MALAKIAS 4:1 ADB [1] SAPAGKA’T, NARITO, ANG ARAW AY DUMARATING, (ang takdang panahon) NA NAGNININGAS NA PARANG HURNO; (nangangahulugan hindi literal na hurno kundi Covid-19 ang nagniningas na lagnat ) AT ANG LAHAT NA PALALO, AT ANG LAHAT NA NAGSISIGAWA NG KASAMAAN (nilahat na ng Panginoong Diyos, kaya huwag mabahala ang gumagawa ng mabuti) AY MAGIGING PARANG DAYAMI, (kaya di literal na dayami na pagtutulad lamang ng Panginoong Diyos sa katangian mayroon ang dayami) AT ANG ARAW (napauukol sa takdang panahon) NA DUMARATING ANG ARAW (sumisimbulo sa naglalagablab na apoy) NA SUSUNOG SA KANILA (na mauuwi sa creamation ang ipinauunawa ng Panginoong Diyos kaya ito ay literal na hurno na o pugon kung saan isasalang ang mga namatay sa Covid-19) SABI NG PANGINOON NG MGA HUKBO (ang Panginoong Diyos na nakikipagdigma sa kanila sa Kaniyang itinuring na mga kaaway) ANOPA’T HINDI MAG-IIWAN SA KANILA NG KAHIT UGAT NI SANGA MAN. (sa pamamagitan ng creamation walang maiiwan na ugat ng katawan o mga buto na tinatawag na sanga ng katawan ng tao kaya matapos sunugin mauuwi sa alabok o abo na lamang) YAN ANG PAGLARAWAN NG PANGINOONG DIYOS NA MULA SA KANIYANG IPINAHAYAG. KAYA NANG JANUARY 01, 2022 NANG MALATHALA ANG BAGONG PAHAYAG MULING IPINADAMA NG PANGINOONG DIYOS ANG KANIYANG GALIT SA MGA PALALO AT GUMAGAWA NG KASAMAAN ANG PAGBUHOS O PAGDAMI MULI NG NAKAPIPINSALANG SAKIT NA MAY PAGPAPAGUNITA LAMANG ANG PANGINOONG DIYOS SA MGA KINAUUKULAN.
Halikayo mga mahal naming kapatid at mga mahal naming mga nagsisiyasat sa mga Katotohanan na inihahayag sa Blog na ito ng Iglesia ni Cristo…Hinirang. Muli namin kayo na inaanyayahan na saglit na manalangin sa ating Panginoong Diyos, para hingin ang Kaniyang Kapahintulutan na maipagkaloob sa inyo ang kaunawaan sa mga Hiwaga ng mga Katotohanan na inihahayag para maging basehan o batayan ng inyo pang lalong ikatataas ng uri ng inyong pananampalataya, bunga ng mga pakikinig at ngayon naman ay bunga ng inyong pagbabasa. Kung naisagawa na ninyong manalangin ay mapalad kayo sapagkat sumasainyo na ang Espiritu ng Panginoong Diyos na yayakap sa inyo para pagharian kayo ng Kaniyang mga Salita ng Hula na maghahatid sa inyo sa ganap na pagkaunawa. Ang palatandaan na kinasihan kayo ng Banal na Espiritu hindi kayo tumututol sa inyong mga nabasa, na naging magaan na magaan ninyong tinanggap ang lahat sapagkat dumating sa inyo ang pagkaunawa.
Ang Corona Virus Disease o Covid-19 wala man derektang mababasa na letra por letra sa Banal na Kasulatan o Biblia subalit ang ating Panginoong Diyos ay may mga Pahayag na paglalarawan na derektang tumutukoy sa tinatawag natin Corona Virus Disease o Covid-19. Ito ang mababasa natin pinag-ugnay na lagnat at peste. Tinawag Niya ito na mapaminsalang sakit na mababasa sa Aklat ng Isaias 10:16.
Mga mahal kong kapatid magta-tatlong buwan pa lang nang namiminsala at kumakalat ang Corona Virus Disease o Covid-19, tinalakay na sa Blog ng Iglesia ni Cristo…Hinirang may petsa na March 16, 2020 na may pamagat na CORONA VIRUS DISEASES “COVID 19” “THE BIG ONE?” NA YUMANIG SA LAHAT NG BANSA MAY PATOTOO SA BIBLIA . . . mula sa isang pahina ng Levitico bersikulo 26 talatang 1 hanggang 46, naipaunawa ang kabuuan kung ano ang sanhi ng pagkakaroon na nauugnay sa Corona Virus Disease o Covid-19.
Mahalaga maging bahagi ng pag-aaral natin ang unawa na dumating sa ibang nag-aaral at nagsasaliksik napauukol sa CoronaVirus Disease o Covid-19. Naglakip ako ng larawan at ng mga ipinapahayag nila dito.
Oo sa larawan na yan ay inaalam natin sa kagawaran ng kalusugan ng gobyerno ng Pilipinas kung ano ang Corona Virus at saan ito nagmula? At sinipi rin natin ang Pangkalahatang-ideya ng Mimir Encyclopedia Tagalog. Gaya ng inyong mababasa sa mga sinipi at larawan na pagmamay-ari nila na kinopya lamang natin upang gawin na batayan ng ating pag-aaral. May pagpapaunawa sila, na atin lamang ipagkukumpara kung umaayon sa ipinapahayag na Katotohanan sa nakasulat sa Banal na Kasulatan o Biblia.
1. Ano ang coronaviruses? Ang coronaviruses ay pamilya ng mga virus na nagdudulot ng iba’t-ibang klaseng sakit, mula sa karaniwang ubo’t sipon hanggang sa mas malulubhang impeksyon tulad ng MERS-Cov at SARS-Cov. Ang coronavirus maaari ring magdulot ng iba’t-ibang sakit sa mga hayop.
3. Saan nagmula ang novel coronavirus (2019-nCoV)? Noong ika-31 ng Disyembre natala ang isang kaso ng pneunomia sa Wuhan China. Napag-alaman kamakailan lamang na ang mga kaso ay dulot pala ng isang uri ng hindi pa kilalang coronavirus. Ang coronavirus na ito ay karaniwan sa hayop lamang natatagpuan, at hindi pa sa mga tao noon. – Department of Health
PANGKALAHATANG-IDEYA
Ang isang peste ay isang pinsala sa halaman o hayop sa mga tao o sa mga tao na may kinalaman sa mga pananim, hayop, at panggugubat. Ang termino ay ginagamit din sa mga organismo na nagdudulot ng panggulo, tulad ng sa bahay. Ang mas matandang paggamit ay isang nakamamatay na epidemic disease, partikular na salot. Sa pinakamalawak na kahulugan nito, ang isang peste ay isang katunggali ng sangkatauhan. – Mimir Encyclopedia Tagalog
Napakahalaga ng mga siniping kaalaman na naibahagi nila sa kanilang pag-aaral at pagsasaliksik na rin sapagkat sa Banal na Katwiran ng ating Panginoong Diyos ang mga unawa nila ay umaayon sa Katotohanan mababasa natin sa Banal na Kasulatan o Biblia.
