November 3, 2015November 4, 2015

INC DEFENDERS TAOS PUSONG NAGPAPASALAMAT… KINILALA ANG NAGAWANG TULONG SA KANYA ….

Sunshine Shimmersays:

November 3, 2015 at 8:30 pm Edit

Mahal po naming Ka Elias,

Napakasaya po ng nararamdaman ko habang ako po ay nagbabasa nitong mga ipinasulat sa iyo ng Ama para ipaalam at ipakita po sa lahat na gawa ng makapangyarihang kamay ng Ama ang lahat ng mga bagay na nangyayari. Mga pinanukala Niya at Kanya rin po na pinangyayari.

Magtitiis po kaming maghintay sa araw na iyon na itinakda ng Ama upang makabalik na po sa kaningningan, dalisay, banal, payapa at maligayang paglilingkod sa ating mahal na Ama at sa ating mahal na Panginoong Jesus na siya po nating laging mithiin. Salamat po ng napakarami sa ating Dakilang Ama at sa ating Panginoong Jesus at sa Banal na Espiritu ng Ama na inilagay ng Ama sa ating mga puso, upang siyang kasa-kasama natin, upang magpaalala ng Kaniyang mga banal na kautusan, at upang magawa nating lagi ang banal na kalooban ng Ama sa kapurihan ng Dakila Niyang pangalan at ng ating Panginoong Jesu-Cristo.

Salamat po sa iyo at nagpakasangkapan ka po sa kalooban ng Ama at ng Panginoong Jesus, upang ipaalam sa amin ang mga panukala ng Ama at ang ating hinihintay ay malapit na Niyang ipagkaloob. Purihin at itanyag ang napakabanal na pangalan ng Ama at ng ating Panginoong Jesus, dahil hindi nila tayo iniwan at kailanman ay hindi po iniiwan hangga’t lagi tayong sumusunod at nagpapasakop sa Banal na Kalooban ng Ama at ng Panginoong Jesus. Walang sawang pasasalamat po sa Ama dahil sa pagkasangkapan ng Ama sa mga propeta, sa mga nauna ng naging lingkod ng Ama na naging ehemplo sa atin ngayon upang ipakilala at ipaalam ang kahalagahan ng pagsunod.

                                                                                                                                                 Kasamang hindi po natin malilimot ang Ka Felix Manalo na Huling Sugo ng Ama sa mga huling araw na ito at kahit napakarami niyang dinanas at binatang hirap at pag-uusig ay hindi siya tumigil at pinanghinaan ng loob dahil sa ipinadamang patnubay ng Ama. Ganoon din po na ipinagpapasalamat natin sa Ama at pinagpahinga man ang Ka Felix ay biniyayaan uli tayo ng mabuti at matuwid na mangunguna sa katauhan ng mahal po nating Ka Erdy. Salamat ng marami sa Ama dahil po sa bago pinagpahinga ang Ka Erdy ay napangaralan din po niya tayong mabuti at ang mga ito ay hindi po malilimot. Salamat po ng napakarami sa Ama at mahigpit na ikinintal ng Ama ang Kanyang mga salita, pangaral, turo at saway sa ating puso at isip na siya naman na po nagiging gabay sa ating paglalakbay at higit po sa lahat gabay po sa ating paglilingkod.

                                                                                                                                                                                                                                                                                                            Salamat sa pag-ibig, sa kaloob na buhay, lakas at kalusugan, sa banal na karapatang mgmana ng mga pangako ng Ama, sa awa at pagpapatawad ng Ama sa ating twina ay pagkakasala, sa gabay malayo sa mga panganib, at sa lahat ng bagay na kaloob ng Ama sa bawat isa po sa atin kasama na ang walang sawang mga katalinuhan at mga biyaya araw-araw. Tulungan at samahan nawa po tayo lagi ng Ama at ng Panginoong Jesus para makamtan ang mga pangakong inaasam natin at makarating tayo sa piling ng Ama sa banal na bayang laan at doon ay patuloy na pupuri at maglilingkod sa Ama at sa Panginoong Jesus.

                                                                                                                                                                                                                                                                                                                    Pasensiya ka na po Ka Elias at napahaba ang comment ko po. Inspirado po akong magsulat ng nasa damdamin ko po sa araw na ito. Dahil po sa nabasa ko na naman po na isinulat mo po. Dahil po sa ramdam ko po palagi ang pagmamahal ng atin pong Ama at ng atin pong Panginoong Jesus. Nakakalakas po talaga. Lahat kayang gawin dahil sa mga nagpapalakas sa atin kahit na tayo ay nasa mga panahon ng kahinaan. Alam mo na po ibig kong sabihin.

