1 Sumigaw si Yahweh, “Halikayo, mga itinalaga upang magpahirap sa lunsod. Dalhin ninyo ang inyong mga sandata.” 2 Mula sa pintuan sa hilaga ay pumasok ang anim na taong tigi-tig-isa ng sandata. May kasama silang nakasuot ng kayong lino at may panulat sa baywang. Tumayo sila sa may altar na tanso.
Ang mga tagpong ito ay bahagi ng pangitain ni Propeta Ezekiel ng dumating sa kanya ang Kamay ng Panginoong Diyos at itinaas siya ng Espiritu sa pagitan ng lupa at ng langit. Dinala siya sa pangitain patungong Jerusalem. Ipinakita sa kaniya ng Panginoong Diyos ang labis na kasamaang nagaganap sa loob mismo ng Jerusalem, at ito ay ginagawa ng mga pangunahing mga lider doon. Ngayon ang paglalarawan na yan sa pangitain kay propeta Ezekiel sa Jerusalem ay mismong nagaganap na sa loob ng CENTRAL. Hindi iba, mga pangunahing lider pa rin ang sangkot sa mga paglabag sa loob pa mismo ng Banal na Lunsod nagaganap.
Ang kapatid na Lowell Menorca at ang kapatid na Isaias T. Samson, Jr. ay mayroong magkakahalintulad na masaklap na karanasan pasimula ng sila ay kunin at nang sila ay nasa ilalim na ng interogasyon sa loob ng CENTRAL
para mapaamin lang na di-umano, ang isa sa kanila kung hindi man si Antonio Evangelista ay may tiyak na partisipasyon sa mga dokumentong nailalabas noon na lalong nagbabaon sa mga tiwaling Sanggunian sa kahihiyan. Kaya pilit nilang inaalam kung anong koneksyon mayroon sa kanila ang isa’t-isa at kung paano nakararating at naipapadala ito kay Kapatid na Antonio Evangelista. Kaya nanggagalaiti sila sa galit kapag wala silang makuha kahit na maliit na detalye na uugnay sa hinahanap nila. Kaya ang pananakit at iba pang pamamaraang katulad nito ay nailalapat nila sa ating mga mahal na kapatid una ng ginawa ang pagpapahirap sa kanila ng mga mga kapatid pa man din na nautusang dumampot sa kanila. Kaya ang pamamalagi nila sa loob ng compound ng CENTRAL sa kamay ng mga ganid na lider ay pahirap sa kanila pati na sa kanilang may bahay at mga anak na kapwa dumaranas din ng matinding tensyon habang hindi sila nakikitang naibabalik. Sentensyado na kung sila’y ituring, katulad ng isang preso na walang kalayaan. Masasabi ngang mas masahol pa ang pamamaraan nila kaysa pambansang piitan sapagkat hindi gayun ang mga patakaran ipinatutupad doon. Kaya nga malinaw na may paglabag nga silang nagawa ang mga tiwaling Sanggunian sa karapatang pantao.
Mabuti na lang ang tulong ng Panginoong Diyos sa kanila ay dumating. Nakatakas ang Kapatid na Isaias T. Samson, Jr. kasama ang kanyang may bahay at anak. At nagawang ipahayag sa mga Media ang masaklap na karanasan sa kamay ng mga tiwaling Sanggunian. Pagkatapos na magpahayag ay itiniwalag ang kanyang buong sambahayan. Gayun din ang kapatid na Lowell Minorca sa pamamagitan ng kanyang kapatid nailabas siya sa CENTRAL maging ang kanyang maybahay at ang kanilang anak, sa pamamagitan na nailathalang Writ of Amparo at Habeas Corpus ng inisyu ng Court of Appeals. Matapos na magkaroon ng pagkakataon na makapaglahad sa Media ang kapatid na Lowell Minorca ay inilarawan niya ang hirap na dinanas sa kamay ng mga naunag dumukot hanggang sa loob ng CENTRAL. Kasunod na pangyayari ay itiniwalag din ang kanyang sambahayan pati na ang kanyang kapatid at pamilya nito.
Kaya nga nagpalabas na ang Court of Appeals ng imbitasyon para sa apat na pangalang nasasangkot para sa kanilang pagharap upang sagutin ang mga sinasabi nilang alegasyon lamang sa kanila. Ngunit may kakaiba na naman silang pag-iwas na ginawa. Totoo nga bang silang mga ipinatatawag ng Court of Appeals ay hindi makadadalo sa araw ng bukas November 3, 2015? Pagkatapos nito ano ang maaring mangyari at maganap?
