Maraming salamat kapatid na Maria at ikaw ay nakabahagi ng di pangkaraniwang panaginip at ang Ka. Eduardo V. Manalo Pamamahala pa ng Iglesia ni Cristo ang napanaginipan mo. Umaga ng July 27, 2015 ng siya ay napanaginipan mo bago sumapit ang ika-labindalawa ng tanghali sa gayun ding petsa, nakatakdang maganap ANG PAGTITIWALAG NG BANAL NA ESPIRITU sa lahat ng mga pinatutungkulan walang sinisinu-sino.
Ito ay nasaksihan at napatunayan ng iyong mahal na Ina, ng inihanay mo sa kanya ang patungkol sa kamatayan ng Ka Eduardo, at tukuyin na kitang-kita mo na siya talaga ang patay na nasa panaginip mo. Naganap ang kamatayan ng Ka. Eduardo 12:00 PM dito (July 27, Monday), at diyan naman 9:00 PM. (July 26, Sunday) sa U.S.. Dahil dito sa Pilipinas ay ilang oras ang una namin sa oras ninyo diyan sa U.S. Kaya naganap na ng alas dose ng tanghali dito ng July 27, 2015 at ng paggising mo naman diyan sa oras sa U.S. saka mo lang napanaginipan siya. Anong palad mo, pinahintulot na ipapanaginip sayo ng Panginoong Diyos para maging matibay na patotoo na tupad na, ang Ka Eduardo ay tiniwalag na ng Banal na Espiritu.
Tama ka kapatid na Maria na hindi literal na pagkamatay, kundi pagkamatay sa Espiritual, katumbas ng kanyang pagkakatiwalag. Kailangang mangyari ito gaya ng ipinaunawa sa mga unang pahayag patungkol dito, upang magbigay unawa naman sa atin na ang mga araw na ating hinihintay na higit nating inaasahan ay totoong nalalapit na.
– Elias Arkanghel
Mulat na sa kaisipan ang mga kapatid na sa tuwing may isasagawang tanging pagtitipon na inihahanda sila, tila binabayaran na, ang bawat pangangasiwa nila. Ang pamamaraan na kanilang ginagawa tulad ng nangyari diyan sa Washington D.C. sa Closing Centinnial ay hindi na rin iba sa pamamaraang nagawa na rin dito. Nakapanlulumo naman talaga sa tulad ninyong may malaking pagkakilala, sa pagsunod sa nakasulat sa Biblia na magbigay ng masaya ang bawat isa. Ngunit hindi rin magagamit ng Iglesia sa Banal na kaukulan, ang mga inihulog sa offering boxes sapagkat ang basbas na karaniwang dinadala sa harapan ng nangangasiwa sa pagtitipon, na siyang inaasahan na makikita ng kapulungan, ay hindi na nangyayari pa. Sa halip, ito ay agad ng nililikom, dinadala na sa likuran, na bago man lang sana dalhin doon, matapos ang pagtitipon ay mabasbasan muna. Kaya tanong ng karamihan, saan na makararating ang laman ng offering boxes, ang abuloy, handog ng mga mahal nating kapatid? Di’bat nakapanlulumo lang kapag nalaman lang ng mga kapatid, walang kamalay-malay ang abuloy nila kung saan-saan na gagamitin ng Sanggunian sa pakinabang labis-labis ng nahumaling. Napakalayo na sa masinop at matuwid na sistema ng Kapatid na Felix Y. Manalo at Kapatid na Erano G. Manalo ang itinaguyod ngayon sistema ng abuluyan at pagta-tanging handugan. Napakarami ibat-ibang pamamaraan na halos pakialaman na ang kabuhayan ng mga kawawang mga kapatid pati na mga kapus-palad isinasama na rin sa sinasagad nitong mga palalong lider. Pati na ang oras at panahon ninyo ay inuubos na nila. Inuubliga sa mga pagdalo gamit ang mga aktibidad para lang makatugon kayo sa kanilang mga pansariling mga hangarin. Pati ang Ka Eduardo laging isinasangkalan di umano atas niya aktibidad na gagawin. Palibhasa sa loob ng