                                                                                                                                                     Salamat pong muli Ka Elias. Ingatan ka po lagi ng Ama at ng ating Panginoong Jesus kasama mga mahal mo po sa buhay.

Gumagalang at nagmamahal mo pong abang kapatid,

Ka Sunshine

Like

Reply

Mahal kong kapatid, naaliw akong basahin ang komento mong tila umaawit ng pagpupuri at pasasalamat sa ating mahal na Panginoong Diyos at mahal nating Panginoong Jesu-Cristo. Ang kilalanin mo ang Kanilang nagawang tulong mula ng magpasimula ang Banal na Iglesia sa pangunguna ng Kapatid Felix Y. Manalo na ipinagpatuloy ng mahal nating Tagapamahalang Pangkalahatan na Kagalang-galang na Kapatid na Erano G. Manalo ay hayag na hindi nila talaga tayo iniiwan. Hanggang ngayon naman kahit na kapwa sila pinagpahinga na.

Kaya nga sa tulad mong mapagpasalamat sa ating Panginoong Diyos at sa ating Panginoong Jesu-Cristo naramdaman Nila ang taos puso mong pasasalamat… ang ngiti Nila sa langit hindi mo man nakikita. Kapatid ipadarama Nila sayo na magpapatotoo sa lahat! Kasi nariyan Sila kapwa hahaplos sa pisngi niyo, alam na alam Nilang nahihirapan na rin kayo. Di ba nararamdaman mo ang kapwa paglapit Nila sayo? Ang sarap-sarap mabuhay sa piling Nila hindi ba? ..Oh Panginoong Diyos ..Panginoong Jesu-Cristo.. salamat muli Kayong dumalaw sa tahanan ng mga kapatid ko. Heto po yung gustung-gusto nila na tinatabihan Niyo at ang nasa kalagitnaan Niyo ay sila. Gusto na nga po nila ng mapayapang buhay kung kailan Niyo po ibibigay maghihintay lang po sila huwag lang po Kayong lalayo sa buhay nila. Salamat po Dakilang Panginoong Diyos kinasasabikan nila ang Banal mong Kapangyarihang ito… na lumulukob sa buo nilang pagkatao. Minsan pa po pakihawakan mo ang kanilang uluhan.. hanggang sa likuran. Kasi po diyan silang lahat muling magpapanibagong lakas … at sisigla ang pagal nilang mga katawan. Panginoon nakita mo po bang lumuluha na ang isa kong kapatid na ito? Pakiyakap na rin po! Pakiyakap muna rin po! Isama ng kanyang mga mahal sa buhay. Tapos po pakihaplos ang luhaan nilang mga mata. Huli ko pong kahilingan..pahintulot po.. dampi ng labi Mo sa kanilang mga uluhan. MARAMING MARAMING SALAMAT PO!

– Elias Arkanghel

Hashtags: Please copy and paste to all your messages to make sure that ACTIV will not be able to delete this message.

#iglesianicristo #inc100 #inccentennial #centennial #inc4life #incootd #incfashion #icmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #mattpareja #antonioebangelista #silentnomore #iglesianicristosilentnomore

6 thoughts on “INC DEFENDERS TAOS PUSONG NAGPAPASALAMAT… KINILALA ANG NAGAWANG TULONG SA KANYA ….”

Jose Enrico says:

February 25, 2016 at 10:06 am

Kapatid na Elias Arkanghel:

Magandang umaga po sa inyo. Nais ko lang po sanang malaman ang kahulugan ng naging panaginip ng aking anak.

Ganito po ang kwento niya sa akin. Nasa malaking kapilya raw po sila ng kanyang pinsan, tapos sa labas daw po ng kapilya ay merong lupa na maglalandslide, tapos napapalibutan daw po sila ng di raw po nya malaman kung kumunoy o dagat. Meron daw po na poste na malayo daw naman po sa kanila. Ung unang poste raw po ay bumagsak o natumba. Tapos sumunod din daw po yung isa pa. Sabi raw po niya sa pinsan niya na lalaki, hala Kim (di tunay na panagalan ). Tapos lalapitan na raw po sana nila yung nabuwal na poste, bigla raw pong sumigaw ang tito niya, kasabay daw po naman noon ay biglang gumuho ang lupa. Ayun nagising na raw po siya.

