Ang mga kaganapan ngayon ay larawan lang din ng mga kaganapanan naganap noon. Ang mga pangyayari paulit-ulit lang na nagaganap ngayon. Kaya nga naiu-ugnay sa pangkasalukuyang pagtitipon mayroon tayo ngayon ang mga patotoong nakasulat sa Banal na Kasulatan. Sapagkat ang Iglesia ni Cristo noon at ang Iglesia ni Cristo ngayon ay hindi iba sa tunay na paglilingkod na ating itinataguyod. Kaya ngayon ilalagay natin ang ating sarili sa kung saan tayo nabibibilang sa ilalarawan ng mga talatang ating sinipi sa gagawin nating pag-aaral.
Mga mahal kong kapatid sa ikauunawang ganap kailangan ninyong makapasagawang makapanalangin kahit sa maikling kaparaanan kahit saglit lang na gawin, upang hilingin ang ganap na pagkaunawa na maibigay sayo kung ano ang hatid na mensahe ng PANGINOONG DIYOS kung bakit kailangan natin basahin ito at ano ang malaking kaugnayan nito sa ating sarili? Kaya mahalagang maiugnay natin sa PANGINOONG DIYOS at sa Panginoong Jesu-Cristo ang kaukulan ng pag-aaral nating ito. Alalahanin natin ang AMANG BANAL at ang Panginoong Jesu-Cristo natin ay nakatunghay sa pagbabasa mong gagawin. Sapagkat lubhang maselan ang Banal na Hapunan kaya mahalagang maipagunita sa indibidwal na magsasagawa nito ang kaangkupang marapat sa pagtanggap. Banal na Hapunan para sa nagtataglay ng banal na kalooban.
Sapagkat mula ng tayo maaralan sa pagtuturo ng kapatid na Felix Y. Manalo at ng kapatid na Erano G. Manalo, naipaunawa sa atin na lubhang maselan ang Banal na Hapunan sa panig ng lahat na tatanggap na kung hindi handa at karapat-dapat, ay tatanggap ng hatol ng PANGINOONG DIYOS na mahahayag na lang sa buhay at pamumuhay sa mga mangangahas na tatanggap pa rin nito. Nakalulungkot ang kinasapitan nila at nakapangingilabot pa nga kapag nakita ng iba kung anong nangyari sa mga nagpawalang halaga sa kabanalan ng Banal na Hapunan? Kung mayroong mang dapat na sisihin, ang sarili nilang pumili ng kanilang kapalaran. Sayang! Kung hindi sana nahirati sa paggawa ng mga pagsalansang sa mga aral at labagin ang mga banal na utos marahil ay nasa panig pa rin siya ng pagka-Iglesia ni Cristo. Hinayag siya ng kanyang sariling mga paglabag hindi niya naingatan ang pananampalatayang kinikilala man niya ngunit hayag ang kanyang mga kapintasan na nakikita ng taga sanlibutan at may pagmamalaki pang nagpapakilala na sila ay nabibilang sa Iglesia ni Cristo ngunit hindi makita sa anumang matapat na pagsunod at kabanalang paggawa. Hindi na nagkulang ang mga nagpapayong kinauukulang kapatid na maytungkulin. Naipagmalasakit na silang paalalahanan. Ngunit sa kabila ng lahat paulit-ulit na may pag-ibig na pagsaway hindi pa rin kinakitaan ng pagsisising lubos. Kaya nagawa nilang maisantabi ang mahalagang bilin ng pagbabagumbuhay. Ngunit ayaw pa rin na tila nagbingi-bingihan lang sa mga pagpapaalaala at pagpapayo sa kanila. Subalit para mabigyan daan lamang ang kanyang partisipasyon sa Banal na Hapunan sa kabila na may dala-dalang bigat na kasalanan ay nagpumilit na tumanggap pa rin na nauuwi lang sa ritwal na pagdalo huwag lang masabing hindi siya nakatanggap ng Banal na Hapunan ngunit ito ang nagbigay daan na nagpabago ng kanyang kapalaran..