mag-aanim na taon na kaniyang pangunguna sa Sanggunian at sa Iglesia, marami ng mga puna at pagtatanong ang mga kapatid natin sa kanya para sa mga hayag na katiwalian sa panig ng Sanggunian. Ngunit ano ang inyong mga napapala? Kayo pa ang lumalabas na masama. At ang mga pagtatanong sa kanila ay di umano ay paglaban sa Pamamahala. Kaya sa haba ng panahon ng Ka Eduardo sa Pamamahala sa Iglesia, ang ipinagtatanggol niya sa kapulungan ng mga kapatid ay ang mga abusadong Sanggunian at sinasabing walang katiwaliang nagaganap sa loob ng Iglesia. Ngunit, hindi na maipagkakaila ngayon sapagkat namulat na rin ang marami na totoong may kabatiran siya sa mga nagaganap. Kung bakit hindi na niya masawata? Dahil malubha na ang katiwalian, talamak ng kasakiman, puro na lang sila sa pakinabang mga nakaabang. Sobra na ang kanilang mga kalapastanganan, hindi mo maipapantay sa ibang katiwalian. Sapagkat ang pinagnanakawan na nila ay ang ating Panginoong Diyos nitong mga walang mga takot na tiwaling Sanggunian. Sa pagtuturo nila at pangangaral, gamit na lang na intrumento ang Banal na Kasulatan sa pangangalakal. Sobrang kasakiman ng mga ganid na lobong ito, mga suwail mga palalong lider. Mga wala silang kabusugan ang mga kapatid ay nilikhaan nila ng takot na mapasunod sa lahat nilang masasamang nasa. Ang mga matatamis nilang pananalita ay nagsisilbing pampa-alsa para lumaki ang pag-asa ng mga napapaniwala pa nila. Mabubulaklak magpayo pero nakalalason nakapipinsala, nakamamatay. Para silang mga Fariseo sa panahon ng Panginoong Jesu-Cristo na mga tagapagturo rin. Ikamamatay ng pananampalataya ng marami kung sila ay patuloy na pagbibigyan. Kaya tayo napag-utusan masakit man sa kalooban na wari nila ay kumakalaban, ngunit sino ang tututol kung ang Panginoong Diyos ang nag-uutos at sa atin ay nagpapagalaw.
Kaya July 27, 2015 ang pagtitiwalag ng Banal na Espiritu ay naganap na pinagtibay sa langit. Saklaw na itiniwalag ang lahat ng mga tiwaling nasa Sanggunian at mga ministrong nakiayon sa kanilang masasamang gawain at ang mga nasa ibat-ibang departamento na nasa tanggapan ng CENTRAL. Mga kabilang sa ACTIV at ang mga Media Correspondent na nagtatakip ng mga masasamang gawain ng tiwaling Sanggunian sila ay napabilang sa mga naitiwalag kaya bibigat na ang pagdadala ng kanilang pamumuhay, mula ngayon ng ito ay maipahayag. Hindi na kailangan banggitin isa-isa ang kanilang mga pangalan. Sapagkat ang Banal na Espiritu na rin ang maghahayag sa kanilang lahat!
Kaya sa sulat na pinadala sa atin ng nagpapakilalang kapatid na Elijah .. na pinahintulutan ko na mai-post sa IGLESIA NI CRISTO NEVER KEEP SILENT at na-re-blog sa IGLESIA NI CRISTO…HINIRANG ay mga pangalan na lamang ng mga kabilang sa mga itiniwalag ng Banal na Espiritu. Ngunit ipinauunawa ko na si kapatid na Elijah ay walang anumang kaugnayan sa Blog na nabanggit. Siya ay sumulat lamang at humihiling na mai-publish ang kanyang ibinahaging mga pahayag. Hinihiling din niya na mapuntahan ang sarili niyang pahina sa Facebook. Kaya kinikilala ko ang kanyang naging bahaging tulong para tayo ay mahatiran lang ng mga pangalan na itiniwalag sa udyok ng Banal na Espiritu. Matangi doon ay walang tuwirang pag-uutos sa akin na sa kanya ay patuloy na makikipag-ugnayan.
