ANG PANUKALA NG DIYOS UKOL SA PAGLITAW NG IGLESIA NI CRISTO DITO SA PILIPINAS (ginawa itong Pahayag na ito ng isang kapatid samantalang nabubuhay pa ang Kapatid na Eraño G. Manalo bilang Tagapamahalang Pangkalahatan ng Iglesia ni Cristo ) “Sa naghanay ng anim na pahina ang tanong siya ba ay isang Ministro? Ngunit may lubhang napakamahalaga kayong dapat na maunawaan sa kaniyang hinahanap na nasa kalagitnaan ng mga kapatid sa loob ng Iglesia ni Cristo!”

ANG PANUKALA NG DIYOS UKOL SA PAGLITAW NG IGLESIA NI CRISTO DITO SA PILIPINAS (ginawa itong Pahayag na ito ng isang kapatid samantalang nabubuhay pa ang Kapatid na Eraño G. Manalo bilang Tagapamahalang Pangkalahatan ng Iglesia ni Cristo ) “Sa naghanay ng anim na pahina ang tanong siya ba ay isang Ministro? Ngunit may lubhang napakamahalaga kayong dapat na maunawaan sa kaniyang hinahanap na nasa kalagitnaan ng mga kapatid sa loob ng Iglesia ni Cristo!”

Ang inyong abang lingkod ay muli lamang ilalathala ang naging panulat ng ating mahal na kapatid sa Iglesia na naghanay ng mga pahayag niya  na sa kabuuan ay may anim na pahina. Matagal na rin marahil na panahon ng magawa niya ito sapagkat ang Pinakamamahal na Kapatid na Eraño G. Manalo pa ang kasalukuyang Tagapamahalang Pangkalahatan na kaniyang nabanggit sa isang bahagi ng pahina na ating mababasa. Ang kopyang ito ay naipagkaloob sa akin ng isang butihing kapatid hindi ko lamang napagtuunang basahin sapagkat sa iba’t-ibang kaabalahan na rin sa mga ginagawa ko noon na napauukol din sa Banal na Gawain ng IGLESIA NI CRISTO…HINIRANG. Marahil hindi pa nga lamang panahon. Kaya ng ako ay may hinahanap ay saka ko lamang napagtuunang pansin ang mga mahahalagang detalye na napapaloob dito. At ngayon nga napahihintulutan ng malathala at mabasa ng bawa’t isang naghahangad ng higit na Katotohanan na napapaloob sa kaniyang naihanay para malubos ang pagkaunawa sa matagal ng panahon na nalihim at ngayon lamang matutunghayan sa pampublikong pagkakalathala nito gamit ang Blog na ito ng IGLESIA NI CRISTO…HINIRANG  na ang mga orihinal na kopya na ating mga sinipi ay nasa bahaging ibaba ng Blog na ito.

Mga mahal naming mga kapatid, mga magulang mga kaibigan hindi pangkaraniwang babasahin ang inyong mga matutunghayan sa panulat ng may akda. Hiwaga  sa  lahat ng  mga  Kalooban  ng  ating Pinakamamahal na Panginoong Diyos na Siya rin ang nagkaloob ng pagkaunawa sa may akda ng panulat na mababasa ninyo na napapaloob sa anim na pahina. Mga mahal naming kapatid kung sino man siya na naghanay ay may kapahintulutan ang ating Amang Banal Pinakamamahal Pinakadakilang Panginoong Diyos para sa Hiwagang nais Niya na mapag-alaman na nating  lahat. Kaya naman, kayo ay akin din namang hinihikayat na manalangin isangguni sa ating Panginoong Diyos na Pinakamamahal  na mabigyan kayo ng sapat na pagkaunawa na pahiramin kayo ng Karunungan para magkaroon ng higit na kabatiran,  sa malalim na pag-aaral at pagsasaliksik.

 

