Ang tunay na kalagayan ng Iglesia ni Cristo sa pangkasalukuyan ay hayag na sa maraming mga kapatid natin. Lalong hindi na maitatago pa sa pangkalahatan ang wala ng kaayusan sa pangangasiwa halos lahat ng mga kapatid na ministrong nakatalaga sa bawat lokal. Kung may mga mabubuti pang natitira ay bilang na halos sila kung sinu-sino man. Sapagkat hindi makaiiwas maging ang mga matitinong ministro at manggagawa. Sila ay pawang nadaramay na rin dahil sa pwersahang mga ipinag-uutos sa kanila ng mga Tagapangasiwa ng Distrito mula sa atas ng Sanggunian na agad din namang ipinararating sa kapulungan ng mga maytungkulin. Ito ang nagiging dahilan ng bulung-bulungan ng mga kapatid na maytungkulin sa kanilang pinangangasiwaang lokal. Kaya ang dati nilang maaamong tinig at mahinahong pakikitungo sa mga kapatid ay nabahiran na rin ng kapintasan. Na kung hindi nila gagawin ang may kabagsikang pangunguna ay malalapastangan na ang kanilang karapatan.
Nagpapangalat na ang mga kapatid dahil sa kalituhan kung kanino pa lalapit at sino pang matinong makakausap nila na hindi sila babalingan ng galit na naghihimagsik na mga tinig gaya ng kanilang mga nararanasan sa kasalukuyan, na kung sila man din ay hindi makapagtitimpi biglang manaig ang nagngangalit na rin nilang damdamin ay mapatulan nila ang mga kapatid nating mga ministro at pastor na wala na ring galang sa kanila na mga nakatatandang kapatid sa lokal. Baka magkaroon ng komosyon ay mauwi lang sa kanilang pagkakatiwalag madamay pa ang kanilang buong sambahayan. Kaya mas minarapat ng iba na sa social network na lang ipahayag ang kanilang mga puna, mga reklamo, hinanakit at saloobin sa mga nangyayari sa kanilang mga lokal.
Kung bakit may mga bumabangong paghihimagsik sa panig ng mga kapatid nating maytungkulin ay dahil nakakatawag pansin na sa kanila ang mga usapin patungkol sa mga gugulin na tila walang katapusan na pinapapasan sa kanila ang mga hindi naman nila dapat na karguhin. Bawat buwan na dadaan ay ibat-ibang ambagan, donasyon ang ipinakikiusap sa kanila ng mga nakatataas sa kanilang lokal. Kung anu-ano ang ibinibenta at ibinibigay sa kanila na hindi naman nila kailangan sa kanilang tahanan. Ang iba ay halos sa kanila na itambak ang ibat-ibang items na pilit na pababayaran. Ang pobreng kapatid hindi na magawang magreklamo lalo na ng pahulugan na lang sa kanya pinababayaran huwag lang na hindi kunin ng kapatid. Ang mga kapatid na ministrong gumagawa niyan ay labag man sa kalooban ang ginagawa niyang pamimilit ay napapapikit na lang ng mata sapagkat kung hindi niya gagawin ay siya naman ang mananagot sa CENTRAL. Ang ikinalulungkot ng ibang ministro maging ang asawa nila, ang mga maytungkulin sa lokal ginawa na rin silang mga ahente ng Sanggunian, tagapag-alok ng mga items at tagapagbenta ng tiket ng mga palabas sa sinehan, mga musical show at iba-iba pa. Ngunit ang pinaka-magastos na kanilang pinaggugugulan at pinaghahandaan ay ang mga aktibidad sa PHILIPPINE ARENA.
Totoo ngang may mga nagaganap na mga pagmamalabis sa panig ng mga lider ng bawat lokal, pangunahin na sa pangasiwaan sa Distrito na pinanggagalingan ng mga derektibang utos o usapin sa bawat lokal. Ngayon malinaw na malinaw na sa kamalayan ng maraming kapatid na may katotohanan nga at hindi mga paratang lamang ang kanilang mga unang nauulinigan lalo patungkol sa PHILIPPINE ARENA.