SA ESPIRITUAL NA PAGPAPAUNAWA SA CORONA VIRUS DISEASE O COVID-19 AY DITO SA BLOG NG IGLESIA NI CRISTO… HINIRANG LAMANG NAIPAUNAWA ANG HIGIT NA KAUGNAYAN SA PAHAYAG MISMO NG ATING PANGINOONG DIYOS NA LAGNAT (CORONA) AT PESTE (VIRUS). ITO AY MULA SA KARUNUNGAN NG ATING PANGINOONG DIYOS NA DI NIYA IPINAHINTULOT NA MAUNAWAAN NG IBA.
Levitico 26:16 MB [16] bigla kong paghahariin sa inyo ang takot; darating sa inyo ang lagnat at peste, manlalabo ang inyong paningin, at hindi kayo makakakain. Hindi ninyo pakikinabangan ang inyong mga tanim, pagkat kakainin ng inyong mga kaaway.
Muli natin himayhimayin na maipaliwanag ang mga talata ..
[ bigla kong paghahariin sa inyo ang takot; ] ang Panginoong Diyos ang mismo ang gagawa. ito ang nararamdaman ng mga kinakapitan ng sakit na nakapipinsala… [ darating sa inyo ang lagnat at peste. ] Nang ipahayag ng ating Panginoong Diyos ang salitang “darating sa inyo” ito ay salita na ipinauunawa Niya na Kaniyang papangyayarihin pa lamang ayon sa Kaniyang Kalooban sa itinakda Niya na araw o panahon. Ang lagnat at peste na darating kung iaayon sa ating panahon ay ito ang Corona Virus Disease o Covid-19. Hindi pangkaraniwang lagnat lamang dahil may salitang iniuugnay at ito ang salitang peste. Oo, ang lagnat at peste na ginamitan ng salitang “at” bilang pang-ugnay. Ang lagnat at peste na ipinauunawa ng Panginoong Diyos bagamat maraming nakauunawa na sa ulo ito nagsisimula. Ngunit ang talagang pinakadahilan kung bakit sa ulo nagsisimula ay may iba pang pagpapaunawa na ngayon lamang darating sa lahat ang Kaalaman na ito ng ating Panginoong Diyos na ipinaunawa Niya kay Elias Arkanghel Jesu-Cristo. Kung bakit sa parte ng ulo nagsisimula? Ito ay parang Corona na Kaniyang ipinuputong at ang peste ay ito ang virus na nagmula sa mga hayop na naging pinsala sa kalusugan ng mga tao. Kaya sa dumating na pagkaunawa sa mga nag-aaral at nagsasaliksik sa pang-agham nilang kaalaman sa Medisina ay isang nakamamatay na epidemic disease, na itinuturing nila na partikular na salot na tinawag nila na Corona Virus Disease o Covid-19 ang nakapipinsalang sakit.
[ manlalabo ang inyong paningin, at hindi kayo makakakain. ] At ganun nga ang nangyayari sa kasalukuyan manlalabo ang inyong paningin o manlalabo na ang mga pag-asang natatanaw ng mga mahihina ang loob na sila ay mabubuhay pa. Kaya hindi na magawa pa na makakain. Kaya kapag dinaig ng kahinaan ng loob nauuwi na sa kanilang maagang kamatayan. [ Hindi ninyo pakikinabangan ang inyong mga tanim, ] mga tanim o mga pinagpagalan na kabuhayan, [ pagkat kakainin ng inyong mga kaaway ] ang mga pinagkakaitan nila na itinuturing nila na kaaway ay sa kanila rin maiiwang lahat ng kanilang pinagpagalan pagkamatay nila.
NAKARAAN: JANUARY 01, 2022 ANG MALAKIAS 4:4-6 ANG NAILATHALA
Malakias 4 :4-6 ADB [4] Alalahanin ninyo ang kautusan ni Moises na aking lingkod na aking iniutos sa kaniya sa Horeb para sa buong Israel, sa makatuwid baga’y ang mga palatuntunan at mga kahatulan. [5] Narito, aking susuguin sa inyo si Elias na propeta bago dumating ang dakila at kakilakilabot na kaarawan ng Panginoon. [6] At kaniyang papagbabaliking-loob ang puso ng mga ama sa mga anak, at ang puso ng mga anak sa kanilang mga magulang; baka ako’y dumating at saktan ko ang lupa ng sumpa.
NGAYON: JANUARY 30, 2022 ANG MALAKIAS 4:1-3 NAMAN
Malakias 4 1-3 ADB [1] Sapagka’t, narito, ang araw ay dumarating, na nagniningas na parang hurno; at ang lahat na palalo, at ang lahat na nagsisigawa ng kasamaan ay magiging parang dayami, at ang araw na dumarating ay susunog sa kanila, sabi ng Panginoon ng mga hukbo, na anopa’t hindi magiiwan sa kanila ng kahit ugat ni sanga man. [2] Nguni’t sa inyo na nangatatakot sa aking pangalan ay sisikat ang araw ng katuwiran na may kagalingan sa kaniyang mga pakpak; at kayo’y magsisilabas, at magsisiluksong parang guya mula sa silungan. [3] At inyong yayapakan ang masasama; sapagka’t sila’y magiging abo sa ilalim ng mga talampakan ng inyong mga paa sa kaarawan na aking gawin, sabi ng Panginoon ng mga hukbo.