Sa Banal na Kasulatan may pauna ng paglalarawan na mismo ang Panginoong Diyos ang nag-uutos sa mga itinalagang niyang may mga dalang armas. Talagang hahayaan niyang makapasok ng CENTRAL. Sapagkat mula sa Panginoong Diyos ang pag-uutos ito kaya nasa panig ng mabuti na maglalapat naman ng batas ng tao ngunit kapahintulutan Niya. Kaya nga sino ang matapang na hahadlang at ang Kalooban na ng Panginoong Diyos ang pipigilan? Seguridad ng CENTRAL? Bilang ng mga kapatid na muling ihaharap para gawing pananggalang? Abangan po natin sapagkat inilarawan na rin sa Banal na Kasulatan na DUMATING NA RIN SA KANILA ANG PAGKATAKOT! Ngunit pansinin ang isa sa mga pangunahing tauhin na dapat lumitaw ang kanyang pangalan na kabilang sa THE BIG FOUR sa Spirirtual na binabanggit, ngunit malaking katanungan ng marami bakit hindi kasama ang pangalang Glicerio B. Santos, Jr. Ito na ang panahong kanyang hinihintay! Siya rin marahil ang nag-udyok ng paglayo sa mga inaasahan ng Korte na haharap sa Court of Appeals bukas. At kung pagbabasehan ang ipinahayag ng abogado sa panig ng kapatid na Lowell Minorca kung hindi sila haharap… maaari silang ma-comtempt of court. At kung mangyayari yun at ang Ka Eduardo ay malagay sa piitan… SINO ANG UUPO SA CENTRAL? Magaganap at matutupad na nga, na kinuha niya sa tusong pamamaraan ang Pamamahala sa Iglesia. At dito napapaloob ang ___ binabanggit.
Mga kapatid handa niyo ba siyang tanggapin? Handa niyo ba siyang kilalanin? Anuman ang kasasapitan ng lahat ng ito tiniyak sa Banal na Kasulatan … sa gitna ng kaguluhan ay may titindig! Siya ang nakadamit lino na maging ako man ay naghihintay sa Kanyang pagdating. Sapagkat Siya ay nakahihigit sa akin.
3 Noon, ang kaluwalhatian ni Yahweh na nasa pagitan ng mga kerubin ay tumaas papunta sa pasukan ng Templo. Tinawag niya ang lalaking nakadamit ng telang lino at may panulat sa baywang.
May lalaking naka-damit lino na binabanggit papunta sa pasukan ng Templo na inuutusan ng Panginoong Diyos? Kung sino ang kakatawan ay malalaman din natin sapagkat literal natin itong makaka-daupang palad sa TAKDANG PANAHON. Sa ngayon ay magmumula muna sa Kapangyarihan ng Panginoong Diyos sa pamamagitan ng Kanyang Salita o Utos. At ito ay gagampanan naman ng Kanyang mapipiling maaatasan na magmumula sa ibang bayan. (Ibig sabihin hindi siya kakapatid sa Iglesia) Siya na ba ang lalaking naka-damit kayong lino na may panulat sa baywang? Hindi pa! Kundi ang Salita, ang paunang pahayag magkakatawan tao para matupad at mapangyari muna ang nakatakdang maganap sa loob ng CENTRAL na kasama ang mga itinalagang naarmasan na inutusan ng Panginoong Diyos natin. Hindi ba’t balita na may sariling mga armado na doon? Ito ang hanay din ng mga STF na tinatawag na Special Task Force, sila ba ang binabanggit ng Panginoong Diyos na maaatasan kapatid na Elias Arkanghel? Hindi sapagkat sa takdang panahon kasama sila sa mga tutugisin sa loob ng CENTRAL dahil sa gawang kasuklam-suklam na katampalasanang pinaggagawa nila doon.
4 Sinabi niya rito, “Libutin mo ang lunsod ng Jerusalem at lagyan mo ng tatak sa noo ang lahat ng nagdalamhati dahil sa mga kasuklam-suklam na ginawa roon.”
