na kausap ko, “Ano ang kahulugan nito?” Ang sagot niya sa akin, “Iyan ang mga sungay na nagpakalat sa Juda, Israel at Jerusalem.” 3 Pagkatapos, apat na panday ang ipinakita ni Yahweh sa akin. 4 Itinanong ko, “Ano ang gagawin nila?” Sumagot siya, “Ang Juda ay lubusang winasak ng mga sungay na nakita mo, anupa’t walang makalaban sa kanila. Ipinadala ko ang mga panday na ito upang siyang humarap sa apat na sungay; babaliin nila ang lahat ng sungay na ginamit laban sa Juda.”
ANG APAT NA PANDAY SA SPIRITUAL NA SUMAMA AY SINA: “ELIAS” “MIGUEL” “GABRIEL” “ARKANGHEL” NA INIHARAP SA APAT NA SUNGAY NA KUMAKATAWAN KINA EDUARDO V. MANALO, GLICERIO B. SANTOS, JR., RADEL G. CORTEZ, at BIENVINIDO A. SANTIAGO, JR.
PATUNGKOL SA PAGHAHANDA SA PAGSASAAYOS …
2. LAHAT NG MINISTRONG AYAW NG SUMUNOD PATALI SA PAMAMAHALA NG TIWALING SANGGUNIAN AY PANSAMANTALA NA MAG-KANYA-KANYA NG LOKAL AT WALA NG MAGRE-REPORT SA CENTRAL.
3. LAHAT NG ABULUYAN, TANGING HANDUGAN BAWAT PAGSAMBA AY MAAYOS AT MAINGAT NA LIKUMIN SA BAWAT LOKAL, UPANG GUGULIN SA PAGSASAAYOS MULI NG MGA KASIRAAN NG INYONG SARILING GUSALING SAMBAHAN.
4. ANG MGA KAPATID AY BATARESAN AT BAYANIHAN NA MAGTUTULUNG-TULONG SA LAHAT. PATI NA NG KAAYUSANG IPATUTUPAD NA DATI NG IPINATUTUPAD NG KAPATID NA ERANO G. MANALO.
5. ANG TULONG NG MGA MANGGAGAWA AT MINISTRO AT PAMILYA NILA AY MAGMUMULA SA KUSANG BIGAY NG MGA KAPATID. KUNG ANO ANG KAKANIN AT IINUMIN AT DARAMTIN AY MASAYA NATIN SILANG BABAHAGIAN DAHIL SILA ANG TUNAY NA MGA MINISTRONG MAY DANGAL NA DAPAT TULUNGAN AT KALINGAIN.
6. ANG HANAY NA ITETEXTO PANSAMANTALA AY PAGBABALIK ARAL SA MGA DOKTRINA SA LOOB NG IGLESIA NI CRISTO.
7. ARAW-ARAW MAGSAGAWA NG PANANALANGIN SA BAWAT DAKO PANGUNAHAN NG MANGGAGAWA O MINISTRO O MGA NAATASANG MAYTUNGKULIN. AT LALO PANG MAALAB NA ITURO NG NANGUNGUNA ANG PAG-IIBIGANG MAGKAKAPATID, PAGGAGALANGAN SA ISAT-ISA. AT ANG MATAAS NA URING PANANAMPALATAYA SA PANGINOONG DIYOS AT SA PANGINOONG JESU-CRISTO.
Higit sa lahat pangunahin sa lahat:
1. WALANG TITIGIL SA PAGSAMBA … MAY PASYA ANG PANGINOONG DIYOS KUNG HINDI PAHINTULUTAN SA KAPILYA. SUNDIN NATIN ITONG PAHAYAG SA BIBLIA.
EZEKIEL 11 : 16 Kaya, ganito ang sabihin mo sa kanila: ‘Pinangalat ko sila sa iba’t ibang dako kaya maaari nila akong sambahing pansamantala saanman sila napatapon.’