Sa mga pangyayari hindi mapapanatag ang Pamamahala ng Iglesia sa mga kasalukuyang nagaganap sa kapaligiran bunsod na rin ng mga pagdaing ng mga kapatid sa kaniya na sila ay matulungan dahil ang mga mahal nila sa buhay ay kinapitan ng sakit na nakamamatay na Corona Virus Disease o Covid-19. Sa kagustuhan din niya na maipagmalasakit ang mga kapatid sa kabuuan ng Iglesia ay wala siyang magagawa para maisalba ang mga buhay nila sa kinakaharap na malaking pagsubok din ng Iglesia sa pandaigdigang suliranin ng buong mundo sa patuloy na pamiminsala ng Covid-19 na may iba’t-ibang variants pa na natutuklasan na lalong ikinababahala ng mga tao. Sapagkat kapag mayroong bagong variants ay lalong tumitindi at may ibang kakayahan na agad-agad makapaminsala ng buhay ng mga tao
Sumasabay pa ang tumitinding mga kahirapan, iba’t-ibang mga kalamidad, mga trahedya na bigla-bigla na lamang nangyayari sa hindi inaasahang pagkakataon na hindi na magawang makapag-alarma pa ng mga kinauukulan para makapaghatid ng mga paunang balita para ang mga tao ay makapaghanda-handa na muna. Hindi lingid sa kabatiran ng Pamamahala ng Iglesia ang mga kasindak-sindak na mga laman ng kasalukuyang balita ng mga kaganapan sa araw-araw. Ngunit higit niyang sinusubaybayan ang kalagayan ng mga kapatid sa mga apektadong lugar na kumakalap siya ng mga impormasyon sa mga Distrito na mga apektadong dako kung saan may mga dako ng Pagsamba. Batid niya matatag ang pananampalataya ng mga kapatid sa Iglesia ni Cristo ngunit hindi ang mga kabuhayan nito na pawang mahihirap lamang ang mga miyembro. Ngunit batid din niya na aasa at maghihintay ang mga kapatid sa Iglesia sa tulong na maiaabot nila mula sa Central na pinakatanggapan ng Iglesia ni Cristo na nasa Lungsod ng Quezon City. Dahil diyan hinihingi na lamang niya ang agarang pagkilos at partisipasyon ng mga Maytungkulin sa mga kakapatid sa buong mundo kung ano lang ang kaya nilang maibahagi para Lingapin ang mga kakapatid sa Iglesia at kasamang lingapin na rin ang ating mga kapwa na dumanas rin sa kasalukuyan ng kakapusan ng kanilang maiinom at makakain, dahil sa kalupitan ng bagyong Odette na napakaraming pininsala na mga lalawigan na dinaanan nito sa kalupaan ng bansang Pilipinas kamakailan.
Tulad ng naipaunawa na sa nakaraang Bagong Pahayag na nalathala nito lamang January 01, 2022, ay nakasentro ang buong pag-aaral sa Malakias 4:4-6. At kasamang naipaunawa rin doon ang halos kabuuan ng Malakias bersikulo 3 talatang 1 hanggang 18. Ngayon naman ay Malakias 4:1-3 ang pinaka-sentro ng ating pag-aaralan para maipaunawa ng lubos ang huling pahina ng aklat ni Propeta Malakias. Kaya susog na lamang ito para maipaliwanag ang kabuuan ng Malakias 4 na may anim na talata.
Ang pinag-aaralan natin na ipinauunawa sa inyo sa nakaraan ang napauukol sa Malakias 4: 4-6 na ang panahon tinatalakay ay ang araw na bago dumating ang dakila at kakilakilabot na kaarawan ng Panginoon. ‘Yan ang tuwirang pinatutungkulan na; ang araw ay dumarating. Walang eksaktong petsa o taon na binabanggit. Kaya para matiyak natin at matukoy ang araw na pinatutungkulan ay pagbabatayan natin ang mga kaganapan na inilalahad at inilalarawan ng ating Panginoong Diyos sa mga talata ng Biblia na ating patuloy na mababasa pa rin sa aklat ni Malakias. Ngunit kung sa nakaraan ay ang Aklat ng Malakias sa bersikulo 4, talatang 4 hanggang 6. Ngayon naman ang Malakias bersikulo 4, talatang 1 naman hanggang 3.
Malakias 4 [1] [ Sapagka’t, narito, ang araw ay dumarating, na nagniningas na parang hurno; ] ito ang araw na itinakda ng ating Panginoong Diyos ng paglalagay Niya ng sumpa sa sandaigdigan na ang Corona Virus Disease o Covid-19 ang tuwirang pinatutungkulan. Ang indibidwal na tao na nakararanas nito ay parang nasa hurno, na ang init na nararamdaman ay parang nagniningas sa kaloob-looban ng kaniyang katawan. Nakakaalarma ang Katotohanang ito na nalingid sa kaalaman ng maraming tao na hindi mapaghahandaan na ito ay nalingid din sa pagkaunawa ng mga kinauukulan na mga Tagapagturo ng Kautusan na nasa Central. Oo, hindi nila ito naituturo ayon sa talagang pinaka-pakahulugan nito na katulad ng ipinauunawa ngayon ng ating Panginoong Diyos. Palibhasa hindi pa ang takdang araw o takdang panahon kung kaya inilingid pa ng ating Panginoong Diyos sa lahat ng mga Tagapagturo at sa lahat ng nangangaral gamit ang Banal na Kasulatan o Biblia. Hiwaga ang mga Katotohanan nakapaloob sa mga talatang ito Palibhasa ito na ang takdang araw o takdang panahon sa yugto ng ating panahon kung kaya napapanahon na, na maipaunawa ng Banal na Espiritu na isinusugo ng ating Panginoong Diyos sa Kaniyang Napahihintulutan ang Hiwagang napapaloob sa Malakias 4:1. Mga mahal kong kapatid, huwag na huwag ninyong iisipin na ang araw na pinatutungkulan ay Araw ng Paghuhukom; ito ay sa panig ng mga agad-agad na nagbibigay ng sariling unawa o kungklusyon; lalo na nga nakabasa lang ng nagniningas na hurno ay dagat-dagatang-apoy na ang pagkaunawang iniisip. Alalahanin ninyo ang aklat ng Malakias bersikulo 4 ang ating pinag-aaralan hindi ang ibang talatang nauugnay rin sa hurno na ipinatutungkol sa paghuhukom. Ang Malakias ay mga Hula ng Salita ng ating Panginoong Diyos na napauukol sa Israel na lilitaw sa takdang araw o takdang panahon pa lamang na ito na nga ang panahon na pinatutungkulan kaalinsabay na may mga naganap na kaguluhan sa Central, kaalinsabay ng paglitaw ng Elias na Propeta, kaalinsabay sa paglitaw ng nakapipinsalang sakit na Corona Virus Disease. Ang hindi na lamang natutupad ang pagtanggap at pagkakilala sa Elias na Propeta, ang Pagdating ng ating Panginoong Diyos sa Templo na hindi literal kundi nakalukob ang Kaniyang Espiritu sa Mensahera ng PANGINOON na Siya mismo na ating Panginoong Diyos ang derektang mangungusap sa kinauukulan na nasa Templo Central. Kasama ng ating Panginoong Diyos ang pinakahihintay ninyo na Sugo na darating sa Templo na literal na may kumakatawan na nasa katauhan ng Elias na Propeta. Oo, Siya Ang inyong Panginoong Jesu-Cristo … Sa mga susunod na Pahayag ay ipauunawanang ganap sa lahat. Kayong lahat ay mamamangha sa Katotohanan na maihahayag sa inyo.
