PAGLALAKBAY NG MGA HINIRANG … MALAPIT NA ANG TAKDANG KAGANAPAN PATUNGO SA DAKONG BANAL…

Sa Banal na kasulatan mahalaga ang salitang paglalakbay! Ilang paglalakbay ang naganap noon sa mga unang lingkod ng ating PANGINOONG DIYOS. Sa panahon ng mga Magulang, sa panahon ng mga Propeta at sa panahong Cristiano. Ang paglalakbay ng mga lingkod ng ating PANGINOONG DIYOS ay itinatakda NIYA para lumikas kapag umabot na sa sukdulan ang kasamaan ang pagkakasalang nagawa ng tao. Kaya humihirang ang DAKILANG PANGINOONG DIYOS ng mangunguna para ipagmalasakit ang KANYANG Bayan at ang mga piling mga hinirang na KANYANG nakatakdang iligtas.

Sa daan ng paglalakbay maraming mahihiwagang nagaganap na palatandaan ng pakikisama ng PANGINOONG DIYOS sa kanila, na hindi napapahalagahan ng mga reklamador lalo na sa panahon ni Propeta Moises. Ang pawang naiisip nila ay lalo lang silang magugutom sa ilang, na lalo lang silang mahihirapan at dumarating ang takot na abutan ng kamatayan sa paglalakbay. Kaya naisasantabi ang mga patotoong hiwaga na kahit nasaksihan nila, na naganap ang napakadaming hiwaga sa kanila sa ilang. Sa kabila ng lahat ay sinisino pa rin ang nangunguna sa kanila na pangkaraniwang tao na wala namang kapangyarihan subalit napapamangha din sa kanya. Gaya ng naitatanong sa Panginoong Jesu-Cristo “kung walang pagkasi ng Banal na Espiritu na gumagabay at tulong mula sa PANGINOONG DIYOS paano niya nagagawa ito”.  Subalit naroon pa rin sa iba ang pagmamagaling, taglay ang masamang espiritung mapanghikayat. Galit ang nananaig sa kanya na ayaw tumanggap ng pagpapayo mula sa iba. Ibig niya na siya ang paniwalaan kaya ililihis niya sa katotohananan at pinipilipit ang totoo para mapaniwala niya na ang kanyang mga sinasabi ang totoo.  Subalit naipagkakanulo niya ang kanyang sarili at naihahayag ang layunin ng kanyang puso. Ang makapandaya dahil naging bulaang guro nagtahi-tahi ng kasinungalingan.  Kaya hinahayag siya ng kanyang galit kung kaya kung anu-ano na lang ang nasasambit kung babalikan niya aaralin ang mga ipinapahayag ay pawang kamalian dahil pinamahayan ng galit ang puso. Kaya ng papiliin ni Propeta Moises kung sino ang panig sa kanya. Tunay na marami siyang nahikayat lahat ng yun ay NAPAHAMAK.

Subalit sa mga nakasunod at nagpatuloy ay matagumpay namang nagtamo ng kapayapaan sa paglalakbay, kaligtasan sa kamay ng mga kumakaaway at pagpapala na sumagana sa buhay. Kung kikilalanin natin sila upang tularan ay kilalanin natinang mga lingkod ng ating PANGINOONG DIYOS na nanguna sa kanyang sambahayan, ang lingkod ng PANGINOON na si Noe na matuwid at mabuting tao, kasamang naligtas ang kanyang asawa, tatlong anak na lalaki at ang kani-kanilang asawa. Si Lot at ang dalawa niyang anak na babae,  ang kanyang asawa na sinawimpalad sa daan na sa kabila na may bilin na huwag lilingon o hihinto sa libis ay sumuway kaya napahamak. Si Propeta Moises ang lalaking hinirang ng PANGINOONG DIYOS na pinangunahan ang Bayang Israel sa paglaya sa Ehipto na binatbat ng patotoo sa hiwaga ng PANGINOONG DIYOS ang kanyang panahon.

Ngayon sa huling yugto ng panahon… kapag binanggit mo ito sa mga kapatid  na may kapahamakang darating ano kaya ang magiging reaksyon nila? Subalit tunay mayroon ngang magaganap na paglikas at paglalakbay. Sa panig ng mga kapatid babangon ang malaking katanungan kung  gaano ba katotoo ito? Lilikha ng maraming pagtatanong at pag-aalala sa kaisipan ng mga kapatid. Sa pakiwari ay hindi makabubuti subalit ipinahihintulot ng PANGINOONG DIYOS upang likhaan ng Banal na takot ang lahat bago ang nasabing kawasakan.

Subalit sa panig ng mga hinirang na nahanayan ng mga matitibay na patotoo sa nakasulat sa IGLESIA NI CRISTO…HINIRANG Blog na mula sa Banal na Kasulatan sila  ay pawang nagagalak  may pananabik sa kanilang lahat.

Ngunit sa panig ng hindi maniniwala, ipinagpauna na natin na pawang panlalait at pangungutya ang kanilang mga sasabihin sa atin. Hindi iba sa mga pangyayari sa unang mga lingkod ng ating PANGINOONG DIYOS. Kaya kung hindi mga magbabago at babalikwas ay hindi rin bagong bagay ang kahihinatnan ng mga magtatawa at mangungutya sa atin. Nakalulungkot sa paglalarawan ng BIBLIA kung hindi sila magbabago, silang lahat ay pawang mga mangapahamak lamang.   

Bago ang iba pang kaunawaan patungkol sa paglikas  at paglalakbay ay bigyang daan natin na mabasa ang panaginip ng isang kapatid na nagbibigay ng kaunawaan sa marapat na paghahanda na gagawin. At kung may mga kaugnay pang panaginip at pangitain ang mga kapatid at di man kapatid kaugnay o patungkol sa kaganapan na ating binabanggit ay ilalagay na lang natin dito bilang karagdagang patotoo.

PANAGINIP NG ATING KAPATID:

Nais ko po sanang ibahagi sa inyo ang aking napanaginipan kung ano po ang ibig ipakahulugan nito? Kagabi po napanaginipan ko na ako daw po ay nagmamadaling pumunta ng kapilya madaling araw po iyon dahil ako po ay tutupad. Pagdating ko po ng kapilya ay naabutan ko po na madaming tao na nakapila sa isang sasakyan na truck na puno na tao at yung unahan ay paliko papunta sa bintana at nananalangin na kaya alam ko nahuli na ako sa panata ng mga tutupad sinalubong ako ng pang limang Pd namin. At sinabihan ako na huli na daw po ako. Kaya sa gilid na lang ako pinaupo sa may labas. Yung inupuan ko may upuan na semento pahaba po na parang nasa simbahan po ng ibang relihiyon hindi po siya kapilya natin. May naabutan po ako dun na babae at nakatabi ko sa upuan alam ko sasamba lang yun at walang tungkulin. Habang nagtetexto sa loob di ko naman po naiintindihan kung ano tinetexto dahil nakabaling ang pansin ko dun sa katabi ko. Dahil sa pagtatanong nya kung may Biogesic daw ba akong dala. Agad agad akong naghalungkat sa bag kong dala at nakakita naman po ako ng Biogesic at daglian kong iniabot sa kanya. Di pa po nya naiinom ay nagulat kaming bigla dahil wala na pong tao sa loob sabi namin di man tayo nalikuman bakit bigla silang nangawala. At yun po bigla na akong nagising