Dati ay TEMPLO ang pinaka-dako ng Pamamahayag ng mga Salita ng Panginoong Diyos. Ngunit ngayon ay PHILIPPINE ARENA na. Hindi na magawang makapagreklamo ng mga kapatid sapagkat pinatutungkol naman sa Panginoong Diyos ang nasabing mga aktibidad. Ito ba ay nakalulugod pa sa ating Panginoong Diyos? Dapat nga ba na PHILIPPINE ARENA ang maging sentro na ng ating mga isinasagawang pamamahayag? Nalulugod pa ba ang Panginoong Diyos natin kung sa PHILIPPINE ARENA na malipat ang lahat ng mga Banal na pagkakatipon?
Ang mga pangyayari sa Banal na Kasulatan noon ay may magkaka-ugnay na pangyayari rin sa ating panahon ngayon. Kaya nga muli tayong mag-aaral at ang Biblia ang ating sasangguniin upang huwag ng dumating sa iba ang anumang pag-aalinlangan sa mga Katotohanang ipinahintulot sa aba ninyong lingkod na ito ay maihanay. Ipinagpapauna ko lang mga mahal kong kapatid na wala akong sariling anumang dunong kailanman. Ako ay nanghihiram lamang at napahintulutan lamang ng Panginoong Diyos. Ang Banal na Espiritu ng Panginoong Diyos ang hinihilingan kong patuloy na umagapay sa aking mga paghahanay, ng mga katotohanang ibinabahagi para sa kabatiran at kaalaman ng lahat.
Bakit nga ba nagagalit ang Panginoong Diyos noon sa Jerusalem at sa CENTRAL naman ngayon? Ang CENTRAL kung saan naroroon ang mga pangunahing lider na inaasahan Niya na mangangalaga sa Kanyang mga hinirang sa pamamagitan ng mga aral at utos ng ating Panginoong Diyos at ng ating Panginoong Jesu-Cristo na sa kanila ay ipinagkatiwala. Kaya inaasahan na sila ang dapat na magturo ng mga mabubuting aral na pinatutungkol sa dapat na ating pinaglilingkuran, na wala ng iba kundi sa ating Panginoong Diyos at Panginoong Jesu-Cristo lamang. Ngunit tila ibang aral ang kanilang ipinamamayagpag ngayon sa CENTRAL. Ang PHILIPPINE ARENA at ang pagkilala kay EVM na halos pati mga walang kamalay-malay na kabataan o PNK ay ginagamit para lang ipagbunyi ipagmapuri ang EVM sa halip na ang Kapurihan ay ipinatutungkol sa Panginoong Diyos at sa ating Panginoong Jesu-Cristo lamang. Matangi dito ay ang pamamayagpag ng PHILIPPINE ARENA sa halip na ang TEMPLO CENTRAL. Kaya ang ating Panginoong Diyos ay totoong may paninibugho sa Jerusalem noon at ngayon naman ay sa mga liderato ng Iglesia ni Cristo na nasa CENTRAL.
Ezekiel 8:2 Nagkaroon ako ng pangitain. May nakita akong parang tao. Ang ibaba ng kanyang baywang ay parang apoy at sa itaas ay maningning na parang makinis na tanso. 3 Nakita kong iniunat ang tila kamay. Hinawakan ako nito sa buhok at itinaas sa kalagitnaan ng langit at ng lupa. Dinala ako sa Jerusalem, sa pagpasok sa patyo, sa gawing hilaga, sa may kinalalagyan ng rebulto na naging dahilan ng paninibugho ni Yahweh.
Ang lingkod ng Panginoong Diyos na si Ezekiel ay binigyan ng pangitain noon, ng dalhin siya sa Jerusalem ipinakita ang rebulto na naging dahilan ng paninibugho ng ating Panginoong Diyos. Ngayon tayo namang mga kapatid sa Iglesia ni Cristo ay binigyan ng pagkaunawa na nagiging dahilan din sa ating kapanahunanan ngayon kung bakit may paninibugho ang Panginoong Diyos sa mga nasa CENTRAL ngayon. Alin ito at saan ito makikita? Ngunit bago ang sa panig natin, ay unahin na natin ang sa panahon ng lingkod ng Panginoong Diyos noon na si Ezekiel. Saan dako makikita ang rebulto o larawang naging dahilan ng paninibugho ng Panginoong Diyos?