[ at ang lahat na palalo, at ang lahat na nagsisigawa ng kasamaan ay magiging parang dayami, ] Ano ang paglalarawan ng ating Panginoong Diyos sa palalo? Sa Banal na Kasulatan o Biblia may pagpapakilala sa kanila. Sino o ano ang katangian o ugali na mayroon ang isang palalo? Makabubuti ba ito sa kanila sa harap ng ating Panginoong Diyos?
Mga Kawikaan1 5:12 MBB [12] Ayaw mapagsasabihan ang mga palalo, at sa matatalino’y di hihingi ng payo.
Mga Kawikaan 21:24 MBB [24] Ang taong makasarili ay palalo at mapang-api.
Mga Kawikaan 30:13 MBB [13] May mga taong masyadong palalo, ang akala nila’y kung sino na sila.
Isaias 10:33 MBB [33] Masdan ninyo si Yahweh, ang Makapangyarihang Panginoon! Sa pamamagitan ng nakapangingilabot na lakas, ibubuwal Niya ang pinakamataas na puno. Ibinabagsak Niya ang mga palalo.
Ang palalo anya ay ayaw na mapagsasabihan; ni kahit humingi ng pagpapayo sa iba o sa matatalino ay hindi niya ito gagawin. Sapagkat ayaw niya na may hihigit sa kaniya. Ang unawa ng palalo sa kaniyang sarili ay siya ang magaling at mas matalino sa lahat. Yan ang inaakala niya sa kaniyang sarili na napakatayog niya, kasi nga palalo. Akala mo kung sino siya na may ugaling mapang-api, na may ugaling mapanghamak at mapanghusga. Hindi bababa sa kinalalagyan, sobrang napakataas talaga ng pagkilala sa sarili.
[ at ang lahat na nagsisigawa ng kasamaan ay magiging parang dayami. ] Bakit parang dayami ang pagtutulad ng ating Panginoong Diyos sa kanilang mga palalo at sa lahat ng nagsisigawa ng kasamaan? Sapagkat may katangian ang dayami na maihahalintulad sa mga palalo na may masamang katangian. Pansinin ninyo ang dayami sa pinakamatatag na bahagi ng kaniyang kalagayan na kung pagmasdan sa matikas nito na tindig, na di napatitinag sa malalakas na hangin na sa kaniya ay humahampas: na kung sa paglalarawan sa tao ay mapagmalaki, ubod ng yabang, palalo na kahit dumating ang hampas ng buhay di niya iniisip na siya ay kayang pabagsakin nito. Ipinapalagay niya na siya ay matalino na di nangangailangan ng suporta ng iba. Kung sa dayami di kailangan ang anumang pataba, mabubuhay ng sagana; na kung sa tao ay di kailangan ang pagpapayo ng iba, kayang-kaya niyang mabuhay sa sarili niyang pamamaraan. Iyan ang kaisipan ng palalo na masama. Iyan ang kaniyang paniniwala sapagkat siya nga ay nagyayabang dahil sa mariwasa niyang kalagayan sa buhay: katumbas sa kalagayan ng dayami na mayabong sa katabaan sa dami ng malaberde nitong kulay. Ang dayami kapag napadaan ka sa lugar niya ay kaya kang sugatan at saktan sa katawan sa matatalim nitong mga hibla ng dahon. Kung sa tao ay katumbas na kaya niyang saktan ang damdamin mo sa matatalim niyang mga pananalita sa sariling kaalaman hindi patatalo. Parehong taglay ng palalo na nakaririwasa at palalo na di man mayaman ngunit kapwa palalo at hambog ang kaisipan taglay nila na kapag pinagharap mo kapwa di patatalo sa isa’t-isa.
Ngunit sa isang iglap aalisin siya o sila ng ating Panginoong Diyos sa gayung kalagayan. Kakapitan sila ng sakit na nakapipinsala. Mapag-uunawa nila na tinatakasan na sila ng lakas mabilis silang pinanghihina. Damang-dama nila sa sa kaloob-looban ng kanilang katawan ang sobrang init na parang nakasalang sila sa hurnohan o sa nagbabagang pugon sa waring nagliliyab nilang pakiramdam, sanhi ng Corona Virus Disease o ng Covid-19 na nakamamatay. Kaya naman,
Job 33:20 MB [20] Ang taong maysakit ay walang panlasa, Masarap man ang pagkain ay wala ring gana.
Sa panahong sila ay nag-iisa pinagugunita sa kanila ng ating Panginoong Diyos ang buhay nila sa nakaraan. Sa taas ng lagnat na nararamdaman niyayanig ang buo nilang katawan. Sa kagustuhan ng ating Panginoong Diyos na malikhaan pa sila ng banal na takot, magsisi at piliin pang mabuhay na maging mabuti. Ngunit ayaw nila! Kaya naman, ang dating malusog na katawan ilang araw lang ay biglang bumagsak, pumayat, nanghina, hanggang sumuko o bumigay na ang katawan na parang dayami na nalanta na natuyo o namatay. Kaya mayaman man o mahirap ang kalagayan subalit sa Corona Virus Disease siya o sila namatay. Hanggang ilagay na sa literal na hurno o pugon na naglalagablab sa apoy hanggang ang waiiwan ang kaniyang abo na lamang.
Ang totoo ang mga pagsaway ng ating Panginoong Diyos sa mga tao, na waring isinusumpa ka Niya, yaon ay sa kagustuhan lamang Niya na malikhaan man lang sila ng Banal na Takot. Sa gayun, mapigilan Niya ang tao sa patuloy na paggawa ng masama. Kaya nga sa Kaniyang mga kinakasangkapan nagpapahayag ang ating Panginoong na waring Siya ang nangungusap. Nababasa nila at naririnig nila ang bigat ng Kaniyang pagtutuwid. Subalit naibabaling nila ang kanilang galit sa kinakasangkapan dahil sa inaakala nila na sa kaniya lamang nagmumula ang kaniyang mga ipinahahayag na pagtutuwid, pagtutuwid na ayaw na ayaw nilang naririnig sapagkat labis na nasasaktan ang kanilang mga kalooban.