KARAGDAGANG MGA BILIN MULA SA BANAL NA KASULATAN.
Ang mga hanay ng mga talatang mula sa Banal na Kasulatan na inyong matutunghayan ay may malaking kaugnayan sa pangkasalukuyang nagaganap sa loob ng Iglesia ni Cristo sa kabuuan.
Pawang kaguluhan din ang kinakaharap ng ating Panginoong Jesu-Cristo ng mga panahong narito pa siya sa lupa.
LUCAS 12: 1 Samantalang ang hindi mabilang na karamihan ng mga tao ay nagkakatipon, na anupa’t sila ay nagkakatapakan sa isa’t isa, si Jesus ay nagsimula munang mangusap sa kaniyang mga alagad. Sinabi niya: Mag-ingat kayo sa pampaalsa ng mga Fariseo, ito ay ang pagpapaimbabaw. 2 Walang anumang natatakpan na hindi mahahayag o natatago na hindi malalaman. 3 Kaya nga, anuman ang inyong sabihin sa dilim ay maririnig sa liwanag. Anuman ang ibinulong ninyo sa loob ng mga silid ay ihahayag sa mga bubungan. ( Kaya naroon pa rin ang pagbibilin mismo ng Panginoong Jesu-Cristo na pag-iingat sa mga tiwaling Sanggunian na inihahalintulad sa mga Fariseo na natatahi-tahi ng mga kasinungalingan laban sa Kanya. Ngunit walang maililihim ang bawat isa sa kanila. Isang Kapangyarihang mula sa Panginoong Diyos na ito ang Kaniyang isinusugo, yan ang Banal na Espiritu. Ihahayag at ilalantad din silang lahat.)
4 Mga kaibigan ko, sinasabi ko sa inyo: Huwag kayong matakot sa mga pumapatay ng katawan. Pagkatapos nilang pumatay wala na silang magagawang anumang bagay. 5 Ipakikita ko sa inyo kung sino ang dapat ninyong katakutan. Katakutan ninyo siya na pagkatapos pumatay ay may kapamahalaang magtapon sa impiyerno. Oo, sinasabi ko sa inyo, katakutan ninyo siya. 6 Hindi ba ang limang maya ay ipinagbibili sa halagang dalawang sentimo at isa man sa kanila ay hindi pinababayaan ng Diyos? 7 Maging ang mga buhok sa iyong ulo ay bilang nang lahat. Huwag nga kayong matakot, kayo ay higit na mahalaga kaysa sa maraming maya.
(Ipinagpauna ng Panginong Jesu-Cristo na huwag silang katakutan. Sapagkat may hangganan ang kanilang magagawa. Sa pagsasalarawan pa nga, ay para tayong mga maya ng ibon na ipinagbibili nila at inaalipin lang. Ngunit ano ang higit na ipinauunawa? Higit pa tayo na mga tao na pinahahalagahan ng Niya kaya huwag tayong matatakot, walang maduduwag)
8 Sinasabi ko rin sa inyo, ang sinumang maghahayag sa akin sa harap ng mga tao ay ihahayag din naman ng Anak ng Tao sa harap ng mga anghel ng Diyos. 9 Ngunit siya na magkakaila sa akin sa harap ng mga tao ay ipagkakaila rin sa harap ng mga anghel ng Diyos. 10 Ang bawat isang magsasalita laban sa Anak ng Tao ay patatawarin. Ngunit siya na mamumusong laban sa Banal na Espiritu ay hindi patatawarin. (Kaya ito rin ang ipinakikiusap ko sa mga mambabasa ng Blog na ito. Kung hindi rin lamang nila tanggap ang mga ipinapahayag dito dahil sa kakulangan ng pagkaunawa, ay huwag ng magpahayag ng may galit, sapagkat hindi ako ang kanilang kinakalaban, hindi ako ang kanilang kinagagalitan, at hindi ako ang nagpapahayag kung ano ang marapat kong ihanay. Tulad ng aking paulit-ulit ng nasasabi si Elias Arkanghel ay napahihintulutan lamang. Wala akong sariling pagpapasya. Kung mayron mang mga napahintulutan, yun ay dahil sa udyok ng Banal na Espiritung hindi ko mahihindian. Sa takdang panahon maipauunawa ko rin sa inyo kung bakit kailangang pagbigyan.)