Kaya tinatawagan ng pansin ang lahat, tayong lahat na lubusin na natin ang pagbabagumbuhay. Kailangan isagawa ang panawagang ito na hindi mula sa akin. Ang DAKILANG AMANG BANAL at mahal na Panginoong Jesu-Cristo ang nananawagan na sisiyasat sa ating puso sa araw na muling tatanggap tayo ng Banal na Hapunan. At ang taong 2016 ay hindi pangkaraniwang pagsasagawa ng Banal na Hapunan sa mga nakalipas na taon. Sapagkat nakalaan ang pagpapalang Espiritual kalakip na tatanggapin ang pagpapalang materyal sa lahat ng tapat na susunod. Ngunit sa panig naman ng magsasawalang bahala, ay naka-amba na ang hatol at pagkapahamak. Ngunit kung may panahon pa magpumilit na mahanay tayo sa mapalad na mapapabuti. Upang sa nakatakdang maganap at dapat na maganap… nawa ang lahat ay makasama at makabilang sa mapalad na mga hinirang.
Naitakda na ang bawat petsa! Ngunit nakakaalarma sa panig ng mga hindi nakahandang tumanggap nito. Inuulit-ulit ko dahil lang sa napakaselan lalo na hindi pangkaraniwan ang Banal na Hapunan sa taong ito ng 2016.
Sapagkat hindi ko ito sariling kaisipan. Dahil sumasampalataya ako dahil kabilang ako sa Katawan ng Panginoong Jesu-Cristo na isang Taong Bago, na Anak ng Tao, ay isang kahahalang hindi ko maitatanggi ang pagiging isa ko sa Kanya. Kaya gayun na lamang ang patnubay ng Banal na Espiritu .
Ang pagsama ng Banal na Espiritu na nakalakip ang pagmamahal ng PANGINOONG DIYOS at ng Panginoong Jesu-Cristo sa lahat, ang walang katumbas NILANG pag-ibig sa atin na muli nilang ipinadarama sa pamamagitan ng mga katotohanang ngayon ay inilalatag sa atin para maipahayag sa lahat ng maipagmalasakit ang ating mga pananampalataya na maghahatid sa atin patungo sa Banal na Dako doon sa Bayan ng mga Banal.
Matatapos na ang pitong taon na pamamayagpag sa panig nila na mga itiniwalag sa udyok ng Banal na Espiritu. Ang buwan ng Abril ang ibinigay na kahuli-hulihang buwan para sa kanila. ARAW NG PANGINOON ay iiral na matapos na makapagsagawa ng Banal na Hapunan ang lahat. Kung ano ang nakatakdang susunod na kaganapan kung ihahanay dito sa ating pagpapahayag ay nakapangingilabot.
Kilala ng lahat kung sinu-sino ang pinatutungkulan. Inilarawan sila ng Banal na Kasulatan na tahasang puminsala sa Kabanalan ng Katawan ng ating Panginoong Jesu-Cristo nang talikdan nila ang mga aral at tuntunin dapat na umiiral at palitan nila ito ng mga aayon sa kanilang kagustuhan. Natupad ang isang bahagi na kinatatakutan sa nakasulat sa Apocalipsis o Pahayag ang pamamayagpag ng tatak na nasa bahagi ng kanang kamay na kung ano ang sinisimbulo ng thumb mark ito ay gawain ng halimaw o ng diablo. May babangong katanungan! Hindi ba’t kilala natin, ang kaibayo sa pananampalataya ang katuparan at gumagawa nito? Tama! At ito ang naituro sa atin ng mga pumanaw na Tagapanguna sa Iglesia ni Cristo, ng kapatid na Felix Y. Manalo at kapatid na Erano G. Manalo magturo patungkol sa aral na inilalapat naman sa kanang noo ang hinlalaki. Kaya muli may katanungan! Paanong maisasagawa ng kasalukuyang mga namamahala sa Iglesia gayung hindi naman literal na ipinapatong sa noo ng mga kapatid ang hinlalaki na markado (thumb mark) na namamayagpag lang sa mga kapatid sa mga may pin at halos nakapaskel lang sa bawat lokal gamit ang malalaking tarpaulin? Ang sagot! Binago ninyo ang matuwid na pananampalatayang itinatak ng Banal na Espiritu sa diwa ng ating mga kapatid. Sapagkat sa