Sumainyo nawa ang pagkaunawa sa udyok ng Banal na Espiritu at magbigay daan lalo ito sa inyo na pag-ibayuhin pa ang mga pag-aaral at pagsasaliksik ng mga ipinapahayag dito sa Blog ng IGLESIA NI CRISTO…HINIRANG dahil lahat ng kaniyang mga itinatanong ang Pinakamamahal Pinakadakilang Panginoong Diyos sa pamamagitan ng Pinakamamahal na Panginoong Jesu-Cristo ay matutugunan ng mga Patotoo na Hiwaga na mababasa sa Banal na Aklat o BIBLIA na hindi gawa ng tao o ng sinuman sapagka’t sinasaklawan ng Kapangyarihang ipinagkaloob para matanyag ang Banal na Gawain Nilang ito na magbibigay Karangalan, Kapurihan, Kadakilaan, Kaluwalhatian sa Kanila, Oo sa ating Amang Banal na Pinakamamahal Pinakadakilang Panginoong Diyos sa pamamagitan ng Panginoong Jesu-Cristo na ang Kaniyang Diwa mismo ang lumalakip  sa napahihintulutan kaya nakapagpapahayag at nakapaghahanay ng mga pagkaunawa sa mga nakaraan para maipaalaala ng napahihintulutan, sa lahat, mula sa ating Panginoong Jesu-Cristo ang mga paunang Pahayag at mga sinalita Niya noon sa Kaniyang kapanahunan. Oo ito ang mga patuloy na isinasaysay ng Napahihintulutan na inyong kapatid  sa pananampalataya na maghahatid sa inyong lahat sa Daan. Oo sa Tanging Daan na ipinagkaloob sa akin ang Mapang hindi maaagaw o makukuha ng sinuman dakong dereksyon na pinahahanda na Kaniyang pinababagtas sa atin sa mga mapapalad na mga Piling Hinirang kasama ang mga Piling Dayuhan para makarating sa Dakong Banal hanggang sa Ang Bagong Banal na Bayang Jerusalem ang lahat ay maihatid sa piling ng ating Amang Banal Pinakamamahal Pinakadakilang Panginoong Diyos sa loob ng Sanlibong taon sa panibagong daigdig ay mapalad ang sinoman na sumama na makapaninirahan doon. Pagkatapos ng Sanlibong taon ang mga Hinirang at ang lahat ng naroroon ay magiging sakdal na at saka pa lamang huhudyatan ng ating Panginoong Diyos na bababa mula sa Langit ang Pinakamamahal na Panginoong Jesu-Cristo  na ito ang pinatutungkulan na Araw ng Paghuhukom.

                                                – Elias Arkanghel -Jesu-Cristo   12072019PT1907PM 

 

===========================================================================    ANG PANUKALA NG DIYOS UKOL SA PAGLITAW NG IGLESIA NI CRISTO                DITO SA PILIPINAS

Ang paglitaw o pagkakatatag ng Iglesia ni Cristo dito sa bansa natin noong ika-27 ng Hulyo, 1914 ay  hindi  bunga  ng  pagkakataon lamang o ng kagustuhan ng sinomang tao. Ang pangyayaring ito ay kaganapan ng panukala ng Ama na muling pagbubukod ng mga kalipunan ng taong magsasagawa ng paglilingkod at pagsamba sa kaniya. Sapagka’t ang unang Iglesia na itinatag ng Panginoong Jesus sa Jerusalem, noong unang siglo  ay  naitalikod  at  tuluyang nawala pagkamatay  ng mga apostol, kaya dahil dito ay kinasangkapan ng Diyos ang kapatid na Felix Y. Manalo upang muling  lumitaw  o  maitatag  ang  Iglesia ni Cristo  at muling magkaroon ng kaugnayan ang tao sa Diyos. Ang kapatid na Felix Manalo ang kinatuparan ng   ibong mandadagit    na   matutunghayan   natin   sa  Aklat  ni  Propeta Isaias 46:11 “Na tumatawag ng ibong mangdadagit mula sa silanganan, ng taong gumagawa ng aking payo mula sa malayong lupain; oo, aking sinalita, akin namang papangyayarihin; aking pinanukala, akin namang gagawin.”  

Ang tinutukoy na ibong mandadagit ay  tao  sa kalagayan na gumagawa ng payo ng Diyos. Dito ay dapat nating mapansin na mahalaga ang payo kaya isang taong gumagawa ng payo ang kaniyang tinatawag, sapagka’t bawat panukala ay matatatag sa pamamagitan ng payo (Kawikaan 20:18 -“bawa’t panukala ay natatatag sa pamamagitan ng payo: at sa pamamagitan  ng  pantas  na pamamatnubay ay makikipagdigma ka.“ )   at  kung walang payo ay magugulo ang panukala (Kawikaan 15:22 – “ Kung saan walang payo  ay  nagugulo  ang mga panukala: Nguni’t sa karamihan ng mga tagapayo ay nangatatatag).” Dito  ay  dapat  nating  maunawaan na upang mauna muna ang payo,  sapagka’t  kung  walang payo ay magugulo o hindi maisasakatuparan ang panukala o plano ng Diyos.