Job 33:14-22 ASND [14] Ang totoo, palaging[a] nagsasalita ang Dios, kaya lang hindi nakikinig ang mga tao. [15] Nagsasalita siya sa pamamagitan ng panaginip o ng pangitain habang ang taoʼy natutulog ng mahimbing sa gabi. [16] Bumubulong siya sa mga tainga nila para magbigay ng babala, at ito ang nakapagpatakot sa kanila. [17] Ginagawa niya ito para pigilan sila sa paggawa ng kasalanan at pagmamataas, [18] at para mailigtas sila sa kamatayan. [19] Kung minsan naman, itinutuwid ng Dios ang tao sa pamamagitan ng sakit tulad ng walang tigil na pananakit ng buto, [20] at nawawalan siya ng ganang kainin kahit na ang pinakamasasarap na pagkain. [21] Kaya pumapayat siya, at nagiging butoʼt balat na lamang. [22] Malapit na siyang mamatay at mapunta sa lugar ng mga patay.
Sa mga Bagong Pahayag palaging nagsasalita ang ating Panginoong Diyos. Siya ay parating nagpapaunawa sa mga Hiwagang napapaloob sa mga talata. Hindi Niya ipinagkaloob sa mga kinauukulan na nasa Central ang lubusang makaunawa patungkol sa mga Hiwagang napapaloob sa mga talata. Kaya naman, hindi nila namamalayan, bahagi na pala ng Propesiya ay sila na pala ang tiyak na Kaniyang pinaaalalahanan para tigilan ang paggawa ng hindi naaayon sa Kaniyang Kalooban. Lamang, sa kabila ng lahat ay hindi pa rin nila pinakikinggan ang ating Panginoong Diyos. Kaya sa kagustuhan Niya na sila ay maituwid ang pagkakasakit ang tanging paraan Niya para maalaala naman nila na magsisi at piliin na ang mabuhay na mabuti.
Ezekiel 18:23 ASND [23] Ako, ang Panginoong Dios ay hindi natutuwa kapag namamatay ang masama. Masaya ako kapag nagsisi siya at patuloy na mabuhay.
PinakaMakatwiran ang ating Panginoong Diyos sa lahat, ang katunayan nga, ayaw Niya na mamatay ang masama. Dahil ang gusto Niya ay magsisi at patuloy na mabuhay. Eh, di lalo na ang mga hindi masama na nagkaroon ng Covid-19 ay mas hahangarin Niya na sila ang lalo pang mabuhay manatili na maging mabuti. Dahil ang gusto nga ng ating Panginoong Diyos ang lahat ng tao ay mangaligtas. Kaya laging nagmamalasakit ang ating Panginong Diyos, na laging nagbibigay ng pagkakataon sa lahat na magbago. Kaniyang pinahahanay ang mga pagtutuwid sa pamamagitan ng mga Pauna Niyang Pahayag na nalathala sa Blog ng Iglesia ni Cristo…Hinirang. Piliin ninyong lahat ang maging mabuti, yan ang pinaka-ibig ng ating Panginoong Diyos na inyong gawin. Subalit nakalulungkot pinili na ng iba ang kanilang magiging kapalaran. Dinidigma na nila ang mga Banal na Katwiran ng ating Panginoong Diyos.
Isaias 10:16 MBBTAG [16] Kaya nga padadalhan ni Yahweh, ang Makapangyarihang Panginoon, ng mapaminsalang sakit ang magigiting niyang mandirigma, at sa ilalim ng kanilang mga kasuotan, mag-aapoy sa init ang kanilang katawan, parang sigang maglalagablab nang walang katapusan.
Sapat na maunawaan ninyo na di pangkaraniwang sakit ang ipadadala ng ating PinakaMakapangyarihang Panginoong Diyos. Tinawag Niya itong mapaminsalang sakit; sa ilalim ng kanilang mga kasuotan, mag-aapoy sa init ang kanilang katawan, parang sigang maglalagablab nang walang katapusan. Covid-19 nga ang pinatutungkulan na mapaminsalang sakit; na kung mag-aapoy sa init ang kanilang katawan, parang sigang maglalagablab nang walang katapusan ay labis nga itong magpapahirap sa kanila na kung hindi na kakayanin, at sumusuko na ang kanilang katawan ay mauuwi na nga siya sa kaniyang tiyak na kamatayan.
ANO ANG IPINAUUNAWA NG ATING PANGINOONG DIYOS NA GAGAWIN SA MGA NAMATAY SA CORONA VIRUS DISEASE O COVID-19? SILA BA AY ILILIBING O SILA BA AY SUSUNUGIN? MATANGGAP KAYA NG IBA ANG KATOTOHANANG ITO O IPANGANGATWIRAN PA?
[at ang araw na dumarating ay susunog sa kanila, sabi ng Panginoon ng mga hukbo, na anopa’t hindi magiiwan sa kanila ng kahit ugat ni sanga man.] Sa paglalarawan ng ating Panginoong Diyos na hindi mag-iiwan sa namatay ng kahit ugat ni sanga man ay ito nga ang pamamaraan ng creamation. Creamation na susunog sa mga ugat ng mga himaymay ng laman at mga sanga na mga buto ng katawan ng tao. Sa mga ugat at sanga ay wala talagang maiiwan kundi tanging abo na lamang. Wala na ngang iba pang panahon na maiuugnay sa Malakias 4:1 kundi ang mga kaganapang namiminsala ang Corona Virus Disease o Covid-19. Tanging sa yugto na lamang ng ating panahon bago dumating ang “Araw ng Panginoon”. Mga mahal kong kapatid sa ayaw ninyo o sa hindi ninyo tanggapin, ang sistemang creamation o pagsusunog sa bangkay ang binabanggit ng ating Panginoong Diyos na susunog sa mga masasawi sa nakapipinsalang sakit na Covid-19. Oo kinakailangang sunugin. Ang kapalarang ito ang sasapitin ng mga pinatutungkulan ng ating Panginoong Diyos na Kaniyang mga isinumpa; Kaniyang dinidigma na itinuring na Niyang mga kaaway. Hindi tayo lalayo sa Malakias, bagamat naipaunawa na sa nakaraan ay muli lamang inilakip dito, para higit na maunawaan at mabigyan ng Banal na Katwiran ang mga Katotohanang inihahayag mismo ng ating Panginoong Diyos sa Kaniyang mga higit na pinatutungkulan. Sa gayun hindi nila ikakapit sa mga tagasanlibutan na hindi naman sila ang tuwirang pinatutungkulan na Kaniyang kaaway at isinumpa. Kundi ang mga Saserdote o mga Ministro ..