literal ang kaibayo nga sa pananampalataya ang gumagawa nito sa paraang inilalapat ang kanang daliri ng kanang kamay sa bawat noo na masasabi na kanilang myembro, bagamat nagpapakilalang sila ang tunay at ganap na nasa Espiritual ay hindi katanggap-tanggap ang pananampalatayang itinataguyod nila. Kaya nasa panig nila ang dilim at ang pagkakakilanlan kalaban ng ating PANGINOONG DIYOS sa simula’t-simula pa ang pinaka-pasimuno nito sa kanila. Ang diablo pa rin pangunahin ipinangangalandakan ang kasinungalingan… palibhasa likas sa kanya na kailanman ay hindi gagawa ng mabuti na patuloy na mag-aangkin at magmamataas sa kanyang sarili dahil ang ibig niya pantayan ang DAKILANG PANGINOONG DIYOS natin. Subalit bakit nagawa ito ng Pamamahala at ng kanyang sanggunian pati na ng lahat ng nakiaayon sa kanila? Hindi nga ba tayo ang nasa liwanag na may dala pa ng katotohanan? Nangangahulugan bang mali na ang aral na ating sinasampalatayanan? Ang sagot! Namamalaging banal at totoo ang IGLESIA NI CRISTO mga mahal kong kapatid. Ang maling-mali ang kaparaanan nila na mga tumatayong lider natin ngayon sa Iglesia. Kaya kung mayroong dapat na ayusin napapanahong sila nga ang unang aayusin upang makipagkasundo sa ating PANGINOONG DIYOS at muling makipagtipan na maibalik ang mabuti nilang pananaw sa mga kakapatid natin sa IGLESIA NI CRISTO. Sa gayun sa pangkalahatan ay mapanunumbalik natin ang pag-uunawaan, pagmamalasakitan ng lahat ng mga kapatid, na sumasagana ang pagmamahalan at nangingibaw ang pag-ibig sa lahat na pangunahing dapat makita kaakibat nito ang pagiging mabait, maamo, mahinahon .. at mababang-loob. Kaya nga dahil dito ganap na ngang lalago tatatag muli ang pagkakilala nila sa IGLESIA NI CRISTO. Sa mata at pananaw ng sanlibutan malilinis ng lahat makikitang muli nila ang pagliliwanag ng isa’t-isa sa kabanalan sa pag-iisip, pagsasalita at sa paggawa ng bawat kaanib.
Matangi pa sa THUMB MARK, kaya nagdaramdam ang PANGINOONG DIYOS natin ang pamamamayagpag na tahasang gawin ninyo ang mga bagay na umaagaw sa Kapurihan na marapat na ipatungkol sa Panginoong Jesu-Cristo lamang at sa ating PANGINOONG DIYOS lamang natin. Ito ang pamamayagpag ng PANGALANG EVM at palitan ninyo ang IGLESIA NI CRISTO na pangalang ginawa ng PANGINOONG DIYOS para sa Kanyang Kapurihan at Kaluwalhatian. Ang mapangahas na pag-agaw sa Kapurihan ay kahalintulad na rin ng pakikipagpantay sa ating PANGINOONG DIYOS na hindi marapat at ito ay dapat ng putulin sapagkat isa ng kahibangan maituturing. Hindi ko damdamin magpahayag ng kahatulan subalit ipinag-uutos ng PANGINOONG DIYOS sa akin kaya kinakailangan sabihin sa lahat para makarating sa kinauukulan at hintayin ang bahaging ipinaaabot sa kanya ng PANGINOONG DIYOS ang kahatulang darating para sa kanya kung mamamalagi pa rin nila itong gagawin.
Kaya naganap ang tahasang paglabag. Pangunahin nakagawa ng paglabag ang Pamamahala ng Iglesia sa katauhan ng Ka Eduardo, mga nasa Sanggunian, ang mga Tagapangasiwa, mga ministro, manggagawa, lahat ng mga nasa ibat-ibang sangay ng departamento, mapa-MEDIA, ACTIV, at lahat ng mga kapatid na nasa kanya-kanyang mga lokal na tuwirang sumunod sa kanilang mga pinag-uutos. Kaya ito ang ating bibigyang daan na pag-aralan sa muling pakikisama ng Banal na Espiritu para bago dumating ang takdang paghuhukom dito palang sa buhay na ito ay makaligtas na sila sa sumpang kaakibat ng mga susuway.