11 Kapag dinala nila kayo sa mga sinagoga at sa harap ng mga pinuno at mga may kapamahalaan, huwag kayong mabalisa kung papaano, o kung ano ang inyong isasagot, o kung ano ang inyong sasabihin. 12 Ito ay sapagkat ituturo sa inyo ng Banal na Espiritu sa oras ding iyon ang kinakailangan ninyong sabihin. (Saan man kayo dalhin iharap man sa pangangasiwa huwag kayong mag-alala mga kapatid. May tutulong sa inyo kung ano ang sa kanila inyong sasabihin. Kaya nga ang Karunungang mayron ako sa aking sarili ay limitado. Ngunit dahil sa tulong ng Panginoong Diyos at ng ating Panginoong Jesu-Cristo saganang-sagana ang napahihintulutang kaalaman at kaunawaan. Punung-puno ng hiwaga at kababalaghan ang buhay ko. Sapagkat ang kasama ng Kapatid na Erano G. Manalo noon ang kasa-kasama rin natin ngayon. Isang Kapangyarihan na naggagabay at nagbabantay sa atin ngayon. At nagpapaunawa ng tama at mali, nagsasabi ng ikabubuti at ikasasama, at nagpapakilala ng katauhan ng indibidwal na nakakabahagi sa Blog ng Iglesia ni Cristo… Hinirang at ng Blog ng Iglesia ni Cristo Never Keep Silent. Tayo ay maiingatan hindi makapagkakaila at makapagkukunwari yaong may lihim na layon at sa atin ay nakikiayon lang.
EFESO 6: 10 Bilang pagwawakas, magpakatibay kayo sa kalakasang galing sa Panginoon at sa kanyang dakilang kapangyarihan. 11 Gamitin ninyo ang lahat ng kagamitan at sandatang pandigma na kaloob ng Diyos, upang mapaglabanan ninyo ang mga pakana ng diyablo.
12 Sapagkat hindi tayo nakikipaglaban sa mga tao, kundi sa mga pinuno, sa mga maykapangyarihan, at sa mga tagapamahala ng kadilimang umiiral sa sanlibutang ito ang mga hukbong espirituwal ng kasamaan sa himpapawid.
Kaya kapatid na Maria habang nangyayari ang lahat ng mga kaganapan na nasasaksihan mo at nasasaksihan din ng marami nating kapatid, ay hinihingi sa atin ng ating Panginoong Jesu-Cristo ang magpakatibay tayong lahat. Gamitin at suutin natin ang kagamitan at sandatang pandigma upang mapaglabanan natin ang mga pakana ng diablo. Kapag suot na natin ito, magtataglay ka ng punung-puno ng pag-asa, may matatag at matibay kang pananampalataya na di matitinag. At laging ilakip ang tapat na pag-ibig na sagana, na ipaglilingkod nating lahat sa ating mga kapatid at kapwa sa Kapurihan ng Panginoong Diyos at ng ating Panginoong Jesu-Cristo.
Huwag kang mag-alala Maria, tuso man siya, hindi ka niya madadaya! Kasi nga, hayag mo pang nakita ang pamamaraan nila. Pawang mga paglabag sa aral at doktrina araw-araw ang pinaggagawa nila. Nakalulungkot lang talaga sa halip na sila ang magturo sa atin ng mabubuti sila pa itong mapangahas na lumabag sa tinanggap nilang bilin. Maria kapatid ko, pumanatag ka lang dahil kilala mo sila. Kaya nakatitiyak akong wala silang magagawa sayo, para lubusang ka nilang maigupo. Lumuha ka man sa nakaraan dala ng lungkot at pangamba huwag kang malumbay kapatid ko.