5 Nang magkagayo’y sinabi niya sa akin, Anak ng tao, itingin mo ang iyong mga mata ngayon sa daan na dakong hilagaan. Sa gayo’y itiningin ko ang aking mga mata sa daan na dakong hilagaan, at narito, nasa dakong hilagaan ng pintuang-daan ng dambana ang larawang ito ng panibugho sa pasukan.
Gaya ng ipinag-uutos ay igawi ang paningin sa sinasabi na nasa daan, sa dakong hilagaan ay naroon ang larawang na naging paninibugho ng Panginoong Diyos. Kung sa atin namang panahon ngayon, ito ay sa dakong hilagaan din o bandang Norte. Kung saan naroroon ang PHILIPPINE ARENA. Sa panahon ng lingkod ng Panginoong Diyos noon, ano ang ibinunga nito? At ano ang pagtuturing ng Panginoong Diyos sa ginawa ng sangbahayan ng Israel sa Kanya?
6 At sinabi niya sa akin, Anak ng tao, nakikita mo baga ang kanilang ginagawa? ang malaking kasuklamsuklam na ginagawa ng sangbahayan ni Israel dito, upang ako’y lumayo sa aking santuario? Nguni’t iyo muling makikita pa ang ibang mga malalaking kasuklamsuklam.
Kaya huwag kayong magtaka kung bakit hindi na natin maramdaman sa mga Pagsamba natin ang Banal na Espiritu sa mga nangangasiwa ng Pagsamba. Maliban na lang sa nakahandang ganap sa mangilan-ngilan na napahihintulutan pa, yan ay dahil na lang sa awa at habag ng Panginoong Diyos. Ngunit tunay na ang Kaluwalhatian ng Panginoong Diyos ay umalis sa Templo, lumayo sa santuario. Tanong ng Panginoong Diyos nakikita mo ba ang kasuklam-suklam na kanilang pinaggagawa dito? Kung tutukuyin ang nasa bandang Norte yun nga ang dako ng PHILIPPINE ARENA na may mga pinaggagawa doon na kasuklam-suklam din sa Panginoong Diyos natin. Ano ang pinaka-dahilan? Rebulto o larawan na sumasagisag sa pagsamba sa dios-diosan. Ito ang anyo ng PHILIPPINE ARENA na ang kanyang larawan ay ang kasuklam-suklam nga sa ating Panginoong Diyos. Gaya ng inyong natunghayan sa bidyo patungkol sa PHILIPPINE ARENA AT ANG DIOS-DIOSANG BAAL.
7 Kayong mga mapagpaimbabaw, mabuti ang pagkahula sa inyo ni Isaias, na nagsasabi, 8 Ang bayang ito’y iginagalang ako ng kanilang mga labi; Datapuwa’t ang kanilang puso ay malayo sa akin. 9 Datapuwa’t walang kabuluhan ang pagsamba nila sa akin, Na nagtuturo ng kanilang pinakaaral ang mga utos ng mga tao.
Kaya nga kapaimbabawan na lamang ang nakita ng Panginoong Diyos sa mga nasa Sanggunian. May anyong kabanalan wari iginagalang ang mga aral at utos ng ating Panginoong Diyos, na bumubukal sa kanilang mga bibig ngunit ang buong katotohanan malayung-malayo na ang kanilang puso sa Panginoong Diyos natin. Kaya dahil diyan ang kanilang mga itinuturo ay winalang kabuluhan na ng ating Panginoong Diyos sapagkat gamit man ang Biblia ang kanilang pangangaral ay utos na lamang ng tao.
1 Bukod dito’y ang salita ng Panginoon ay dumating sa akin, na nagsasabi, 2 At Ikaw, anak ng tao, hahatulan mo baga, hahatulan mo baga ang bayang mabagsik? ipakilala mo nga sa kaniya ang lahat niyang kasuklamsuklam. 3 At iyong sabihin, Ganito ang sabi ng Panginoong Dios: Bayang nagbububo ng dugo sa gitna niya, na ang kaniyang panahon ay darating, at gumagawa ng mga diosdiosan laban sa kaniyang sarili, upang mapahamak siya! 4 Ikaw ay naging salarin dahil sa iyong dugo na iyong ibinubo, at ikaw ay napahamak sa iyong mga diosdiosan na iyong ginawa; at iyong pinalapit ang iyong mga kaarawan, at ikaw ay dumating hanggang sa iyong mga taon; kaya’t ginawa kitang isang kapulaan sa mga bansa, at isang katuyaan sa lahat na lupain. 5 Yaong mga malapit, at yaong mga malayo, ay magsisituya sa iyo, ikaw na napahamak at puno ng kagulo.