(TAGUBILIN: Ang bahaging may bilang na kulay pula at ang mga talata naman ng Banal na Kasulatan ay kulay asul at hindi kasama sa kulay itim na nagsisilbing paliwanag at hindi panibagong idinaragdag naging bahagi lamang sa mga nakahanay na talata )
ANG BANAL NA HAPUNAN
(Mateo 26:26-29)(Marcos 14:22-25)(Lucas 22:14-20)
1 Corinto 11: 17-34
17 Tungkol sa mga babanggitin ko ngayon, hindi ko kayo maaaring ipagmalaki dahil ang inyong pagtitipon ay hindi nakakabuti, subalit nakakasama. Nakatatawag pansin mga mahal kong kapatid. Madaling unawain kung bakit hindi maipagmamalaki sa panahong magsasagawa na ng Banal na Hapunan napuna at nakita ang kawalang kahihinatnang buti sa mga kapatid natin sa Iglesia ni Cristo noon ang pagtanggap nila ng Banal na Hapunan. Sa halip na makabuti ay nakasama pa. Kung bakit alamin natin ang dahilan at nawa ay huwag nating tularan 18 Una sa lahat, nabalitaan ko na kayo’y nagpapangkat-pangkat sa inyong pagtitipon, at ako’y naniniwalang may katotohanan iyan. Nagpapangkat-pangkat din sila noon. Bumabangon din ang pagtatalu-talo at sa ating panahon ngayon ay gayun din. Sabi ng Apostol Pablo noon may katotohanan iyan kaya kung sasabihin din natin na naulit at nangyayari ngayon yan, totoo, totoong-totoo. Kung bakit? Sapagkat sa panig ng mga kapatid nating hayag na nakapupuna ng mga katiwalian at nakikita ang mga maling mga pamamaraan ng mga magulang (..Pastor, ministro..) sa paglilingkod naibubuyo sa galit ang mga anak nila (mga kapatid sa bawat lokal) sa paglilingkod na kanilang pinangangasiwaan. Dahil diyan humihiwalay ang iba sa kanilang masamang pamamaraang ginagawa kung kaya sa panahon ng Banal na Hapunan ay naroon ang pagtatalu-talo ng damdamin na hindi dapat makita sa atin. 19 Kailangan ngang magkabukud-bukod kayo upang makilala kung sinu-sino sa inyo ang mga tapat. Pinaging dapat naman sa kadahilanang ikakikilala sa bawat isa dahil nabubukod ang mga tapat sa hindi mga nagpapakatapat, ang mga mabuti at sa mga nagpapakasama pa. 20 Kaya’t sa inyong pagtitipon, hindi Banal na Hapunan ng Panginoon ang kinakain ninyo. 21 Sapagkat ang bawat isa sa inyo’y nagmamadali sa pagkain ng kanyang baong pagkain, kaya’t nagugutom ang iba at ang iba nama’y nalalasing. 22 Wala ba kayong sariling bahay upang doon kumain at uminom? O hinahamak ninyo ang iglesya ng Diyos at hinihiya ang mahihirap? Ano ang gagawin ko ngayon? Ipagmamalaki ko ba kayo dahil sa bagay na iyon? Hinding-hindi ko gagawin iyon! Pansinin ninyo mga kapatid naghihinakit si Apostol Pablo noon, pinagsabihan ang mga kapatid na hindi naman Banal na Hapunan ang kanilang kinain sapagkat hayag na wala ang iba sa kaayusan noon. Ngunit ngayon huwag nating tularan sa halip makita sa atin ang pag-iibigang magkakapatid. Yan ang inaasahan sa ating lahat nawa ay makasusunod sa kaayusang pinaiiral sa lahat para maging dapat at paging dapatin ang ating pagtanggap ng Banal na Hapunan.