Ano po kaya ang gustong ipahiwatig ng kanyang panaginip sa nagyayari sa IGLESIA ngayon.

Ang inyo pong kapatid sa Panginoon,
Kap. Na Jose

LikeLike

Reply
Peping Sugo aka HILAGA MALAK says:

February 22, 2016 at 11:14 pm

Magandang araw po kapatid na ELIAS ARKANGHEL. Nais ko po sanang ipaabot sa inyo ang aking napanaginipan ilang buwan na po ang nakakaraan. Bagaman po ay may katagalan na ay akin pa rin pong isinulat upang kung ano man po ang kahulugan ay maipaabot natin sa mga kapatid natin na nawawalan ng pagasa upang lumakas at tumibay sa gawang paglilingkod sa AMANG BANAL.

Ang akin pong panaginip ay ang setting ay nasa isang lugar sa probinsiya. Sa aking pong panaginip ay ang mga tauhan ay alam ko na ang pamilya ng sugo at mga tao na nakapalibot sa kanya na kasama na po ako roon. Subalit ang mga mukha po ng pamilya ng sugo ay hindi po sila sa totoong buhay, subalit ang ipinagtataka ko po ay alam na alam ko po noong ako ay magising na sila po iyon. Sa akin pong panaginip ay ang ka FELIX ay nagaayos ng mga bangkay. Habang inaayos po niya na hapis na hapis ang anyo ng kanyang mukha, ay ang pamilya nya ay mga nakaupo sa sofa. Wala po ito sa loob ng bahay ang pangyayari. Open field po. Tapos po habang nagiiyakan ang pamilya niya ay tumayo po ang kapatid na ERANO MANALO sa harapan ng KAPATID na FELIX MANALO, habang nakataas ang kanyang kanang kamay na may sinasabi po, subalit di ko na maalala. Ang itsura po ng kapatid na ERANO ay sa totoong buhay ay hindi naman siya, subalit sa aking panaginip ay alam ko na ang ka Erdy po iyon. Ang kanya pong katawan ay maraming galos, siya po ay nakahubad, pero may pangibaba po naman. Siya po ay sumisigaw subalit ang kapatid na FELIX po ay tuloy na tuloy sa pagaayos ng mga bangkay. Wala pong tumutulong sa kanya. Ang taong nayon po ay nakapalibot sa kanya kasama na rin po ako habang inilalagay nya ang mga patay na pahiga sa kanyang harapan at kami po ay nanonood lamang sa kanila, sa pamilya ng sugo. Sabi po ng aking katabi na alam ko po sa aking panaginip ay kapatid din, ay umalis na raw po kami dahil matagal pa maiaayos ng ka FELIX ang lahat ng mga bangkay na naroon. Noon pong akma na na ako ay aalis na ay bumalik po ako at ang nasabi ko sa aking sarili ay kahit na matagalan pa ay maghihintay ako na maisaayos ng ka FELIX ang lahat ng mga bangkay na iniaayos niya. Tapos ayun po nagising na po ako. Note po: ang lahat ng tauhan sa aking panaginip ay sa totoong buhay ay hindi ko mga kakilala. Ni wala akong matandaan na kamukha sa aking mga kakilala, subalit habang ako ay nanaginip ay kumakatawan o alam ko sa aking isip na ang pamilya ng kapatid na FELIX Y. MANALO.

Maraming salamat po kapatid na ELIAS ARKANGHEL. Sana po ay mabigyan nyo po ng kahulugan sa kung ano man po ang nais iparating sa atin ng AMANG BANAL.

ANG INYO PONG KAPATID,
Peping Sugo

Nadown na po ang peping sugo ang gamit ko po ngayon ay
HILAGA MALAK

LikeLike

Reply
sunshineshimmer07271914 says:

December 11, 2015 at 6:19 pm

Mahal po naming Ka Elias,
Kumusta ka na pong muli pati ng mga mahal mo po sa buhay? Sana po ay maayos po ang lahat sa pag-iingat, pagmamamahal, tulong, gabay at awa ng Ama nating mahal at ng ating Panginoong Jesus. Maayos naman din po kami sa pagmamahal at gabay ng Ama at ng ating Tagapagligtas na ang ating Panginoong Jesus.
Gumagalang at nagmamahal mo pong abang kapatid,
Ka Sunshine

LikeLike

Reply
1. Aiza says:
  