Malakias 2:1-2 NPV [1] “At ngayon, ito ang utos para sa inyo, mga saserdote. [2] Kapag hindi kayo nakinig at hindi ninyo itinalaga ang inyong puso sa pagpaparangal sa aking pangalan,” sabi ng PANGINOON na Makapangyarihan sa lahat, “padadalhan ko kayo ng sumpa, at susumpain ko ang inyong mga pagpapala. Oo, sinumpa ko na ang mga iyon pagkat hindi ninyo itinalaga ang inyong puso sa pagpaparangal sa akin.
Ezekiel 5:5-8 [5] “Ito ang sinasabi ng Kataastaasang PANGINOON: Ito ang Jerusalem na itinatag ko sa gitna ng mga bansa; napaliligiran siya ng iba’t ibang bansa. [6] Ngunit dahil sa kanyang kasamaan, naghimagsik siya laban sa aking mga utos at mga tuntunin nang higit pa sa mga bansang nakapalibot sa kanya. Itinakwil niya ang aking mga utos at hindi sinunod ang aking mga tuntunin. [7] “Kaya ito ang sinasabi ng Kataastaasang PANGINOON: Hindi ka naging masunurin tulad ng mga bansa sa iyong paligid at hindi mo sinunod ang aking mga tuntunin at utos. Ni hindi mo naabot ang pamantayan ng mga bansa sa iyong palibot. [8] “Kaya ito ang sinasabi ng Kataastaasang PANGINOON: Ako mismo’y laban sa iyo, Jerusalem, at parurusahan kita sa harapan ng mga bansa.
NAIPAUNAWA NA ANG MALAKIAS 4:1 ANG MALAKIAS 4:2 NAMAN ANG KASALUKUYANG IPAUUNAWA.
ANO NAMAN ANG MABUTING KAPALARAN NG MGA SUMUSUNOD NA MGA HINIRANG NA TAGLAY ANG BANAL NA TAKOT SA ATING PANGINOONG DIYOS?
NPV [2] Ngunit kayo na sumusunod sa akin ay ililigtas ko at pagagalingin ng aking kapangyarihan na lulukob sa inyo, gaya ng sinag ng araw. Lulundag kayo sa tuwa, parang mga guyang pinalaya sa kulungan. [3] Magtatagumpay kayo sa masasama at sila’y yuyurakan ninyo na parang alikabok, sa araw na ako’y kumilos,” sabi ni Yahweh.
[ Ngunit kayo na sumusunod sa akin ay ililigtas ko at pagagalingin ng aking kapangyarihan na lulukob sa inyo, gaya ng sinag ng araw. ] lahat ng Iglesia ni Cristo ay mga Hinirang ng ating Panginoong Diyos sa pamamagitan ng ating Panginoong Jesu-Cristo. Ngunit sa panig ng mga Piling Hinirang na sumusunod pahayag ng ating Panginoong Diyos ay ililigtas Niya at pagagalingin o lilingapin ng Kaniyang Kapangyarihan. Paano? Itinulad sa sinag ng araw ang Kapangyarihan ng ating Panginoong Diyos na yumayakap o lumulukob sa buong pagkatao ng mga Piling Hinirang sa Banal na Gawain na itinataguyod ng Iglesia ni Cristo…Hinirang. Kaya kung batid lamang ng mga nasa Central ang munting kawan ng mga Hinirang ang napahintulutan ngayon na lukuban ng Espiritu ng ating Panginoong Diyos, lukuban ng Espiritu ni Jesu-Cristo, napahihintulutang lumukob ang mga Arkanghel, mga anghel, napahihintulutang espiritu ng kapatid na Felix Y. Manalo, napahihintulutang espiritu ng kapatid na Erano G. Manalo, napahihintulutang espiritu ng mga Propeta, napahihintulutang espiritu ng mga Apostol o sinuman ang hilingin ni kapatid na Elias Arkanghel na ang Espiritung sumasakaniya ang Espiritu ni Jesu-Cristo kaya ganun na lamang siya pinahihintulutan ng ating Panginoong Diyos na mangusap sa napahihintulutang lukuban na Mensahera ng PANGINOON. Kung paanong napahihintulutan ni Cristo na inyong Panginoon na makausap ang espiritu ng patay ng si Propeta Moises sa isang mahalagang tagpo na naroroon din ang espiritu ni Propeta Elias ng Tisbita.
PAKIKIPAG-USAP SA TAONG PATAY NA! Alam niyo bang may napahihintulutan at may hindi napahihintulutan? Sa Banal na Kasulatan o BIBLIA ay may ilang lingkod ng AMANG BANAL PINAKADAKILANG PANGINOONG DIYOS ang tuwirang nakikipag-usap sa patay. Si Haring Saul at ang inyong Panginoong Jesu-Cristo. Sila ang mga Lingkod ng AMANG BANAL PINAKADAKILANG PANGINOONG DIYOS ang may mga matibay na mababasang Patotoo sa Banal na Kasulatan o BIBLIA na derektang nakipag-usap at nakipag-ugnayan sa mga espiritu ng mga taong namatay na.
Mateo 17: 2-3 ASND [2] At habang nakatingin sila kay Jesus, nagbago ang kanyang anyo. Nagliwanag na parang araw ang kanyang mukha, at ang damit niyaʼy naging puting-puti na parang liwanag [3] Bigla nilang nakita sina Moises at Elias na nakikipag-usap kay Jesus.
Deuteronomio 34:5-8 NPV [5] At si Moises na lingkod ng PANGINOON ay namatay sa Moab, gaya ng sinabi ng PANGINOON. [6I] nilibing siya sa Moab sa lambak sa tapat ng Bet-peor ngunit hanggang sa araw na ito, walang nakaaalam kung nasaan ang kanyang libingan. [7] Si Moises ay 120 taon nang namatay, ngunit hindi lumabo ang kanyang paningin ni humina ang kanyang katawan. [8] Tatlumpung araw na nagluksa ang mga Israelita sa kapatagan ng Moab, hanggang sa matapos ang panahon ng pagtangis at pagluluksa.
Ang Espiritu ng inyong Panginoong Jesu-Cristo ang nakalakip kay Elias Arkanghel kung kaya’t gayun na lamang ang ibinibigay na Kapahintulutan sa Kaniya ng ating Panginoong Diyos sa bawat paghiling ay agad-agad na sa Kaniya ay ipinagkakaloob, dumarating ang Kaniyang mga hinihiling at lumulukob sa Piling Hinirang na Mensahera ng PANGINOON maging ang ating Panginoong Diyos ay lumulukob naghahatid ng Mensahe gaya ng mga Pahayag Niya na sa huling bahagi nito ay inyong matutunghayan.