Nang ako ay manalangin sa Panginoong Diyos natin binanggit ko sa Kanya ang pangalan mo, pati nga ang kinaroroonan mo, pati na ang tunay na saloobin mo. Pumanatag ka lang kapatid ko matapos mong basahin ito, manalangin ka. Sapagkat bibisita Sila sa bahay mo, hahaplusin ang naghihirap mong kalooban, at ibabangon kang may panibagong lakas at sigla, ng matatatag mo pang mapaglabanan ang pakana nila, kaya nga makakapanindigan ka na walang uurungan sinuman sa kanila dahil sa tatag na bigay ng Panginoon Diyos na ating mahal makapagpapatuloy ka. Alam mo bang nahiling ko rin, maaari po ba pakiyakap na rin siya at pagpapalang kailangan mo sa tahanan ninyo kung may hiningi ka kung pinagiging dapat pakibigay na rin po sa kanya..
Salamat po Panginoong Diyos … Salamat po Panginoong Jesu-Cristo! Patuloy kaming magpupuri, sasamba, dadakila po sa Inyo. Pati na po sa mga kapatid ko na patuloy na tumatangkilik at may naibahagi na po sa Blog na ito, isinama ko na rin silang ipinapanalangin po Sayo. Hindi ko man sila kilalang lahat, lahatin Mo na po silang lahat … kasundo ko man o may hinampo dahil lang sa iba pong kadahilanan pakiunawa na lang po. Mga kapatid kong sina Martin Lutero na ministrong aking kaibigan, si Aiza, si Raphael at ang mga mahal nila sa buhay .. silang lahat Panginoon kong mahal, sa Langit po na iyong kinaroroonan, pakitunghayan dito po sa lupa sa kani-kanilang pong sambahayan, ipagkaloob ang kanilang mga pangangailangan lambing ko lang po yan sayo Panginoong kong mahal. Opo dadalangin sila, kaya makikisuyo po akong muli.. at kung may luluha man sa kanila, nagsusumamo, nagmamakaawa po Sayo.. pakisaklolohan po sila. Oh Panginoong Diyos sige na po nakikisuyo po saglitin lang po sila ng Iyong Kapangyarihan, kinauuhawan nila itong muling maramdaman. Opo haplusin pagod nilang mga katawan, ng makapagpatuloy pa, magamit pa sa paglilingkod at pagpupuri Sayo, at sa mahal naming Panginoong Jesu-Cristo. Opo hanggang sa maitaguyod namin ang kahalalang bigay Mo habang nabubuhay maglilingkod po kaming mga abang lingkod niyo.
Salamat po Panginoong Jesu-Cristo Ikaw na aming mahal, hindi nakalilimot sayong mga hinirang. Muli mo po kaming ipamagitan , patawad na rin sa lahat ng aming kasalanan, ng kami paging dapatin ng ating Panginoong Diyos.. na tapat naming mahal. Sa pamamagitan Mo muli tatanggapin namin ito Panginoon, pati na po ang mga kahilingan na pinapaging dapat tatanggapin namin sa Inyo po ang lahat . Amen
MAGANDANG UMAGA PO SA IYO KAPATID NA ELIAS,
SUMASANG-AYON PO AKO KAY KAPATID NA MARTIN LUTERO , NA KAYO NA PO TALAGA ANG MESSENGER NG ATING DIYOS NA HINIRANG SA LIPON NG MGA MINISTRO SA HULING ARAW NA ITO UPANG MAG-SAAYOS SA IGLESIA NI CRISTO BAGO DUMATING ANG ARAW NG PAGHUHUKOM. HINDI KO PO NABANGGIT OR NAISULAT NOON SA INYO ANG AKING NAGING PANAGINIP AT NGAYON KO LANG PO IBABAHAGI SA INYO.