Kaya nga ng maunawaan ng kapatid na Felix Y. Manalo ang ginawang pagtawag sa kaniya ng Diyos ay agad niyang ipinangaral ang kahalagahan ng Iglesia ni Cristo sa buhay ng tao,  sapagka’t isa ito sa mga payo na dala – dala niya na ipinaunawa sa kaniya. Kaya nga itinuro niya na kung nais ng tao  na  magkaroon  ng  kaugnayan   sa  Diyos  ay  kinakailangang  siya  ay mapabilang na sangkap ng iisang katawan o ng Iglesia na siyang Iglesia ni Cristo

Roma 12:4 – 5   ” Sapagka’t  kung  paanong  sa  isang katawan ay mayroong tayong maraming mga sangkap, at ang lahat ng mga sangkap ay hindi pareho ang gawain: ”  “Ay gayon din tayo, na marami, ay iisang katawan kay Cristo, at mga sangkap na sama-sama sa isa’t isa. “  

Colosas 1:18, 24;   “at  siya   ang   ulo   ng   katawan,   samakatuwid   baga’y   ng  Iglesia na  siya  ang  pasimula,  ang  panganay  sa mga patay;  upang  sa lahat ng mgabagay, ay magkaroon siya ng kadakilaan. “Ngayo’y nagagalak ako sa aking hirap dahil sa inyo, at aking pinupunan sa akin ang kakulangan ng mga hirap ni Cristo sa aking laman dahil sa kaniyang katawan na siyang Iglesia.”   

Roma 16:16  “Mangagbatian kayo ng banal na halik. Binabati kayo ng lahat ng mga Iglesia ni Cristo.”

      Kaya sa tanggapin man o hindi ng tao ay ito ang katotohanan na ang Iglesia ay lubhang mahalaga, sapagka’t  sa  pamamagitan  lamang ng Iglesia ni Cristo  tutuparin  ng  Ama ang kaniyang mga panukala na nakasulat sa Biblia, sapagka’t ito ang payo na magtatatag sa panukala na kung wala ito ay magugulo ang plano ng Diyos.

    Ngunit ano ba ng isa sa mga panukala ng Diyos na kaniyang gagawin, na kinakailangan   pa   ang   Iglesia   ni   Cristo   upang   ito   ay maisakatuparan? Sa kasunod na talata ng kahalalan ng kapatid na Felix Y. Manalo ay inihayag ang ukol ditto  sa  Isaias 46:12 – 13  ” Inyong dinggin ako,  ninyong may mapagmatigas na loob; na malayo sa katuwiran: ” “Aking inilalapit ang aking katuwiran, hindi maglalaon at ang aking pagliligtas ay hindi magluluwat: at aking ilalagay ang kaligtasan sa Sion na ukol sa Israel na aking kaluwalhatian. “

         Samakatuwid ay mahalaga ang Iglesia ni Cristo sapagka’t sa pamamagitan nito ilalapit ng Diyos ang kaniyang katuwiran at hindi maglalaon ay darating ang kaniyang pagliligtas. Ngunit alin ba itong katuwiran na ilalapit ng Diyos sa Iglesia ni Cristo?  Sa  Aklat ng mga Awit ay mababasa natin ang kasagutan sa 119:172, 142 160 ay ganito ang banggit:

 Awit 119

172 – Awitin ng aking dila ang iyong salita; sapagka’t lahat ng mga utos mo ay katwiran.

142 – ang katwiran mo ay walang hanggang katuwiran at ang kautusan mo’y katotohanan.

160 – Ang kabuoan ng iyong salita ay katotohanan;  At bawa’t  isa  ng  iyong  Matutuwid    na kahatulan ay magpakailan man.