23 Ito ang katuruang tinanggap ko sa Panginoon at ibinigay ko naman sa inyo: noong gabing siya’y ipagkanulo, ang Panginoong Jesus ay dumampot ng tinapay, 24 nagpasalamat at pinagpira-piraso iyon, at sinabi, “Ito ang aking katawan na inihahandog para sa inyo. Gawin ninyo ito bilang pag-aalaala sa akin.” 25 Matapos maghapunan, dumampot din siya ng kopa at sinabi, “Ang kopang ito ay ang bagong tipan ng Diyos na pinagtibay ng aking dugo. Tuwing iinumin ninyo ito, gawin ninyo bilang pag-aalaala sa akin.” 26 Sapagkat tuwing kakain kayo ng tinapay na ito at iinom sa kopang ito, ipinapahayag ninyo ang kamatayan ng Panginoon hanggang sa kanyang muling pagparito. DAKILANG PAG-IBIG ng PANGINOONG DIYOS ng ibigay ang KANYANG BUGTONG NA ANAK alang-alang sa ating lahat. DAKILANG PAGMAMAHAL ng ating Panginoong Jesu-Cristo ng pumayag siyang magpapako sa krus para sa mga hinirang at makabilang sa magtamo ng katubusan. Ito ang ating gugunitain ang Kanyang kamatayan ng ipako Siya sa krus. Aalalahanin natin ang sanhi ng Kanyang kamatayan sa pagtanggap ng Banal na Hapunan at ito ay magpapatuloy hanggang sa Kanyang muling pagparito.
27 Ang sinumang kumakain ng tinapay at umiinom sa kopa ng Panginoon sa paraang di nararapat ay nagkakasala sa katawan at dugo ng Panginoon. Sinuman sasama sa dulang at kakain ng tinapay at iinom ng katas ng ubas ay muling pina-aalalahanan tayong lahat na magkakasala lang kung hindi karapat- dapat ang ating pagtanggap ng Banal na Hapunan 28 Kaya’t dapat siyasatin ng tao ang kanyang sarili bago siya kumain ng tinapay at uminom sa kopa. Hindi NILA ibig na tayo ay mahatulan.. kung kaya dapat matiyak na makapagsiyasat bago ang takdang oras ng pagkain at pag-inom sa dulang ng PANGINOON. 29 Sapagkat ang sinumang kumakain at umiinom nang hindi kinikilala ang kahalagahan ng katawan ng Panginoon ay kumakain at umiinom ng kahatulan laban sa kanyang sarili. Kaya dapat talagang pahalagahan 30 Iyan ang dahilan kung bakit mahihina at masasaktin ang marami sa inyo, at may ilan ngang namatay na. Sa Espiritual na paliwanag ang kahinaan sa pananampalataya ang tinutukoy, ang pagiging masakitin ay ang madaling masaling ang damdamin at agad na nakikipagtalo, at ang mga namatay ay napabilang sa namatay ang alab sa pananampalataya 31 Kung sisiyasatin natin ang ating sarili, hindi tayo hahatulan ng Panginoon. 32 Ngunit hinahatulan tayo ng Panginoon dahil itinutuwid niya tayo, upang hindi tayo maparusahang kasama ng sanlibutan. Makatwirang paghatol sa layuning maituwid tayo ng hindi madamay.
33 Kaya nga, mga kapatid, kapag nagkakatipon kayo upang kumain, maghintayan kayo. 34 Kung may nagugutom, kumain na muna siya sa bahay upang hindi humantong sa hatol na kaparusahan ang inyong pagtitipon. Tungkol naman sa ibang mga bagay, saka ko na aayusin pagdating ko riyan.
Kaya mga kapatid dahil lubhang maselan ang Banal na Hapunan kahayagan ng pagsasalarawan na hindi ito dapat maituring na pangkaraniwan lamang isinasagawa. Pinaghahandaan ito upang hindi mauwi sa anumang kamalian na hahantong sa kaparusahan ang mga masusubok sa araw na isinasagawa na ang Banal na Hapunan.