Yan ang magandang kapalaran ng mga may paggalang sa pangalan ng ating Panginoong Diyos. Tiniyak sa kanila sisikat anya ang araw ng Katuwiran. Batid ninyo ang Katwiran ay ang mga Salita ng ating Panginoong Diyos. Subalit ito ay para sa Kaniyang mga Hinirang na gumagalang o sumusunod sa Kaniyang mga Salita ng Hula, ay liliwanag anya sa kanila ang Kaluwalhatian ng mga Katotohanan ng ating Panginoong Diyos na yan ang Kaniyang Banal na Katwiran.
[ at kayo’y magsisilabas, at magsisiluksong parang guya mula sa silungan. ] itinulad lamang sa guya kapag nakalabas sa kaniyang nagsisilbing kulungan sa tuwa ay magsisilukso na talun ng talon sa kagalakan na makalaya.
[ At inyong yayapakan ang masasama; sapagka’t sila’y magiging abo sa ilalim ng mga talampakan ng inyong mga paa ] ito ang katunayan na hindi pa sa Araw ng Paghuhukom na gaya ng iniisip ng mga nagbibigay pakahulugan sa hurno, na iba sa iniisip ng iba sa napakalinaw na naipaunawa at naipaliwanag na dito sa Blog. Ano ang katunayan? Yaong mga masasamang namatay na pinatutungkulan sa mga isinumpa Niya. Oo, Pahayag ng ating Panginoong Diyos ang kanilang mga abo anya na nasunog sa hurno na binabanggit ay yayapakan ng mga talampakan ng mga paa ng mga lubusang tapat na nakasunod sa Kaniyang Banal na Kalooban.. Kaya nga mali na isipin na sa Araw ito ng Paghuhukom na magaganap ang pag-apak sa mga abo ng mga masasamang namatay sa Corona Virus Disease o Covid-19.
sa kaarawan na aking gawin, sabi ng Panginoon ng mga hukbo. ito yaong kaarawan na sa yugto ng ating panahon Niya ipinatutungkol. Sa panahong umiiral ang Kaniyang sumpa na inilagay Niya sa lupa o sa sanlibutang ito dahil sa mga kinauukulan na hindi pinahahalagahan ang Kaniyang mga ipinag-uutos.
Yan ang kabuuan pagpapaunawa sa Malakias 4:1 hanggang 3 na susog lamang sa nalathala nang January 01, 2022 kung saan naipaunawa ang Malakias 4:4 hanggang 6. Kaya ang isang pahina ng Malakias 4: 1 hanggang 6 sa tulong ng Banal na Espiritu ng ating Panginoong Diyos ay naihanay ng Kaniyang Napahihintulutan ang mga Katotohanan inyong nabasa at natunghayan sa Blog ng Iglesia ni Cristo…Hinirang.
Subalit hanggang ngayon ang banal na kaukulan ng pagsusugo ng ating Panginoong Diyos kay Elias na Propeta ay hindi ninyo napag-uunawa. Oo, ang mga pinasasabi at ipinararating sa inyo ng ating Panginoong Diyos sa Blog ng Iglesia ni Cristo…Hinirang ay naisasantabi niyo lamang. Nagmamalasakit ang ating Panginoong Diyos kung kaya nagpauna at nagpaalaala na Siya, na baka ako’y dumating at saktan Ko ang lupa ng sumpa. Hindi ninyo napag-uunawa na nahahadlangan ninyo ang paghahandang gagawin ni Elias na Propeta sa daraanan ng Panginoon. Yung di ninyo pagsunod at di pagkilala kay Elias na Propeta ang dahilan ng pagkakalagay Niya sa inyo ng sumpa o salot ng Covid-19 na kasama na pinararanas ng ating Panginoong Diyos ang mga kasakunaan at iba’t-ibang mga trahedya o mga kalamidad sa buong mundo na ang mga kapatid sa Iglesia ni Cristo ay kasamang nadaramay. Tumitindi ang paghihirap sa kalagayan ng buhay ng mga kapatid. pati na ang mapayapang Pagsamba ng lahat ay kasamang nadaramay kung kaya hindi na maisagawa ang normal o karaniwan na mga pagdalo sa mga Gusaling Sambahan. Kaya sa nakaraan ang inaakala ng marami na matatapos na ang salot ng Covid-19 ay isang maling akala. Dahil hinding-hindi pa aalisin ng ating Panginoong Diyos hangga’t di naisasakatuparan ni Elias na Propeta ang kaniyang Banal na Kaukulan na ipinagagawa sa kaniya ng ating Panginoong Diyos sa loob ng Iglesia ni Cristo.
Ang Israel ay Parang Bingi at Bulag
Isaias 42:18-25 ASND18 Sinabi ng Panginoon sa kanyang mga mamamayan, “Kayong mga bingi at bulag, makinig kayo at tumingin! 19 Kayoʼy mga lingkod ko at mga pinili. Isinugo ko kayo bilang aking mga tagapagsalita, pero walang makakapantay sa inyong pagbibingi-bingihan at pagbubulag-bulagan. 20 Marami na kayong nakikita pero hindi ninyo pinapansin. Nakakarinig kayo pero ayaw ninyong makinig!” 21 Nais ng Panginoon na parangalan ang kanyang kautusan para ipakita na matuwid siya.[c]22 Pero ngayon, ang kanyang mga mamamayan ay ninakawan, sinamsaman ng ari-arian, inihulog sa hukay o ipinasok sa bilangguan, at walang sinumang tumulong sa kanila. 23 Mayroon ba sa inyong gustong makinig o magbigay halaga mula ngayon sa inyong narinig? 24 Sino ang nagbigay ng pahintulot na nakawan at samsaman ng ari-arian ang Israel? Hindi baʼt ang Panginoon, na siyang pinagkasalaan natin? Sapagkat hindi natin sinunod ang mga pamamaraan niya at mga kautusan. 25 Kung kaya, ipinadama ng Panginoon ang matindi niyang galit sa atin sa pamamagitan ng pagpapahirap sa atin sa digmaan. Ang galit niyaʼy parang apoy na nakapalibot at sumusunog sa atin, pero hindi natin ito pinansin o inisip man lamang.
