Sister INC Defender/s
Muli Kapatid ko hinihingi mo ang paliwanag na itinawid sa iyong panaginip. Magandang hapon sayo Sister. Si Kapatid na Angel ay kumakatawan lamang kay Ka Eduardo dahil siya ang nasa loob ng CENTRAL. At ang anak na lalaki ay sumasagisag sa mga ministro na kumakatawan naman kay Ka Angelo na kanyang anak na isang ministro. Sa kabila ng nakikita na ng mga ministro sa kalagayan ng Iglesia ay buong higpit pa ring nakayakap at hindi na halos bumibitaw kay Ka Eduardo. Nasira ang Dakong Banal sa kanyang Pamamahala dahil ibang Espiritu na ang kanyang pinanghahawakan ito ang sinisimbulo ng bote ng alak na kanyang hawak-hawak alam natin kapag nakaiinom ng alak ay ibang espiritu ang tinataglay lalung-lalo na kapag nasosobrahan sa paglalasing. Kaya sira-sira na ang pundasyong matatag na Pinamahalaan ng mabuting Tagapamahalang Pangkalahatan ng Kapatid na Erano G. Manalo na giniba ng kasalukuyan niyang liderato. Sinu-sino itong kasama niyang naging dahilan ng pagkawasak ng matibay na pader na maayos na maayos nilang nakuha ng pinagpahinga na ng Panginoong Diyos ang Kagalang -galang na Kapatid na Erano G. Manalo? Alamin natin ito sa magkaka-ugnay mong panaginip sa panaginip ng anak ni kapatid na Raphael
Kaya mapalad ka Sister sapagkat napahihintulutan ka na makabahagi sa pangunahing ipinagpauna ng Panginoong Diyos natin na makakapanaginip. Ito ay itinakda ng Panginoong Diyos natin sa lahat ng tao. Ngunit sa ngayon ay iilan lamang ang tumatanggap sa ipinahayag mismo ng ating Panginoong Diyos. Sapagkat may ilan sa mga kapatid natin na ang ganitong pamamaraan ay hindi nila matanggap sapagkat iba na raw ang panahon ni Propeta Daniel sa panahon natin ngayon. Ngunit nahulog sila sa sarili nilang kaalaman na magsasapanganib kung hindi nila matatangap ang Salita ng Panginoong Diyos na;
Gawa 2:17 ‘Ito ang gagawin ko sa mga huling araw,’ sabi ng Diyos. ‘Ipagkakaloob ko ang aking Espiritu sa lahat ng tao; ipahahayag ng inyong mga anak na lalaki at babae ang aking mensahe. Ang inyong mga kabataang lalaki ay makakakita ng mga pangitain, at ang inyong mga matatandang lalaki ay magkakaroon ng panaginip. 18 Sa panahong iyon, ibubuhos ko rin ang ang aking Espiritu sa aking mga alipin, maging lalaki at maging babae at ipahahayag nila ang aking mensahe.
Dito ko hinihikayat ang mga kapatid nating bumabasa dito na pakaunawaan ang paunang pahayag na ito mismo ng ating Panginoong Diyos. Nilinaw sa talata na sa mga huling araw magaganap. Marahil hindi naman lingid sa kanilang kaalaman na ito ang panahon natin na tinutukoy ng Panginoong Diyos na sa mga huling araw. Sapagkat kung hindi nila kinikilala ang kaparaanang ipinahihintulot sa atin sa pagbibigay unawa sa mga pangitain at panaginip, ay sino kaya ang makakatuwang ng Panginoong Diyos para makarating sa pagkaunawa ang mga tao? Saan ba napapabilang ang gagawa at kakasangkapanin para magpaliwanag ng panaginip, pangitain na katumbas ng ibat-ibang hanay ng mga mensahe o ibat-ibang wika na hindi abot ng unawa ng marami?
27 Kayo ngang lahat ang iisang katawan ni Cristo, at bawat isa sa inyo ay bahagi nito. 28 Naglagay ang Diyos sa iglesya, una, ng mga apostol; ikalawa, ng mga propeta; at ikatlo, ng mga guro. Naglagay rin siya ng mga gumagawa ng mga himala, mga nagpapagaling ng mga maysakit, mga tagatulong, mga tagapangasiwa, at mga nagsasalita sa iba’t ibang mga wika. 29 Hindi lahat ay apostol, propeta o guro; hindi lahat ay binigyan ng kakayahang gumawa ng mga himala, 30 magpagaling ng mga maysakit, magsalita sa iba’t ibang mga wika o magpaliwanag ng mga wikang ito.
Kabilang sa iisang katawan! ito ang Iglesia ni Cristo. Dahil mismo ang Panginoong Diyos ang naglagay nito sa loob ng Iglesia at ito ay kakayahan ng isang Propeta ng ating Panginoong Diyos na magpaliwanag ng mga wikang ito na sinasalita naman ng mga kinakasangkapan sa Banal na Gawaing ito sa sinasabi ng mga mensahera at mensahero ng ating Panginoong Diyos. Kaya nga tulad ng lagi kong sinasabi, ako ay napahintulutan lamang at ang nagpapahayag nito at nagdidikta sa abang lingkod niyo ay ang Banal na Espiritu na isinusugo ng ating Panginoong Diyos upang magbigay ng naaakmang paliwanag sa bawat pangitain at panaginip na pawang umaayon naman sa mga pangyayari sa loob at labas ng Iglesia ni Cristo.