Kung itatanong ninyo kung ang Banal na Hapunan na pangungunahan ng mga nasa hanay ng mga itiniwalag sa udyok ng Banal na Espiritu ay magiging karapat-dapat ba? Oo magiging karapat-dapat pa rin sa panig ng mga nakahandang lubusan. Lalo na sa hanay nila na naroon na bagbag din ang puso, na may pagsisisi rin sapagkat batid din naman nila ang nagawa nilang pagkukulang at kasalanan sa loob ng Iglesia bunga ng karuwagan at bulag na pagsunod nila. Ngunit sa panig ng mga mangunguna na hindi nakitaan at naramdaman ng Banal na Espiritung sumisiyasat sa puso nila, na kahit kakaunti ay walang anumang pagsisisi, ang bawat isa sa kanila ay humanap na ng kanyang ikapapahamak sapagkat tatanggapin na niya ang marapat na kahatulan para sa kanya pagkatapos na maisagawa ito. Kaya sa panig naman ng mga kapatid na pangungunahan nila ay hindi marapat titigan ang anumang kapintasan sa sinumang naroroon sa gusaling Sambahan na tatanggap ding katulad nila. Ang pinaka-mahalaga ang sarili natin ang dapat nating makita, masiyasat upang maisagawa natin ang pagsisising lubos at madama ang Kabanalan ng isasagawang Banal na Hapunan.
Paano ang mga ministrong itiniwalag kasama ang kanilang mga mahal sa buhay? Ano ang pagpapasya sa kanila? Sila ay namamalaging mga ministro na naninindigan sa mabuti na kabilang sa itinira ng PANGINOONG DIYOS upang huwag madamay sa sumpang darating sa mga ministrong napaalipin sa gawang masama at sundin ang sariling pamamaraan na pawang utos na ng mga tao. Kayo ay pinahihintulutang magsagawa ng pansariling pagba-Banal na Hapunan, kasama ang inyong mga mahal sa buhay. Sa pagsasagawa kung paano ang marapat na paghahanda mula sa pagpapanata, gagamiting kasangkapan, hanggang sa maisagawa niyo ito ng may kabanalan, at ang pangangaral hindi lalayo sa tuntuning umiiral mula noon ng tayo ay pangunahan ng kapatid na Felix Y. Manalo at kapatid na Erano G. Manalo sa pagba-Banal na Hapunan. Pagpaumanhinan na ninyo kung bakit hindi natin maisama ang pamamaraan ng kasalukuyang Pamamahala sapagkat ito ay nahaluan na ng ibang tuntunin na iba sa tuntuning marapat na paghahanda. Naisasagawa na ang Banal na Hapunang kanyang pinangungunahan sa mga taong tinatakdaan nila na makarating kung saan bansa siya naroroon at paulit-ulit na niyang mga pinatatanggap sa mga kadahilang ibig niya. Wala ng banal na paghahanda, hayag na iba na ang prosesong umiiral na nahulog na pansariling kapakinabangan. Ang umiiral ay proseso na ng tao at hindi na prosesong mula sa ating PANGINOONG DIYOS at ng ating Panginoong Jesu-Cristo kaya naman hindi na kalugud-lugod sa KANILA.
Kaya sa panig ng mga itiniwalag diumano na wala sa proseso ang pagkakatiwalag sa inyo, bunga lang ng panggigipit at pagmamalabis sa kapangyarihan ng mga nangunguna sa Iglesia ni Cristo ngayon, ay ipinararating sa inyo ng inyong kapatid na Elias Arkanghel sa udyok ng Banal na Espiritu kayong lahat ay namamalaging kabahagi sa katawan ng ating Panginoong Jesu-Cristo. Kabilang sa namamalagi na mga kapatid sa Iglesia ni Cristo ang sambahayan ng kapatid na Erano G. Manalo na kanilang itiniwalag sa pangunguna ng kapatid na Kristina Villanueva Manalo, kapatid na Felix Nathaniel Villanueva Manalo, kapatid na Marco Eraño Villanueva Manalo, kapatid na Lottie Manalo Hemedez, at ang mga kapatid na sumusunod: kapatid na Joy Yuson, kapatid na Roel Rosal, kapatid na Lito De Luna Fruto, kapatid na Lorna Danganan, kapatid na Lowell Minorca II, kapatid na Louie Cayabyab, kapatid na Isaias T. Samson Jr., kapatid na Vincent Florida, kapatid na Farley De Castro, kapatid na Rudy Lao at ang kanilang mga idinamay na mga mahal ninyo sa buhay, at sa lahat ng mga kapatid saan mang panig ng daigdig na hindi ko naihanay ang mga pangalan na may katulad din na pagkakatiwalag bunga ng panggigipit at pang-uusig ng mga tiwaling lider. Kayong lahat kinikilala ng ating PANGINOONG DIYOS at ng ating Panginoong Jesu-Cristo na lihitimong mga kapatid pa rin sa IGLESIA NI CRISTO. Hindi pinagtibay sa Langit ang kanilang pagkakatiwalag sa inyo na di umano ay atas ng Pamamahala. Kaya walang dahilan na kayo ay panghinaan ng loob sa halip inaanyayahan ko kayo na magpatuloy lang sa Pagsamba at pananalangin sa ating DAKILANG AMANG BANAL at sa ating mahal na Panginoong Jesu-Cristo upang huwag mapatid ang inyong pakikipag-ugnay sa KANILA.