PUMUNTA PO KAMI AT NAKI-PAGKAISA SA CENTENNIAL CLOSING SA WASHINGTON D.C. NOONG JULY 26. IBANG-IBA PO ANG ATMOSPHERE AT KAPUNA -PUNA PO SA LAHAT AY ANG MGA OFFERING BOXES NA KAILANGAN NA MAGHULOG ANG MGA KAPATID NG MGA HANDOG. NOONG SISIMULAN NA PO ANG PAGSAMBA AY MULI KONG NAPANSIN NA ANG MGA OFFERING BOXES AY DINALA SA PINAKALIKOD AT GINUWARDIHAN NG MGA SCAN AT MGA MAY TUNGKULIN KAKA-IBA SA DAHILAN PO NA NAMULAT AKO NA ANG OFFERING BOXES AY NASA HARAPAN SA TUWING MGA PAGSAMBA. ANG NAKALULUNGKOT PO AY HINDI DIN NILA ITO DINALA SA UNAHAN SA ORAS NG PANALANGIN PATUNGKOL SA ATING MGA HANDOG. NATAPOS PO ANG PAGSAMBA NA INSTEAD NA MA-FEEL KO PO ANG PAGLAKAS NA MULI NG AKING PANANAMPALATAYA AY MASYADO PO ANG NA FEEL KONG LUNGKOT AT PANGAMBA.
HANGGANG SA MULI PO IPINAHAYAG NG MINISTRO ANG PAGTITIWALAG SA PAMILYA NG KAPATID NA ERANO G. MANALO AKO PO AY TUMAYO AT UMALIS NA. HANGGANG MAKARATING PO AKO NG HOTEL AY UMIIYAK PO ANG AKING PUSO.
PANAGINIP:
JULY 27 NG UMAGA SA AKING PAG-KAGISING TINAWAG KO PO ANG AKING INAY AT SINABI KO PO SA KANIYA NA AKO AY NANAGINIP KAGABI NA NAMATAY NA PO SI KA EDUARDO MANALO. KITANG-KITA PO NG AKING MGA MATA ANG MUKHA NI KA EDUARDO NA NORMAL NA KATUMBAS NG MAKIKITA SA MGA LARAWAN NIYA. HANGGANG SA SUMAPIT ANG AUGUST 17 SA INYONG BLOG NA ITINIWALAG NG DIYOS AT NG PANGINOONG JESU-CRISTO UDYOK NG BANAL NA ESPIRITU SA PANGUNGUNA NG KAPATID NA ELIAS ARKANGHEL NA KAYO ANG NAKALAGDA SA CIRCULAR. NAPATUNAYAN KO PO SA AKING PANAGINIP SA ARAW NG JULY 27, 2015 IPINASYA NG DIYOS ANG PAGKAMATAY NI KA EDUARDO V. MANALO NA IYON ANG ARAW NA SIYA AY ITINIWALAG NA ANG KATUMBAS AY ANG KANYANG KAMATAYAN. KAHIT KATITING AY HINDI PO AKO NAGDUDA SAPAGKAT EKSAKTO ANG PETSA ANG SINABI PO NINYO KA ELIAS.
SALAMAT PO SA DIYOS, SA PANGINOONG JESU-CRISTO NA PATULOY NA NAGBIBIGAY SA INYO NG BANAL NA ESPIRITU UPANG MANGALAGA SA AMING MGA KAPATID SA LOOB NG IGLESIA NI CRISTO. PATULOY PONG MAGHARI SA ATING LAHAT ANG KAPAYAPAAN AT MANATILING TAPAT SA DIYOS AT SA ATING PANGINOONG JESU-CRISTO. MAHAL PO NAMIN KAYO KA ELIAS SA INYONG PANGANGALAGA SA KASALUKUYAN SA IGLESIA AT DALANGIN PO NAMIN NA SANA PO ANG MGA KAPATID AY MAGISING AT MAUNAWAAN ANG LAHAT NG NANGYAYARING ITO SA KASALUKUYAN SA LOOB NG IGLESIA NI CRISTO.
Like