               Samakatuwid  ang  katuwiran  na ilalapit  sa Iglesia ni Cristo ay ang Kabuuan ng mga salita ng Panginoon, ang katotohanan na kinabibilangan ng kaniyang mga kautusan,  at  ito  ay masusumpungan natin sa kaniyang  aklat Isaias 34:16   “ Inyong  saliksikin   sa   aklat   ng  Panginoon,  at  inyong  basahin:  kahit isa sa mga ito  ay  hindi magkukulang, walang mangangailangan ng  kaniyang kasama;  sapagka’t  iniutos  ng aking  bibig,  at  pinisan  sila ng kaniyang  espiritu. “  na siyang banal na kasulatan. Dito ay dapat na maunawaan natin na ang lahat ng mga  nakasulat  sa  Biblia  ay ang katuwiran  na ilalapit sa Iglesia ni Cristo  kaya  hindi  maaaring mayroon kahit  isa na nakasulat na hindi  alam  ng  Iglesia  ni  Cristo   sapagka’t   hindi   ito  ang katuparan ng panukala ng  Diyos, sapagkat ayon  mismo  sa   Panginoong  Jesus  ay kinakailangang  matupad  ang lahat ng mga  bagay na nasusulat,   Lucas 24:44   “at  sinabi  niya  sa kanila,  ito  ang  aking  mga  salitang  sinabi  ko sa inyo,   nang  ako’y sumasa inyo pa,  na kinakailangang  matupad  ang lahat ng mga bagay  na nangasusulat tungkol  sa akin  sa kautusan  ni Moises,  at sa mga propeta,  at sa mga awit.” ,  wala kahit isa na hindi dapat matupad.

Ang pinakamalaking katanungan ngayon para sa ating mga kaanib sa Iglesia ni Cristo ay kung alam na ba natin ang lahat ng mga kautusan ng Diyos,  ang kabuuan ng kaniyang mga salita, ang katotohanan, ang lahat ng mga bagay na dapat matupad? Ngayong wala na ang ibong mandadagit sapagkat matagal na siyang pinagpahinga ng Ama dahil naganap na niya Ang kaniyang katungkulan, ang itatag na muli ang Iglesia ni Cristo. Sino ngayon  ang  dapat  nating  pakinggan? Sa  Aklat ng  mga Gawa 3:22 ay ganito ang banggit   “Tunay na sinabi ni Moises, Ang Panginoong Dios ay magtitindig  sa  inyo  ng  isang  propetang gaya ko mula sa gitna ng inyong mga kapatid; siya ang inyong pakinggan sa lahat ng mga bagay  na sa inyo’y sasalitain niya.”  

Kung gayon ay mayroong Propetang kagaya ni Moises na ititindig o itatayo sa gitna nating magkakapatid o sa gitna ng Iglesia ni Cristo na siya nating  dapat na pakinggan sa lahat ng mga bagay  na  sasalitain  niya sa atin.

Bakit siya ang dapat nating pakinggan, ano ba ng ang mga sasalitain niya sa atin? Ganito ang mababasa natin sa Aklat ng Deuteronomio 18:18, 19  “Aking palilitawin sa kanila ang isang propeta sa gitna ng kanilang kapatid, na gaya mo; at aking ilalagay ang aking mga salita sa bibig niya, at kaniyang sasalitain sa kanila ang lahat ng aking inutos sa kaniya.”   “ At mangyayari, ang sinomang hindi makikinig sa aking mga salita na kaniyang sasalitain sa aking pangalan, ay aking sisiyasatin yaon sa kaniya..”

Ayon mismo sa Panginoong Diyos, ay ilalagay niya ang kaniyang mga salita  sa  bibig  ng Propetang ititindig niya  sa gitna ng Iglesia  ni Cristo, upang siyang magsalita ng  lahat  ng  kaniyang mga salita at  kautusan sa atin, ito ang katuparan ng kaniyang panukala na paglalapit ng katwiran, sapagkat nasa Propetang  ito  ang katwiran na ilalapit sa atin.   Kaya nga kung nais nating malaman at maunawaan  ang mga katwiran ng Diyos ay hindi natin maiiwasan na hanapin at alamin kung sino itong Propetang itinindig sa gitna nating magkakapatid. Ito ang tunay na dahilan kaya kinasangkapan ng Diyos ang kapatid na Felix Y. Manalo, upang maitatag ang Iglesia ni Cristo,  sapagkat  sa  gitna nito magmumula o ititindig ang Propetang kagaya ni Moises. Kung wala ang Iglesia ni Cristo ay hindi matutupad ang panukalang ito ng Diyos, sapagka’t walang panggagalingan ito, kaya nga ang banggit ay, kung walang payo ay magugulo ang panukala (Kawikaan 15:22)  

Marami ang naniniwala at nagsasabi na ang Panginoong Jesus ang kinatuparan ng hulang ito, subalit nakatitiyak tayong hindi maaaring siya ang tinutukoy dito  sapagka’t  una  ay wala pang Iglesia ni Cristo ng isugo  siya at siya pa nga ang nagtatag ng Iglesia ni Cristo at ikalawa ay siya ang pinuksa  (pinatay)  ng mga hudyong ayaw makinig  sa kaniya gayong ang nakasulat sa Gawa 3:23 “At mangyayari, na ang bawat kaluluwa na hindi makinig sa Propetang yaon ay pupuksaing lubos mula sa gitna  ng bayan.”  Salungat ito sa naganap sa buhay ng Panginoong Jesus kaya nakatitiyak tayo na hindi siya ang kinatuparan ng Propetang gaya ni Moises.