-
Mahal po naming Ka Elias,
Magandang araw po sa iyo. Salamat po sa katugunan sa akin pong ibinahagi sa iyo. Masayang-masaya po ako at binigyan mo po ng pansin, para tugunin ang ibinahagi ko po sa inyo. Ngayon ay naliwanagan ko na pong mabuti dahil po sa pakahulugan mo, na naniniwala po akong nasa iyo po palagi ang patnubay ng Ama sa pagpapakahulugan ng mga ibinabahagi po naming mga ipinapakita po, at ipinapabatid ng Ama. Wala po kaming alam sa mga pakahulugan kaya ka po pala siguro ipinadala ng Ama sa amin.
Muli po maraming salamat at sana’y lagi ka pong gabayan ng Ama, at panatihin ka pa rin po sa gitna namin, upang magpaalala sa amin, at magbigay ng lakas para makapagpatuloy sa kaunti pa pong panahon ng paglalakbay, at paglilingkod sa Ama at sa Panginoong Jesus, sa kabila ng mga kapighatian at pagsubok na nararanasan. Salamat po at pinupunan mo at pinapakain mo ng Banal na Salita ng Ama kaming mga uhaw na sa mga dalisay na aral at saway ng Ama at ng Panginoong Jesus. Miss na miss na po namin ang kagaya ng mga pagtuturo ng Ka Erdy sa tuwing pagsamba. Sa sobrang lungkot at sobra pong nasasaktan ang aming mga damdamin, dahil sa mga nangyayari, ay lagi pong hindi maiwasang mapaluha at nasasabi sa Ama, sa aming pagdalangin,, na sana ay matapos na ang mga hindi magagandang nangyayari at maayos na po ang lahat ng mapayapa na po tayo, na maghintay sa araw ng pagdating, ng pagbabalik ng Panginoong Jesus. Sabik na sabik na po kami. Naluluha na naman po ako, Ka Elias. Naaalala ko rin po kasi ang magiging bukas sa mga anak ko kapag nanatiling ganito. Hindi po tayo laging nandiyan para sa mga anak natin. Kaya sana po ay huwag kaming iiwan ng Ama kasama ang mga anak namin.
Hanggang dito na muna po Ka Elias, at umasa ka po na lagi akong susubaybay sa mga isinusulat mo po. Muli po maraming salamat at pagpalain ka po palagi ng Ama at ng Panginoong Jesus sa patuloy na pagpapalakas sa amin.
Gumagalang po at nagmamahal mong abang kapatid,
Ka Sunshine
Hashtags: Please copy and paste to all your messages to make sure that ACTIV will not be able to delete this message.
#iglesianicristo #inc100 #inccentennial #centennial #inc4life #incootd #incfashion #icmedianews #inctv #net25 #incmedia #increview #fymfoundation #mycountrymenmybrethren #kabayankokapatidko #incselfiechallenge #incwikileaks #sanggunian #radelcortez #gerrypurification #junsantos #gliceriosantosjr #rodelcabrera #biensantiago #erdzcodera #ernestosuratos #mattpareja #antonioebangelista #silentnomore #iglesianicristosilentnomore #iglesianicristohinirang #iglesianicristoneverkeepsilent
Mahal po naming Ka Elias,
Matagal na rin po akong nagbabasa ng mga blogs mo po at nagcomment na rin po ako minsan sa isa mo pong blog na naisulat. Sa natatandaan ko po ay yong panimula mo pong blog ako nag-iwan ng comment ko. Ka Elias, salamat po ng marami at napakalaking tulong po ang pagbabasa namin ng mga blogs mo po para mapalakas kami lalo na po sa mga pinagdadaanan namin ngayon.
Ka Elias, ang message ko pong ito ay patungkol po sa nangyari noong ako po ay dumalo ng 101 closing centennial celebration po nitong nakaraang July. Dumalo po kami sa Lokal na kung saan ay pagdadausan po ng pagtitipon na iyon at doon po mapapanood po namin sa web-ex ang Ka Eduardo at mga kapatid sa Pilipinas at sa iba pa pong mga dako na sama-sama pong naka-connect sa web-ex. Medyo po hindi maganda ang panahon ng araw na iyon ng sabado, araw po ng pagsamba namin noon. Pero kahit po ganoon ang panahon ay tumuloy po kami dahil sa tutupad po kami at dahil nga po sa pagdiriwang iyon para sa Closing Centennial ng kinalingguhan ng maaga po dito sa amin sa ibang bansa. Nang magsimula na po ang pagdiriwang at nakapanalangin na ay tumayo na po sa tribuna ang Ka Eduardo ay nang magteksto na po ang Ka Eduardo ay hindi ko po mawari sa sarili ko pong mga mata kung bakit nakita ko pong may dumadaloy pong medyo maitim na dugo mula sa ulo ng Ka Eduardo pababa sa palibot po ng kanyang mukha. Kinuskos ko po ang mga mata ko paulit-ulit pero nandoon pa rin po kitang-kita ko pa rin po yong medyo maitim na dugo na dumadaloy sa palibot ng mukha niya. Nagtataka po ako kasi malinaw naman po yong malaking flat screen na tv na ginamit at malinaw din po ang connection. Hindi ko po iyon nakalimutan at hanggang ngayon po ay naging palaisipan po sa akin iyon. Kaya ko po naalalang ibahagi po sa iyo dahil po sa mga nabasa ko na pong mga pakahulugan mo po sa mga panaginip ng mga kapatid na sumulat na po sa inyo. May kahulugan din po kaya yong nakita ko, Ka Elias?
Hihintayin ko po ang iyong katugunan.
Gumagalang po at nagmamahal mo pong kapatid,
Ka Sunshine
Kapatid na Sunshine