Ang nagpapaunawa letra por letra sa Isaias bersikulo 42:18-25 ASND ay mismo ang ating Panginoong Diyos. Kaya naman, huwag na kayong magtaka mga mahal naming kapatid kung bakit sa dami na ng pagpapaunawa sa Blog ng Iglesia ni Cristo…Hinirang na napauukol sa kanila na mga Ministro ng Iglesia ni Cristo ay wala man lang tinanggap sa mga Katotohanan na inihayag na ipinagmamalasakit Niya para makatiyak sa kaligtasan ang lahat bago ang Kawasakang darating na tinatawag ng ating Panginoong Diyos na Paghuhukom sa Lahat ng Bansa. Maling-mali ang unawa ninyo na Paghuhukom na masasalubong na sa alapaap ang literal na Cristo na yan ang pinakahinihintay ninyo na mga nasa Central kahit ipinaunawa na sa inyo na may magaganap na Pagtakas o Paglikas na naipaunawa na sa Blog na ito. Naipaunawa na rin sa inyo na may magaganap pang paninirahan sa loob ng Sanlibong Taon doon sa Banal na Bayan na Bagong Jerusalem na may mga bansa pang binabanggit pero hindi ninyo talaga nauunawaan dahil ang unawa ninyo yun na ang Langit kahit nabasa ninyo na na bababa lang ang literal na Katawan ng ating Panginoong Jesu-Cristo paglipas pa ng Sanlibong Taon. Nalilito kayo kasi may Cristo na binabanggit na maghahari sa loob ng Sanlibong Taon. Oo, Siya rin naman ang maghahari subalit ang Kaniyang Espiritu lamang na nasa katawan ni Elias Arkanghel habang ang literal Niya na Katawan at Kaluluwa ay namamalaging nasa Langit na saka pa lamang bababa buhat sa Langit, pagkalipas pa ng Sanlibong Taon kapag nagbalik na ang Kaniyang Espiritu sa Kaniyang literal Katawan at Kaluluwa. Siya ang Pinakahihintay ninyong Sugo na darating sa Templo si Cristo mismo na tinatanggihan ninyo subalit nasa kalagayang Kaniyang Espiritu mula nang ipinagpalit ng Panginoong Diyos sa Espiritu ng literal na -Cristo na nasa Langit nang maganap ang pagkapanganak sa sanggol na lalaki.
Pahayag 12:5-6 [5] Ang babae ay nagsilang ng sanggol na lalaki, ngunit may umagaw sa bata at dinala ito sa Diyos, sa kanyang trono. Ang sanggol na ito ang itinakdang maghahari sa lahat ng bansa sa pamamagitan ng tungkod na bakal. [6] Ang babae naman ay tumakas papunta sa ilang, sa isang lugar na inihanda ng Diyos para sa kanya, upang maalagaan siya roon sa loob ng 1,260 araw.
Antabayanan ninyo ang pagpapaunawa sa mga susunod na Pahayag dito sa Blog ng Iglesia ni Cristo…Hinirang. Mga karagdagang pagpapaunawa na lamang ngunit maiintindihan na ng karamihan. Subalit sa inyong hanay na mga Pinili at isinugo ng ating Panginoong Diyos na mga tagapagsalita ay walang makapapantay sa inyong pagbingi-bingihan at pagbulag-bulagan. Ang Panginoong Diyos ang may sabi niyan. Kaya nga hindi na rin kayo dapat magtaka kung bakit sa inyo binitawan ng ating Panginoong Diyos ang sumpa, ang Corona Virus Disease. o Covid-19.
Ganiyan kayo inilarawan ng ating Panginoong Diyos na kinulang ng pananalig sa Kaniyang mga Katotohanang nakapaloob sa Banal na Kasulatan o Biblia. Nilimitahan niyo ang Hiwaga ng Kaniyang Kapangyarihan dahil para sa inyo ay sapat na ang naituro ng mahal na kapatid na Felix Y. Manalo bilang Sugo ng Panginoong Diyos sa mga Huling Araw at di na kilalanin ang Sugong Pinakahihintay ninyo ang ating Panginoong Jesu-Cristo na nasa Espiritu Niyang kalagayan na nakalakip sa diwa ng kapatid na Elias Arkanghel.
25 Kung kaya, ipinadama ng Panginoon ang matindi niyang galit sa atin sa pamamagitan ng pagpapahirap sa atin sa digmaan. Ang galit niyaʼy parang apoy na nakapalibot at sumusunog sa atin, pero hindi natin ito pinansin o inisip man lamang.
Yan ang damdamin ng ating Panginoong Diyos sa inyo na dinidigma niyo ang Kaniyang mga Kautusan. Ang Kaniyang galit sa inyo na parang apoy na nakapalibot o sumasaklob sa buo ninyong pagkatao. Hindi Niya ipagpapaliban na gawin Niya ito sa inyo sa galit Niya sa inyo. Kaya sa Mensahe ng talatang nabasa ninyo ay yan ang magiging pahayag ninyo, habang kinubkob kayo ng Corona Virus Disease o Covid-19 ang sakit na nakapipinsala, na nasabi na Niya na yan ay sumpa Niya na nasa inyo ay kakapit, KUNG hindi ninyo itatalaga sa ating Panginoong Diyos ang inyong puso para maparangalan Siya.
Muli matapos ang Pagpapahayag sa pagmamahal Niya at pagmamalasakit pa rin ng ating Panginoong Diyos ay kailangan mangyari ang ayon sa Kaniyang Kalooban. Sa February ?? Mensahe ng ating Pinakadakilang Panginoong Diyos na ipinarating kay Elias Arkanghel Jesu-Cristo na tanging siya lamang ang nakababatid na kaniyang napahihintulutan.
Hashtags: Please copy and paste to all your message
#iglesianicristo #IglesiaNiCristo #ChurchOfChrist #INCLoyaltyDay#inc100 #inccentennial #centennial #inc4life #incootd #incfashion #icmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos#mattpareja #antonioebangelista #silentnomore #iglesianicristosilentnomore#Pananampalataya #Pagasa_#Pagibig #DoblehinAngPagsisikap#PuspusangPagbabagongBuhay #PuspusangPakikipagkaisa#ItaguyodAngKasiglahangESPIRITUAL #Iglesia_Ni_Cristo #DoblehinAngPagsisikap #SolidongPananampalataya #KaisangDiwaNgPamamahala #WEareONEwithEVM#PuspusangPagsunodAtPagpapasakopParaMaligtas #ItaguyodAngKasiglahangEspiritual#MasaganangPagbubunga#PalaguinAngPananampalatayaPagibigAtPagasa #INC101 #DoblehinAngPagsisikap #INC #Maytungkulin #INC4ever#IamTheOneWithEVM #WeareonewithGoD
#WeareonewithChrist #WeareonewithEVM #Worldwidewalkforyolandavictims #accessthetruth#onewithevm #1withevm #eduardomanalo #jojodeguzman #antoniodeguzman
IGLESIA NI CRISTO...HINIRANG 