Ito ngayon ang dapat  nating alamin,  sino ba ang Propetang ito at  ano pa ang kaniyang gampanin? Ganito ang kasagutan sa Lucas 1:76,77 “Oo at ikaw, sanggol,  tatawagin  kang  Propeta  ng  Kataas-taasan;  sapagka’t magpapauna ka sa unahan ng mukha ng Panginoon, upang ihanda ang kaniyang    mga daan.” “Upang  maipakilala  ang kaligtasan  sa kaniyang  bayan, sa  pagkapatawad  ng  kanilang  mga kasalanan.”

Samakatuwid ay ito rin ang  magpapakilala ng kaligtasan sa bayan o sa Iglesia ni Cristo, sa  pamamagitan  ng paghahanda ng daan ng Panginoon  (Awit 67:2)  “ upang ang iyong daan ay maalaman  sa lupa, ang iyong pangligtas na kagalingan sa lahat ng mga bansa.” Alin itong daan na ipinakilala niya ang pangligtas sa mga bansa? Ganito ang sagot ni Haring Nabucodonosor sa Aklat ni   Propeta  Daniel  sa  4:37  “Ngayon  akong  si Nabucodonosor ay pumupuri, at nagbubunyi,  at nagpaparangal  sa Hari  ng langit; sapagka’t  ang  lahat  niyang  gawa  ay  katotohanan,  at  ang  kaniyang  mga daan ay kahatulan, at yaong nagsisilakad sa kapalaluan ay kaniyang mapabababa.”  

Ngayon,  paano  ipaghahanda   nitong  Propeta  ng Kataas – taasan ang  Panginoon ng  daan  na  siyang kahatulan?  Lucas 1:17   At siya’y lalakad sa unahan ng kaniyang mukha na may espiritu at kapangyarihan ni Elias, upang papagbaliking-loob ang mga puso ng mga ama sa mga anak, at ang mga suwail ay magsilakad sa karunungan ng mga matuwid, upang ipaglaan ang Panginoon ng isang bayang nahahanda.

Marami ang nagkamali ng kanilang patotohanan na si Juan Bautista ang tinutukoy na Propeta ng Kataas-taasan na magtataglay ng Espiritu at kapangyarihan ni Elias, sapagka’ hindi gayon ang patotoo mismo ni Juan Bautista sa kaniyang sarili.  “At ito ang patotoo ni Juan,  nang suguin  sa  kaniya ng mga Judio mula sa Jerusalem  ang  mga  saserdote  at  mga Levita upang sa  kaniya’y itanong, Sino ka baga?  At kaniyang ipinahayag, at hindi ikinaila; at  kaniyang ipinahayag, Hindi ako ang Cristo.”  “ At sa kaniya’y kanilang itinanong,  Kung gayo’y ano nga?  Ikaw baga’y si Elias?  At sinabi niya, Hindi ako.  Ikaw baga ang propeta?  At siya’y sumagot, Hindi.  Juan (1:19-21) 

Marami  ang  hindi  nakaaalam  nito at nabibilang tayo sa mga ito, subalit  ngayon  ay unti – unti  nating  nauunawaan  ang  mga  katotohanan, Sapagka’t  naitindig na ang propetang magsasaysay sa atin ng mga    katotohanan at kalooban ng Diyos.

Ngunit,  papaano  ba  ipakikilala  ng  propetang ito ang daan ng Panginoon ang kahatulan na siyang kaligtasan ng bayan?  Ganito ang pahayag ng Panginoon kay Propeta Isaias sa 42:1 “Narito, ang aking lingkod, na aking inaalalayan; ang aking hinirang, na kinalulugdan ng aking kaluluwa; isinasakaniya ko ang aking Espiritu; siya’y maglalapat ng kahatulan sa mga bansa“

