SA BANAL NA KASULATAN … KATUPARAN NG ISANG TAKAS SA KATAUHAN NG KAPATID NA ISAIAS SAMSON, JR. … MAGBABALITA NG TOTOONG KAGANAPAN ..

Ang bawat mga pangyayari at kaganapan sa kasalukuyan sa loob ng Iglesia ni Cristo ay may mga magkakaugnay na pangyayari sa nakaraan. Kung bakit natin nasasabi ito sapagkat ang Banal na Kasulatan na rin ang nagpapatotoo na   (MANGANGARAL) 3: 15 Lahat ng nangyayari ngayon ay nangyari na noong una, gayon din ang magaganap pa. Paulit-ulit lamang ang mga pangyayari.

Kaya nga kung paano itong mga kapatid nating nasa CENTRAL tila nagmamalaking hindi sila maiaalis sa kanilang kinalalagyan. Sapagkat habang matatag din silang nadedepensahan ng Ka Eduardo sa kapulungan ng mga kapatid ay umano ay walang katiwaliang nagaganap sa kanilang hanay. At masaya pa nilang nasasabi na walang maaaring pumalit sa kanilang posisyong tangan-tangan, hanggat nakapamamalagi sila sa Templo Central at ang kapatid na Eduardo ay nasa panig nila.

Ito ang nakita ng mga ministrong may paninindigan sa mabuti at ang ibig pamalagiin ang nakagawiang sistema ng Kapatid na Erano G. Manalo. Kaya naging banta sa hanay ng mga tiwaling Sanggunian. Dahil sa katusuhan, gumamit sila ng mga nakapipinsalang pamamaraan at ibintang sa hanay ng mga ministrong nakapupuna sa kanilang kamalian. Kaya gumamit na sila ng dahas at pwersahang pinasusunod may pagbabanta sa buhay ng pamilya kung tatanggi at magpapatuloy sa di umano sa paninira sa kanila.

EZEKIEL 24: 25 “Tao, aalisin ko sa kanila ang matibay nilang Templo na siya nilang ipinagmamalaki at kasiyahan, gayon din ang kanilang mga anak. 26 Sa araw na yaon, isang takas ang magbabalita sa iyo ng mga pangyayari. 27 Sa araw na yaon, makapagsasalita ka na uli; makakausap mo na ang takas na yaon. Ikaw nga ang magiging pinakababala sa kanila. Sa gayon, makikilala nilang ako si Yahweh.”

Kaya ang kapatid na Isaias T. Samson Jr.  ang kinatuparan sa ngayon ng isang takas na magbabalita sa ating lahat, upang matapang niyang maisalaysay ang mga pagkukunwari ng nasa Central sa pangunguna ng mga tiwaling Sanggunian upang sila ay gimbalin sa pamamagitan ng katotohanan  ihahayag sa lahat na magagawa lang niya kung siya ay makalalabas at tatakas.  

Kaya ang ipinagmamalaki nilang mamamalagi sila sa Templo? Ang Panginoong Diyos na ang mag-aalis sa kanila, ano ngayon ang kanilang magagawa? Mapipigil ba nila? Kaya mga kapatid kong pinanghihinaan ng loob dahil sa mga kaguluhan sa Iglesia. Ipaubaya natin sa Panginoong Diyos ang lahat  hintayin natin mga karagdagan Niya sa ating tagubilin. Kung minsan ay inuubliga ako ng ilan ngunit ang pagpapasya ay nasa Panginoong Diyos nating mahal. Ngunit magpatuloy lang kayo sa paninindigan at ang mga Pagsamba huwag titigilan. Mag-abuloy kayo ayon pa rin sa inyong maibigan, kung doon magaan ang inyong kalooban, ay hindi kayo pipigilan. Ang ibig ko lang sa inyong ipaunawa maisasaayos din ang lahat mapanunumbalik din ang inaasam nating kapayapaan ngunit kailangan munang mangyari, maganap kung ano ang Kalooban ng Panginoong Diyos natin.  Lahat ng balak Niya tiyak na magaganap. Lahat ng panukala Niya tiyak na mapangyayari. Kasama na ang muling maisaayos tayong lahat!    Isaias 46:10 Sa simula pa’y itinakda ko na, at aking inihayag kung ano ang magaganap. Sinabi kong tiyak na magaganap ang lahat ng balak ko, at gagawin ko ang lahat ng gusto kong gawin.  

                                                                                                        –     Elias Arkanghel