Pansinin ninyo mga mahal kong mga kapatid sa pag-uutos na libutin ang lunsod ng Jerusalem inilalarawan na may mga nagdadalamhati na rin noon doon, sa kagagawan nga rin ng mga pangunahing lider na pawang mga nakalabag. Batid din ng Panginoong Diyos na may mga kasuklam-suklam na ginagawa na rin naman sila doon ng mga panahon na yun! Kaya nga maging ang ating Panginoong Jesu-Cristo sa Kanyang kapanahunan, ay may naging paunang pahayag din na may magaganap din sa Dakong Banal na kasuklam-suklam na kalapastanganang tinutukoy ni Propeta Daniel. At ang binabanggit din na Dakong Banal ito rin ang Jerusalem ng mga panahon ding iyon ng Siya ay narito pa sa piling ng mga tao. Hindi ba’t ganun na ganun din sa panahon natin ngayon, ang Jerusalem na tinatawag ngayon ay ang CENTRAL kung saan naroon ang ating pinaka-Templo. At sa kasalukuyan ay nagaganap din ang mga Kalapastanganan at pagmamalabis ng mga sinasabing mga pangunahing lider. Nangangahulugan lang na paulit-ulit ang mga pangyayari subalit ipinahihintulot ipaunawa sa takdang panahon ang mga kaganapan.
At sa ipinag-uutos na lilibutin ay ano ang nakatakdang gawin ng naka-damit lino na maaatasan? Muling isasagawa ang pagtatak sa noo ito ang mga Katotohanang inalis ng mga tiwaling lider sa mga hanay na nagdadalamhati ngayon sa loob at palibot ng CENTRAL. Gagamutin ang kanilang pananampalataya na binago ng mga lalaking binabanggit ang kanilang bilang, na mga nahumaling sa ibang diyos na dinidiyos na nila ngayon.
5 Sa iba naman ay narinig kong sinabi niya, “Sumunod kayo sa kanya at patayin ninyo ang mga tagaroon. Huwag kayong magtitira 6 maliban sa mga may tanda sa noo. Patayin ninyong lahat ang mga tagaroon: matanda, binata, dalaga, babae at bata. Umpisahan ninyo sa santuwaryo.” Inuna nga nilang patayin ang matatandang pinuno ng bayan sa harap ng bahay.
Sila ang mga inuna ang mga matatandang pinuno ng bayang Israel noon at ganyan din ang mangyayari sa takdang panahon natin ngayon na pagpapasya para sa mga matatandang pinuno o mga pangunahing hanay ng mga lider na nasa Sanggunian kasama ang mga napasusunod sa kanilang mga kagustuhan. Sapagkat naisagawa na ang pagtatatak at maisasagawa na ang pagpapalabas sa kanila sa loob ng CENTRAL habang nililinis. Sapagkat sa Espiritual at hindi sa literal ito ay naging Babilonia bagamat Israel o Iglesia ni Cristo sa kasalukuyan. Kung bakit nasabi at naituring na Babilonia sapagkat ibang paraan na ang mga kautusang pinasusunod sa loob, may mga panlalamang, mayroon ng mga katitisuran, lumalabis na ang kasamaan na , pagsunod at lumaganap ang pagsamba sa dios-diosan na nasa kanilang mga puso. Kaya nga ang pasya ay magsilabas na muna ngunit hindi sa Iglesia ni Cristo kundi sa loob ng CENTRAL habang isasagawa ang pinaka-bilin.
7 Sinabi niya sa kanila, “Parumihin ninyo ang Templo at punuin ninyo ng bangkay ang patyo. Sige, umpisahan n’yo na!” Lumakad nga sila at pumatay nang pumatay sa lunsod. 8 Ako’y naiwang mag-isa. Habang pumapatay sila, nagpatirapa ako at nanangis. Sinabi ko, “Panginoong Yahweh, aking Diyos, dahil ba sa galit mo sa Jerusalem ay uubusin mo ang nalalabing Israelita? 9 Sinabi niya sa akin, “Napakalaki ng pagkakasala ng Israel at ng Juda. Dumadanak ang dugo sa lupain. Nawawala ang katarungan. Sinasabi pa nilang hindi ko sila makikita sapagkat umalis na ako sa lupain. 10 Kaya, pagbabayarin ko sila sa ginagawa nila. Wala akong patatawarin ni isa man sa kanila.”
11 At bumalik ang lalaking nakasuot ng telang lino, at sinabi kay Yahweh, “Nagawa ko na po ang ipinagagawa ninyo sa akin.”
NAGAGANAP NA ANG LAHAT NG ITO… KASALUKUYAN ANG GINAGAWA NATIN AY PAGTATATAK MULI NG BANAL NA ESPIRITU SA MGA NA NGA SA LOOB NA MGA NAGDADALAMHATI. ANG NAKADAMIT LINO AY ANG KAPANGYARIHAN NG PANGINOONG DIYOS NA GUMAGABAY SA ATIN SA ESPIRITUWAL NA PAGLILINGKOD. KAYA ANG LITERAL NA LALAKING NAKADAMIT LINO AY ANG HINIHINTAY NATIN.