Ito  ang  lalong nagpapatunay na hindi si Juan  Bautista ang tinutukoy na Propetang maghahanda ng daan ng Panginoon at magpapakilala ng kahatulan, sapagka’t kailan man ay hindi niya nagawa ang paglalapat ng kahatulan sa mga bansa na siyang pangunahing gampanin ng Propetang ititindig   sa gitna ng Iglesia ni Cristo, ang  lingkod  na  hinirang  ang  magtataglay ng Espiritu ng Panginoon, kung gayon ay sino ito, papaano ba siya ipinakilala ng Panginoong Jesus? Juan 5:27, 22  “At binigyan niya siya ng  kapamahalaang  makahatol,  sapagka’t   siya’y  anak ng tao”  ”Sapagka’t  ang  Ama’y hindi humahatol sa kanino mang tao, kundi ipinagkaloob niya sa Anak ang buong paghatol;”    

Hindi ba’t ang kaniyang sarili ang tinutukoy ng Panginoong Jesus sa pagtuturo niyang ito? Ano ba ng paglilinaw niya ukol dito? Malinaw ang pahayag at pagtuturo ng Panginoong Jesus na hindi siya naparito  upang  humatol, kundi mayroon  siyang  itinuturong  isang  hahatol  sa huling  araw, ang salitang kaniyang sinalita, ang Anak ng tao na kinakailangang  maitaas  muna,  bago  natin makilala na ang Panginoong Jesus nga ang Cristo (Juan 8:28 “ Sinabi  nga ni Jesus,  kung maitaas na ninyo ang Anak ng tao, saka ninyo makikilala na ako nga ang Cristo, at wala  akong ginagawa sa aking sarili, kundi sinalita ko ang mga bagay na ito, ayon sa itinuro sa akin ng Ama. ”  )

Napakalinaw  ng mga katotohanang ito subalit nakapagtatakang hindi ito  nauunawaan ng  marami,  at  ang  higit  na nakalulungkot ay hindi ito naituro ng kapatid na Felix Y. Manalo  at maging ng tagapamahala (Eraño G. Manalo) ito ay sa kadahilanang ang pahayag na ito ay hiwaga na natago sa katahimikan  ng  panahong  walang  hanggan  na ngayon lang nahayag (Roma 16:25,26) ” At ngayon sa kaniya na makapangyarihan na sa inyo’y makapagpapatibay ayon sa aking evangelio at sa pangangaral ni Jesucristo, ayon sa pahayag ng hiwaga na natago sa katahimikan nang panahong walang hanggan.” ”Datapuwa’t  nahayag  na  ngayon, at sa pamamagitan ng mga kasulatan ng mga propeta, ayon  sa  ipinagutos ng  Diyos na walang hanggan, ay  ipinakilala sa lahat    ng    mga   bansa   upang    magsitalima   sa   pananampalataya ” ,  sapagkat naisugo   na   ang   Leon    sa   angkan   ng    Juda   na   nagtagumpay   na makapagbubukas ng Aklat (Biblia)  at ng 7 tatak nito

(Apocalipsis 5: 1-5)  ” At nakita ko  sa kanang  kamay niya’ong nakaupo sa luklukan ang isang aklat na may  sulat  sa loob at sa labas,  na tinatakang  mahigpit  ng  pitong  tatak.”  ” At nakakita ako ng isang  malakas  na  anghel na nagtatanyag ng malakas na tinig, Sinong karapatdapat magbukas ng aklat, at magtanggal ng mga tatak nito?” “At sinoman sa langit, o sa ibabaw man ng lupa, o sa ilalim man ng lupa, ay hindi makapagbukas ng aklat, o makatingin man.” “At ako’y umiyak na mainam, sapagka’t hindi nakasumpong ng sinomang marapat magbukas ng  aklat, o   makatingin man:   “At  sinabi sa akin ng isa sa matatanda, Huwag kang umiyak; narito, ang Leon sa angkan ni Juda, ang Ugat ni David,  ay  nagtagumpay  upang  magbukas  ng  aklat at ng pitong tatak nito.,    ito  rin  ang  Anak  ng  tao  na  hahatol, ang Propetang magsasalita   ng   mga kautusan at katotohanan na siyang mga salita ng Panginoon na nakasulat sa Banal na Kasulatan.

Kaya hindi tayo dapat na malungkot kung hindi man naituro ng kapatid  na  Felix Y. Manalo at ng tagapamahala  ang   ukol  dito,  sapagka’t hindi  sila  ang  nakapanukalang   magsasagawa  nito.  Dapat nga  tayong magpasalamat, sapagka’t  ngayon ay  malulubos na ang ating pagkaunawa sa  mga  kalooban  ng  Diyos  at  ngayon  higit  kailanman  ay malalaman at darating, sapagka’t  magugulat tayo sa mga nakatakdang panukala ng Diyos  na magaganap dito sa ating panahon na pawang nakasulat lahat sa Biblia.