Ezekiel 16: 23 Sinabi ni Yahweh, “Kahabag-habag ang kasasapitan mo. Pagkat bukod sa mga kasamaang iyo nang nagawa, 24 nagpatayo ka pa ng nakaarkong altar at nagpagawa ng mataas na entablado sa bawat plasa. 25 Nagpagawa ka ng mataas na entablado sa mga panulukan ng daan at doon mo ipinaangkin ang iyong kagandahan sa bawat magdaan. Maraming beses mo itong ginawa
Kaya ang PHILIPPINE ARENA na nagtataglay ng larawan ng dios-diosang baal na naging dahilan ng paninibugho ng Panginoong Diyos natin sa Israel o sa Iglesia ni Cristo sa ating kapanahunan ngayon ay hindi ito pangkaraniwan na pagmumulan ng galit sa kanila ng Panginoong Diyos at maging sa mga nakikipagkaisa sa panawagan ng tiwaling sanggunian para bigyan daan ang kanilang karagdagang pinansyal na kinukuha sa inyo sa ibat-ibang pamamaraan. Kaya nga pinamimili kayo! Sino ang mas matimbang sa inyo? Ang Panginoong Diyos ba natin o ang dios-diosang baal? Marahil tiyak na isasagot ninyo ang Panginoong Diyos natin na siya ko namang inaasahan talagang dapat bumukal sa labi ninyo na manggagaling ang sagot mula sa puso ninyo. Mga mahal kong kapatid huwag ninyong biruin ang pagpili ng isasagot ninyo. Sapagkat ang PHILIPPINE ARENA dakong pinagdadausan na rin ng mga panoorin na malalaswa at diyan din isinasagawa ang mga Pamamahayag.
EZEKIEL 22: 26 Ang mga saserdote niyaon ay nagsigawa ng pangdadahas sa aking kautusan, at nilapastangan ang aking mga banal na bagay: sila’y hindi nangaglagay ng pagkakaiba sa banal at sa karaniwan, o kanila mang pinapagmunimuni ang mga tao sa marumi at sa malinis, at ikinubli ang kanilang mga mata sa aking mga sabbath, at ako’y nalapastangan sa gitna nila.
EZEKIEL 22: 13 Narito nga, aking ipinakpak ang aking kamay dahil sa iyong masamang pakinabang na iyong ginawa, at sa iyong dugo na iyong ibinubo sa gitna mo. 14 Makapagmamatigas baga ang iyong puso, o makapagmamalakas baga ang iyong mga kamay sa mga araw na parurusahan kita? Akong Panginoon ang nagsalita, at gagawa niyaon. 15 At aking pangangalatin ka sa gitna ng mga bansa, at pananabugin kita sa mga lupain; at aking papawiin ang iyong karumihan sa gitna mo. 16 At ikaw ay malalapastangan sa iyong sarili, sa paningin ng mga bansa; at iyong malalaman na ako ang Panginoon.
17 At ang salita ng Panginoon ay dumating sa akin, na nagsasabi, 18 Anak ng tao, ang sangbahayan ni Israel ay naging dumi ng bakal sa akin: silang lahat ay tanso at lata at bakal at tingga, sa gitna ng hurno; sila ay naging dumi ng pilak. 19 Kaya’t ganito ang sabi ng Panginoong Dios, Sapagka’t kayong lahat ay naging dumi ng bakal, kaya’t narito, aking pipisanin kayo sa gitna ng Jerusalem. 20 Kung paanong kanilang pinipisan ang pilak at ang tanso at ang bakal at ang tingga at ang lata sa gitna ng hurno, upang hipan ng apoy, upang tunawin; gayon ko kayo pipisanin sa aking galit at sa aking kapusukan, at aking ilalapag kayo roon, at pupugnawin ko kayo. 21 Oo, aking pipisanin kayo, at hihipan ko kayo sa pamamagitan ng apoy ng aking poot, at kayo’y mangapupugnaw sa gitna niyaon. 22 Kung paanong ang pilak ay natutunaw sa gitna ng hurno, gayon kayo mangatutunaw sa gitna niyaon; at inyong malalaman na akong Panginoon ang nagbububos ng aking kapusukan sa inyo.