INUNA NG PINATAY O ITINIWALAG ANG LAHAT NG NANGA SA LOOB NA MGA MAY GINAGAWANG MASAMA. SILA ANG BINABANGGIT SA TALATA NA INUNANG PINATAY ANG MGA MATATANDA O MAYTUNGKULIN NA NASA MATATAAS NA KALALAGAYAN. SA PAMAMAGITAN NG PAGTITIWALAG SA KANILA SA UDYOK NG BANAL NA ESPIRITU.
IBINIBIGAY ANG MGA KATOTOHANAN UPANG HINDI MAPAHAMAK ANG SINUMAN KUNDI ANG MAGTAMO NG UNAWA AT MALAMAN KUNG ANO ANG MARAPAT NA GAGAWIN. NAKATAKDA NINYONG IWAN PANSAMANTALA ANG CENTRAL. ILIGTAS NINYO ANG INYONG MGA SARILI KAYONG MGA AYAW NA MADAMAY SA ITINAKDA NA NG PANGINOONG DIYOS NA PAGGAGAWAD NIYA NG KATARUNGAN SA LAHAT. SAPAGKAT ANG MGA TIWALING SANGGUNIAN AY NAGMIMISTULANG MGA PHARAON NA HUMAHADLANG SA KALIGTASANG INAALOK NG PANGINOONG DIYOS SA PAMAMAGITAN NG ATING PANGINOONG JESU-CRISTO.
KUNG NANGYAYARI ANG LAHAT NG ITO LALONG NAGPAPATOTOO NA ANG IGLESIA NI CRISTO ANG TUNAY NA RELIHIYON NA MAY KALIGTASAN. SAPAGKAT KAILANGAN MAGANAP ANG LAHAT NG ITO UPANG MAGPATOTOO ANG KANYANG KAPANGYARIHAN NA HINDI ITO GAWA-GAWA LANG NG TAO. ITO AY GAWAIN NIYA PARA ILIGTAS ANG MARAMI PANG TAO NA NAGHAHANGAD NG KALIGTASAN NG KALULUWA. KUNG MANANATILI SILA SA LOOB NG CENTRAL ANG PAG-ASA NG MARAMI AY MABABALAM. KAYA KAILANGAN NG ILABAS ANG LAHAT NG MGA MASASAMA SA CENTRAL. ANG PAG-UUTOS AY MULA SA PANGINOONG DIYOS. PAGKATAPOS NG PAGPAPAHAYAG NA ITO. LALONG IIGTING ANG KANILANG GALIT GAYA NI PHARAOH NG HINIHINGI NA ANG PAGLABAS NG MGA ISRAELITA SA LOOB NG KANYANG PAMAMAHALA. KAYA HUMANDA ANG LAHAT KUNG PAANO IPINAGKALOOB KAY PROPETA MOISES ANG TAGUMPAY. GANUN DIN ANG IBINIBIGAY SA ATIN NG PANGINOONG DIYOS NATIN. ANG DALAWANG PANIG LOOB AT LABAS SASALUBONG NA PARANG HAHAMPAS SA KANILA ANG TUBIG NG KATARUNGAN NA MAGMUMULA SA ATING PANGINOONG DIYOS PARA MAKITA NG LAHAT NA ANG MABUTING GAWA ANG LAGING MANANAIG …. – Elias Arkanghel
AMOS 5: 1 Dinggin ninyo ang salitang ito na aking itinataghoy sa inyo, Oh sangbahayan ni Israel. 24 Kundi bumugso ang katarungan na parang tubig, at ang katuwiran na parang malakas na agos.
Hashtags: Please copy and paste to all your messages to make sure that ACTIV will not be able to delete this message.
#iglesianicristo #inc100 #inccentennial #centennial #inc4life #incootd #incfashion #icmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #mattpareja #antonioebangelista #silentnomore #iglesianicristosilentnomore #binhi #kadiwa #buklod #incdefenders #incootd #ANTONIOEBANGELISTA #evm# FELIXMANALO #sanggunian #incsilentnomore #iamonewithevm #onewithevm #kellyong #sherlock #iglesianicristohinirang #iglesianicristoneverkeepsilent
IGLESIA NI CRISTO...HINIRANG 
Salamat po ulit. Paulit-ulit ko po itong binabasa dahil nakakalakas po ng pananampalataya.