Kapatid gusto mong magpasalamat sa katotohanang tinanggap mo. Sayong kinauupuan nakatanaw ang AMANG BANAL at ang Panginoong Jesu-Cristo. Hinihintay NILA na maglambing ka sa KANILA. Gusto mo bang maramdaman mo ang Kapangyarihan NILA? Sige na mahal kong kapatid.. Ikaw nga na bumabasa nito ang aking inaanyayahan sapagkat muling magpapatotoo SILA .. Nangungulila ka sa KANILANG pagmamahal? Sige ipahayag mo sa PANGINOONG DIYOS natin at Panginoong Jesu-Cristo ang lahat ng ibig mong idaing. Hirap ka na ba? Huwag .. napakagaan ng pagsunod.. kung nahulog man tayo sa pagkakasala ito ang pagkakataong ibinibigay sa atin … AMANG BANAL … AMA KO … NAGHUHUMIYAW ANG DAMDAMIN NG KAPATID KONG ITO. DADALANGIN NA PO SIYA SAYO. DADALANGIN NA SIYA SA INYO .. MAARI PO BA BAGO ANG LAHAT BAGO NIYA GAWIN ANG PANANALANGIN NIYA. NAGLALAMBING NA ANG KAPATID KO … AMANG BANAL MINSAN PA PO ISAMA NIYO PONG TANAWIN NG INYONG MGA MATA, ANG KANILANG MGA MAHAL SA BUHAY. OPO, SIGE NA PO! SAPAGKAT ISASAMA NIYA ANG KANYANG MGA MAHAL SA BUHAY NA IPAGLALAMBING NA MAIPANALANGIN GAGAWIN NIYA SA INYO NGAYON. SALAMAT PO TAPAT ANG PAG-IBIG AT PAGMAMAHAL NINYO SA AMING LAHAT… NARIYAN NA PO SIYA SA INYO… BUONG KAPAKUMBABAANG LUMULUHANG DUMADALANGIN SA INYO NGAYON. – Elias Arkanghel
—————————————
Hashtags: Please copy and paste to all your messages to make sure that HACKTIV will not be able to delete this message.
#accessthetruth #inc101 #onewithevm #1withevm#net25#eduardomanalo#gliceriosantosjr #jojodeguzman#antoniodeguzman#antonioebangelista#radelcortez #arneltumanan#incdefenders #iamonewithevm#eaglenews#iglesianicristo #INC101 #IAMONEWITHEVM #onewithevm #1with25 #inc100 #inccentennial #centennial #inc4life #incootd #incfashion #incmedianews #inctv#net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #inccfo #incmedia #foreverinc #eduardovmanalo #babylynmanalo #ricardoventura #templocentral #kadiwa #binhi #buklod #bukabin #iamonewith25 #net25 #kadbin #eaglenews #edwilzabala #lowellmenorca #kellyong #antonioebangelista #antonioebanghelista #incphotooftheday #incphotocontest #incscan #tabernaclechoir #gemmamanalo #kristinedorothymanalo #angelomanalo
IGLESIA NI CRISTO...HINIRANG 
Pinakamamahal naming Kapatid na Elias,
Matagal ding panahon na kami ay naghintay ng inyong kalatas. Lagi naming kinasasabikang mabasa ang inyong mga pagpapayo at ang inyong mga paglalambing sa ating Amang Banal at sa Panginoong Jesus na sa atin ay laging nagmamahal. Sa mga unang kataga pa lamang ng inyong pagtatagubilin na manalangin muna bago ituloy ang pagbasa ay agad ko po itong ginawa na di muna inalam kung ano ang inyong itatagubiling dapat banggitin sa panalangin. Humingi po muna ako ng patnubay na maunawaan ang inyong mga susunod na sasabihin. Laking pagka-mangha ko na ito nga rin po pala ang inyong ibibiling hihilingin.