23 At ang salita ng Panginoon ay dumating sa akin, na nagsasabi, 24 Anak ng tao, sabihin mo sa kaniya, Ikaw ay isang lupain na hindi nilinis, o naulanan man sa kaarawan ng pagkagalit. 25 May panghihimagsik ng kaniyang mga propeta sa gitna niyaon, gaya ng leong umuungal na umaagaw ng huli: sila’y nanganakmal ng mga tao; sila’y nagsikuha ng kayamanan at ng mga mahalagang bagay; pinarami nila ang kanilang babaing bao sa gitna niyaon,
Ang galit ng Panginoong Diyos ay nasa sambahayan na ng Israel o sa mga gumawa ng kapintasan sa Iglesia ni Cristo at pangunahin na Kanyang higit na pinatutungkulan ng Kanyang galit ay ang mga saserdote. Sapagkat sila na inaasahan ng DAKILANG PANGINOONG DIYOS na magmamalasakit sa mga Banal na pinatutungkulan. Sa halip sinasakmal nila ang karapatan ng mga kapatid natin na halos saklawin na ang lahat ng mayroon pa silang pakikinabangin na yaman ng mga kapatid. At kung hindi susunod ang pinaka-ama ng sambahayan ay pinapatay ang karapatan o itinitiwalag kaya marami ang nagiging babaing balo. sila ang naghahatid sa kapahamakan ng mga taong maliligtas sana ngunit dinadaya na nila ito ay sa paulit-ulit na pagpapadalo sa PHILIPPINE ARENA sa Panginoong Diyos ay tunay na kasuklam-suklam dahil sa dios-diosang baal na batid naman nila na sinuman ang makiayon sa kaisipan na mayron sila ay tuwiran naring nalalabag ng mga Banal na pilit nilang isinasama, pinapagmunimuni ang mga kapatid sa marumi at sa malinis. Sila-sila ang nagpapakilalang mga propeta na nanghuhula at nakaaalam diumano kung ano ang mabuti sa mga kapatid natin na kanilang hinihikayat na dumalo ng dumalo sa kanilang mga pananawagan… ngunit kabaligtaran sapagkat patungo pala sa pagkapahamak ang lahat ng mapaniniwala nila kaya sila ang mga bulaang propeta na mga ganid na lobong maninila sa kawan. Dahil diyan darating sa kanilang lahat ang pagkapahamak sapagkat ang Panginoong Diyos ay hindi na nalulugod sa kanila.
Kaya nga ang sambahayan pinatutungkulan ay dumi na ng bakal ang paglalarawan. Sila ay pipisanin sa gitna ng Jerusalem o sa CENTRAL na mga magmumula ang unang parurusahan kung saan naroon ang mga saserdoteng dumaya sa Kanyang bayan. Pupugnawin sila ng Panginoong Diyos ng matinding init o matinding-matinding pagsubok sa nakatakdang panahon na sila ay parurusahan na. Kayanin kaya nila?
9 Kaya’t ganito ang sabi ng Panginoong Dios; Sa aba ng mabagsik na bayan! akin ding palalakihin ang bunton. 10 Ibunton ang kahoy, paningasin ang apoy, pakuluang mabuti ang laman, palaputin ang sabaw, at sunugin ang mga buto. 11 Kung magkagayo’y ipatong mong walang laman sa mga baga niyaon, upang uminit, at ang tanso niyao’y masunog, at ng ang dumi niyaon ay matunaw roon, upang mapugnaw ang kalawang niyaon. 12 Siya’y nagpakapagod sa paggawa; gayon ma’y ang maraming kalawang ay hindi naaalis; ang kalawang niyaon ay hindi naaalis sa pamamagitan ng apoy. 13 Nasa iyong karumihan ang kahalayan: sapagka’t ikaw ay aking nilinis at hindi ka nalinis, hindi ka na malilinis pa sa iyong karumihan, hanggang sa aking malubos ang aking kapusukan sa iyo. 14 Akong Panginoon ang nagsalita: mangyayari, at aking gagawin; hindi ako magbabalik-loob, ni magpapatawad man, ni magsisisi man; ayon sa iyong mga lakad, at ayon sa iyong mga gawa, kanilang hahatulan ka, sabi ng Panginoong Dios.