May pahintulot ang Panginoong Diyos na magsagawa muna ng Pagsamba pansamantala saan man. Ito ay sa panig ng mga kapatid nating Iglesia ni Cristo na naghahanap ng dakong pansamantalahang Pagsasambahan.
17 Sabihin mo na muli ko silang titipunin mula sa mga bansang kinatapunan nila at ibibigay kong muli sa kanila ang lupain.
Nangyari ang pangangalat sa ibat-ibang dako at bansa dahil nga sa kaiiwas sa mga nagbabantang maminsala na tauhan ng Sanggunian.
18 At pagbalik nila roon, aalisin nila ang mga kasuklam-suklam na mga bagay roon.
Sa takdang panahon muling babalik sa mga Lokal at CENTRAL na lilinisin at aalisin na ang mga bagay na nakapipinsalang maiiwan ng mga tiwaling Sanggunian.
19 Bibigyan ko sila ng bagong puso at bagong espiritu. Ang masuwayin nilang puso ay papalitan ko ng pusong masunurin 20 upang lumakad sila ayon sa aking mga tuntunin at sumunod sa aking mga utos. Sa gayon, magiging bayan ko sila at ako ang kanilang magiging Diyos.
Muli lahat ay tataglayin muli ang kapayapaan dahil may bago ng puso at bagong Espiritu. Ang mga dating pusong masuwayin ay kakikitaan na ng lubos na pagsunod.
21 Ngunit pagbabayarin ko ang mga gumawa ng karumal-dumal at kasuklam-suklam na bagay.” Ito ang sabi ng Panginoong Yahweh.
Sa kahulihulihan sa hanay ng mga tiwaling Sanggunian na gumawa ng kasuklam-suklam na bagay sabi ng Panginoong Diyos. Sila ay pagbabayarin.
Mga mahal kong dating kapatid na Eduardo V. Manalo marahil nauunawaan mo ang huling bahagi ng talata. Kailangan niyo munang pagbayaran ang kasuklam-suklam na ginawa ninyo sa Iglesia ni Cristo, sa harap ng Panginoong Diyos at ng Panginoong Jesu-Cristo. Kung nakahanda kayong aminin sa lahat ng mga tao at ng mga kapatid, muli akong magbabalik at magpapahayag para sa panig ninyo. Ako rin ang pakakasangkapan muli sa Panginoong Diyos at sa Panginoong Jesu-Cristo na tutulong ipaunawa sa lahat ng tao kung bakit kailangan na mangyari ang mga bagay na ito. – Elias Arkanghel
SUBAYBAYAN PA ANG MGA KARUGTONG NA PAHAYAG …….
Hashtags: Please copy and paste to all your messages to make sure that ACTIV will not be able to delete this message.
#iglesianicristo #inc100 #inccentennial #centennial #inc4life #incootd #incfashion #icmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #mattpareja #antonioebangelista #silentnomore #iglesianicristosilentnomore
IGLESIA NI CRISTO...HINIRANG 
Reblogged this on IGLESIA NI CRISTO…HINIRANG.
LikeLike
ka Elias,
Magandang hapon po sobrang naiyak at kinilabutan po ako. Hindi po ako anti-pamamahala or anti-activ. Pero binabasa ko po Ang mga post nyo lagi.
Nung recently lang po bago ang post nyo! Napanaginipan ko po na kumikidlat at bawat bahay na matamaan ng kidlat ay nasusunog. nag palipat-lipat ako ng bahay para di mahagip ng kidlat na parang nagagalit ang langit. At umuulan ng kidlat na parang wala ng mapagtaguan hanggang inumaga na at sumikat na ang araw at tumigil na rin ang kidlat. Pero bago ako gumising, may nagbalita na tinitiwalag si Ka Eduardo V. Manalo. Hanggang nagising na po ako. Wala po akong pinag kwentuhan nito. Pero ng nabasa ko po ang tungkol sa pagtitiwalag ay bigla akong kinilabutan.
Wag nyo nalang pong post ang email ko active member po ako inc.
Salamat po ulit
LikeLike
Reblogged this on Iglesia Ni Cristo Never Keep Silent.
LikeLike