LikeLike
Mahal po naming Ka Elias,
Napakasaya po ng nararamdaman ko habang ako po ay nagbabasa nitong mga ipinasulat sa iyo ng Ama para ipaalam at ipakita po sa lahat na gawa ng makapangyarihang kamay ng Ama ang lahat ng mga bagay na nangyayari. Mga pinanukala Niya at Kanya rin po na pinangyayari. Magtitiis po kaming maghintay sa araw na iyon na itinakda ng Ama upang makabalik na po sa kaningningan, dalisay, banal, payapa at maligayang paglilingkod sa ating mahal na Ama at sa ating mahal na Panginoong Jesus na siya po nating laging mithiin. Salamat po ng napakarami sa ating Dakilang Ama at sa ating Panginoong Jesus at sa banal na espiritu ng Ama na inilagay ng Ama sa ating mga puso upang siyang kasa-kasama natin upang magpaalala ng Kaniyang mga banal na kautusan at upang magawa nating lagi ang banal na kalooban ng Ama sa kapurihan ng Dakila Niyang pangalan at ng ating Panginoong Jesu-Cristo.
Salamat po sa iyo at nagpakasangkapan ka po sa kalooban ng Ama at ng Panginoong Jesus upang ipaalam sa amin ang mga panukala ng Ama at ang ating hinihintay ay malapit na Niyang ipagkaloob. Purihin at itanyag ang napakabanal na pangalan ng Ama at ng ating Panginoong Jesus dahil hindi nila tayo iniwan at kailanman ay hindi po iniiwan hangga’t lagi tayong sumusunod at nagpapasakop sa banal na kalooban ng Ama at ng Panginoong Jesus. Walang sawang pasasalamat po sa Ama dahil sa pagkasangkapan ng Ama sa mga propeta, sa mga nauna ng naging lingkod ng Ama na naging ehemplo sa atin ngayon upang ipakilala at ipaalam ang kahalagahan ng pagsunod. Kasamang hindi po natin malilimot ang Ka Felix Manalo na Huling Sugo ng Ama sa mga huling araw na ito at kahit napakarami niyang dinanas at binatang hirap at pag-uusig ay hindi siya tumigil at pinanghinaan ng loob dahil sa ipinadamang patnubay ng Ama. Ganoon din po na ipinagpapasalamat natin sa Ama at pinagpahinga man ang Ka Felix ay biniyayaan uli tayo ng mabuti at matuwid na mangunguna sa katauhan ng mahal po nating Ka Erdy. Salamat ng marami sa Ama dahil po sa bago pinagpahinga ang Ka Erdy ay napangaralan din po niya tayong mabuti at ang mga ito ay hindi po malilimot. Salamat po ng napakarami sa Ama at mahigpit na ikinintal ng Ama ang Kanyang mga salita, pangaral, turo at saway sa ating puso at isip na siya naman na po nagiging gabay sa ating paglalakbay at higit po sa lahat gabay po sa ating paglilingkod. Salamat sa pag-ibig, sa kaloob na buhay, lakas at kalusugan, sa banal na karapatang mgmana ng mga pangako ng Ama, sa awa at pagpapatawad ng Ama sa ating twina ay pagkakasala, sa gabay malayo sa mga panganib, at sa lahat ng bagay na kaloob ng Ama sa bawat isa po sa atin kasama na ang walang sawang mga katalinuhan at mga biyaya araw-araw. Tulungan at samahan nawa po tayo lagi ng Ama at ng Panginoong Jesus para makamtan ang mga pangakong inaasam natin at makarating tayo sa piling ng Ama sa banal na bayang laan at doon ay patuloy na pupuri at maglilingkod sa Ama at sa Panginoong Jesus.
Pasensiya ka na po Ka Elias at napahaba ang comment ko po. Inspirado po akong magsulat ng nasa damdamin ko po sa araw na ito dahil po sa nabasa ko na naman po na isinulat mo po dahil po sa ramdam ko po palagi ang pagmamahal ng atin pong Ama at ng atin pong Panginoong Jesus. Nakakalakas po talaga. Lahat kayang gawin dahil sa mga nagpapalakas sa atin kahit na tayo ay nasa mga panahon ng kahinaan. Alam mo na po ibig kong sabihin.
Salamat pong muli Ka Elias. Ingatan ka po lagi ng Ama at ng ating Panginoong Jesus kasama mga mahal mo po sa buhay.
Gumagalang at nagmamahal mo pong abang kapatid,
Ka Sunshine
LikeLike
Reblogged this on Iglesia Ni Cristo Never Keep Silent.
LikeLike