Kaya habang di pa dumarating ang indulto o pagpapasya ng Panginoong Diyos sa tiniyak Niyang isasagawa at papangyarihin ang Kanyang sinalita, dahil sa Kanyang matinding galit na halos hindi na Niya patatawarin, magsisi man ay huli na ay bumalikwas na. Kaya nga mga kapatid kong mahal huwag ninyong ipagwalang bahala ang babala Niyang ito. Huwag hayaan na tayo ang Kanyang patungkulan na ng Kanyang galit. May pagkakataon pa ba? Mayron pa! Kaya hanggang may pagkakataong ibinibigay ang Panginoong Diyos magbago na at huwag ng makiisa sa kanila.
Nawa huwag masayang ang ating mga pagsisikap, pagtitiis at masiglang paglilingkod. Sapagkat may higit tayong inaasahan. Panghawakan nating matibay at matatag ang kahalalang pinagyaman ng mga katotohanang itinuro sa atin sa loob ng IGLESIA NI CRISTO ng nabubuhay pa ang kapatid na Felix Y. Manalo at ang mahal nating kapatid na Erano G. Manalo.
FILIPOS 3: 19 Kapahamakan ang kahihinatnan nila sapagkat ang dinidiyos nila ay ang hilig ng kanilang katawan. Ikinararangal nila ang mga bagay na dapat sana nilang ikahiya, at wala silang iniisip kundi ang mga bagay na makalupa. 20 Subalit sa kabilang dako, tayo ay mga mamamayan ng langit. Doon magmumula ang Tagapagligtas na hinihintay natin nang may pananabik, ang Panginoong Jesu-Cristo. 21 Sa pamamagitan ng kapangyarihang ginamit niya sa pagpapasuko sa lahat ng bagay, ang ating katawang-lupa na may kahinaan ay babaguhin niya upang maging maluwalhating tulad ng kanyang katawan.
Hashtags: Please copy and paste to all your messages to make sure that ACTIV will not be able to delete this message.
#iglesianicristo #inc100 #inccentennial #centennial #inc4life #incootd #incfashion #incmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #mattpareja #antonioebangelista #silentnomore #iglesianicristosilentnomore #iglesianicristohinirang #iglesianicristoneverkeepsilent #binhi #kadiwa #buklod #incdefenders #incootd #ANTONIOEBANGELISTA #evm #FELIXMANALO #sanggunian #incsilentnomore #iamonewithevm #onewithevm #kellyong #sherlock
Sa palagi kong pagbabasa ng mga inihanay ng ka. ELIAS ay lalong lumalakas ang aking pananampalataya at pag-asa sa kaligtasan dahil muling maisasaayos ang BANAL na IGLESIA NI CRISTO na nalugmok sa kahihiyan dahil sa kagagawan ng mga namamahala. TOTOONG nawala ang BANAL na tuntunin at napalitan ng MABAGSIK na tuntunin na syang pumapatay sa mga kapatid natin na nanghahawak sa mga ARAL at UTOS ng ating panginoong DIOS at panginoong Jesu-cristo. Kaya po ang hihilingin ko lagi sa PANGINOONG DIOS AY MAGPATULOY ANG GAWAING ITO NA NAKAUGNAY SA SUGO NG DIOS SA HULING ARAW NA ITO’Y BATBAT NG HULA NG BANAL NA KASULATAN..! PAGPALAIN PO KAYO LAGI NG ATING PANGINOONG DIOS KAPATID NA ELIAS ARKANGHEL ALANG ALANG PO SA KALOOBAN NG ATING PANGINOONG DIOS….!
LikeLike
Thank you very much for opening my understanding in this INC crisis going on I am supporting the INC defenders here in Europe London UK..
LikeLike
Reblogged this on Iglesia Ni Cristo Never Keep Silent.
LikeLike