Nais ko lamang pong magpahayag ng aking naranasan habang binabasa ko po ang inyong paghahabilin sa ating Dakilang Diyos at sa Panginoon nating Jesus na ang aking pakiramdam ay parang mag-isang kinakausap po ninyo at ipinaglalambing kasama ang aking sambahayan sa KANILA. Dito po sa bahaging ito muli ko pong naramdaman ang Banal na Espiritu na humaplos sa aking buong katawan. Ang karanasan ko pong ito ay hindi lamang sa tuwing nakakabasa ako ng inyong sulat kundi maging sa aking pansariling panalangin kung kailan aking sinasambitla ang inyong pangalan, na lagi ko pong ginagawa kapag ibig akong dalawin ng panlulupaypay, bagamat hindi nalulugmok, dahil sa kasalukuyang mga nagaganap sa Iglesia. Akin na lamang pong ipinagugunita sa aking sarili at sa aking maybahay na ang mga nagaganap ay talagang mangyayari dahil ipinagpaunang lahat sa Biblia.
Nagmamahal,
Martin
—————————-
Salamat din sayo mahal kong kapatid, ang patuloy ninyong pakikibahagi sa Banal na Gawaing ito na ating ipinagmamalasakit para sa kapakanan ng marami nating mga kapatid ang patuloy na pakikisama sa atin ng Banal na Espiritu sa pamamagitan pa rin ng ating mahal na Panginoong Jesu-Cristo sa awa at pag-ibig sa atin ng ating PANGINOONG DIYOS.
Matatapos din ang lahat sa kahuli-hulihan nagtagumpay ang AMANG BANAL at ang mahal nating Panginoong Jesu-Cristo. Nawa walang isa man sa mga gumanap sa mga pangyayari mula ng magsimula ang mga senaryong ito ang makabitiw kahit nasa panig ng nasubok sa mabuti at nasubok sa panig ng masama. Sa kahuli-hulihan ang lahat ay sama-sama na papalarin sapagkat ang lahat ay ganap ng kakikitaan ng malinis na pamumuhay sa uri ng maliligtas. – Elias Arkanghel
Mahal naming Ka Elias, Maraming salamat po sa iyong pagmamahal at dito sa timely reminder na ito sa aming lahat. Sana po patuloy mo kaming maalala sa inyong mga panalangin. Salamat po.
————————————
Salamat din sayong kabutihan na maipagmalasakit sa iba ang mga kaalaman at katotohanang napapaloob sa Blog nating ito. Kahilingan mong panalangin para sayo, sa mga mahal mo sa buhay at sa lahat-lahat ng mga kapatid natin na patuloy na kumikilala sa Banal na Gawaing ito ay naisagawa kunang banggitin kita mismo sa AMANG BANAL at sa ating mahal na Panginoong Jesu-Cristo. Nagmamahal mong kapatid Elias Arkanghel
Salamat po ng napakarami sa patuloy ninyong pag-gabay sa amin sa matuwid at tapat na mga paglilingkod sa ating Panginoong Diyos at sa ating Panginoong Jesucristo. Nawa po ay sumainyo pang lalo ang patnubay ng ating AMA .Nawa po ay tulungan tayo ng Ama na maibalik na sa dating kaningningan ang kanyang Iglesia.
———————————-
Desiree kapatid ko, salamat din sayong pakikibahagi sa Blog ng IGLESIA NI CRISTO … HINIRANG. Maibabalik din ang lahat sa higit pa sa dating kalagayan at kaningningan sapagkat yun ang nakatakda para sa Kapurihan at Kaluwalhatian ng ating DAKILANG AMANG BANAL at ng ating mahal na Panginoong Jesu-Cristo. – Elias Arkanghel