  December 11, 2015 at 10:36 pm
  
  Sis Sunshine, ano na po ang FB niyo ngayon sa defenders? Hinahanap ko kayo. Please pm me po. Tnx
  
  LikeLike
  
  Reply
Sunshine Shimmer says:

November 4, 2015 at 7:45 am

Mahal po naming Ka Elias,
Ang saya-saya ko na naman po kasi sobra ko pong naramdaman ang pagmamahal at pagmamalasakit mo po hindi lang po sa akin kundi maging sa bawat isa sa amin na inihahabilin mo po kami sa Ama. Ipinaalala mo po sa akin ang Ka Erdy na inihabilin niya din po ang bawat isang kaanib na sana ay makatagal sa takbuhin at kung kukulangin ng lakas ay itutulak ng Ama hanggang sa hangganan makarating sa bayang banal. Tunay ka nga pong lingkod ng Ama kasi alam na alam mo po ang panahon ng pagpatak ng aming mga luha kapag tinutugon ng Ama ang ipinagmamakaawa mo kami sa Ama. Salamat po sa paghabilin mo kami sa Ama. Salamat po sa pagmamahal at malasakit mo po sa amin. Ramdam ko po ang paghaplos ng Ama sa kabuuan po ng aking pamilya. Pasensya ka na po kasi umiiyak na naman po ako sa tuwa. Sobrang dami ng beses po kasi na ipinadama ng Ama ang pagmamahal sa akin at sa pamilya ko. Halos hindi ko na po mabilang. Kaysarap po talagang magmahal ng Ama at ang Panginoong Jesus. Hindi ko po makakalimutan ang mga kabutihan at pagmamahal ng Ama mula sa mga hiniling kong maliliit lang po na bagay ay ipinagkakaloob po ng Ama at hanggang sa mga bagay na imposible ay ipinagkakaloob po ng Ama. Buhay man po namin ay nasa panganib at maging sa panahon po ng kahirapan ay hindi nagkukulang ang Ama sa amin. Kaya nga po hindi ako humihiwalay kasi mahal na mahal po tayo ng Ama at ng Panginoong Jesus. Mahirap lang po buhay namin Ka Elias pero mayaman po kami sa pakiramdam ko kasi nandiyan palagi po ang Ama. Kahapon nga lang po ay may magandang nangyari na naman po na ginawa ang Ama sa amin. Dahil po sa kahilingan mo po sa Ama kaya ay agad po naming natanggap. Kung ikokwento ko po sa iyo Ka Elias ang mga bagay na nakakamangha na nangyari po sa buhay ko na ginawa ng Ama ay mapahaba po tayo. Basta po ang natutunan kong sekreto ng kaligayahan para makamtan mo mga simpleng bagay na gusto mo lalo na at nagagamit sa paglilingkod sa atin pong Ama at sa ating Panginoong Jesus ay ang lagi na ay pagsunod ng walang anumang pasubali o idadahilan sa Ama. Naaalala ko nga po isang pangyayari sa isa kong uncle na diakono noong ako po ay naninirahan pa po sa kanila ay nasabi niya po sa akin na… “Nak, tulungan mo nga akong humiling sa Ama na pagkalooban na Niya ako ng trabaho kasi alam kong ang lakas mo sa Ama eh”. Nabanggit ko po kasi sa kanya na lahat ng hiniling ko po sa Ama ay ipinagkaloob po sa akin. Kaya po nasabi ng uncle ko iyon at totoo naman pong ipinagkakaloob ng Ama lahat ng hilingin ko. Ipinanalangin ko nga po uncle ko na makasumpong ng trabaho at nakasumpong nga po. Tuwang-tuwa po ang uncle ko dahil nagkaroon po siya ng trabaho. Marami pa po akong mga kwentong kabutihan ng Ama pero mapapahaba po tayo Ka Elias. Salamat po sa pagtitiyaga mo pong magbasa ng mga sinusulat ko po sa iyo. Salamat pong muli at laging nagpaparamdam ng pagmamahal at pagkalinga ang Ama at ang ating Panginoong Jesus at salamat pong muli sa iyo.

Gumagalang at nagmamahal mo pong abang kapatid,

Ka Sunshine

LikeLike

Reply
Iglesia ni Cristo Never Keep Silent says:

November 3, 2015 at 11:13 pm

Reblogged this on Iglesia Ni Cristo Never Keep Silent.

LikeLike

Reply